Skólavarðan - 01.10.2001, Blaðsíða 18

Landnám á Net inu
20
Vefurinn er byggður á kennsluaðferð
Herdísar, landnámsaðferðinni, Nýtt land -
ný þjóð. Þessi kennsluaðferð hefur vakið
verðskuldaða athygli og hefur Herdís skrif-
að bækur og haldið námskeið fyrir kennara
um efnið. Skólavarðan fékk Halldóru
Björnsdóttur, hönnuð og umsjónarmann
vefsins, til að segja frá honum.
Sannkallaður lífsleiknivefur
Á www.leikni.is er kappkostað að kynna
börnum fjármálaheiminn á spennandi og
skemmtilegan hátt. Að læra í gegnum leik
hefur löngum þótt góð leið fyrir ung-
menni.Gestir www.leikni.is skapa sitt eigið
land, sjá um rekstur þjóðarbúsins sem og
heimilisins. Börnin læra að átta sig á hvað
það þýðir að vera ábyrgur þjóðfélagsþegn
og hvaða hlutverki stofnanir samfélagsins
gegna.
Leikurinn Nýtt land - ný þjóð hefst á því
að barnið fær það verkefni að velja landið
sitt og ákveða nafn þess og stærð.
Landið „gýs úr sæ“ snautt og allslaust.
Börnin þurfa að finna út hvers kyns gróður
getur þrifist á þessu landi, gera landfræði-
legt kort og margar aðrar gerðir af kortum,
svo sem veðurkort, íbúakort o.fl. Þau
ákveða hve margt fólk býr í landinu þeirra,
hvað það hefur í laun og hve mikla skatta
það greiðir. Þegar þessi atriði eru komin á
hreint liggur fyrir hve miklar ráðstöfunar-
tekjur ríkisins eru. Þá er komið að því að
ákveða hvernig peningunum skuli varið en
það getur verið flókið mál. Í lokin liggur
fyrir uppgjör til útprentunar. Á svipaðan
hátt er farið í gegnum heimilisfjármálin
sem eru minni í sniðum en ekki síður mik-
ilvæg.
Samhliða leiknum „Nýtt land - ný þjóð“
er á www.leikni.is almenn fræðsla um hug-
tök í fjármálum og möguleikar á að reikna
út sparnað og lántökur. Verðglöggur er
verðágiskunarleikur sem stendur í einn
mánuð í einu, vegleg verðlaun eru veitt fyr-
ir besta svarið. Í krónum talið er verkefni
þar sem hægt er að glöggva sig á sérþörfum
einstaklingsins og hvað þær geta kostað.
Peningavit er til að læra að færa einfalt bók-
hald. Verkefnabankinn inniheldur margvís-
leg verkefni fyrir bekkjardeildir og ein-
staklinga og á menningarsetrinu er hægt að
skoða úrval innsends efnis. Vefurinn er öll-
um opinn.
Víða á vefnum eru fræðsluhnappar, til
dæmis Viskufuglinn sem börnin geta smellt
á til að fá margs konar mikilvægar upplýs-
ingar.
Vefurinn er gagnvirkur og landnemar fá
viðbrögð við því sem þeir eru að gera. Vef-
urinn er áhugaverð, fræðandi og góð
skemmtun fyrir alla fjölskylduna. Hann er
einnig tilvalinn til notkunar við kennslu í
lífsleikni í grunnskólum.
Á www.leikni.is er hægt að vinna til
margs konar verðlauna og tíð endurnýjun
verkefna viðheldur fjölbreytni svo að allir
geta fundið eitthvað við sitt hæfi. Verkefn-
in eru sniðin að þörfum einstaklinga annars
vegar og hópa hins vegar með það í huga
að kennarar vilji notfæra sér vefinn í
kennslu.
Kennarar sem hafa áhuga á að fá sendar
kennsluleiðbeiningar geta óskað eftir því á
leikni@leikni.is
Lífleg blanda af gamni og alvöru gerir
leikinn léttan og skemmtilegan.
Talsverð umræða hefur verið í samfélag-
inu undanfarið um skort á fjármálafræðslu
fyrir börn og þess vegna ætti tilurð þessa
vefs að vera ánægjuefni fyrir alla þá sem
láta sig slíkt einhverju skipta. Vert er að
taka það fram hér að hægt er að nota efni
vefsins í tengslum við flestar námsgreinar.
Björn Bjarnason menntamálaráðherra
opnaði leikni.is þann 24. ágúst síðastliðinn
að viðstöddum grunnskólakennurum og
öðrum gestum.
Halldóra Björnsdóttir
Íslandsbanki hefur í samstarfi við
Listfengi ehf. og Herdísi Egilsdóttur
kennara kynnt til sögunnar nýjan
fjármálavef fyrir 8-12 ára börn sem
hefur hlotið nafnið leikni.is.
www.leikni.is
Fjármálafræðsluvefur fyrir börn
Undir hatti landnámsaðferðarinnar eru samþættar allar námsgreinar
grunnskólans. Aðalmarkmið aðferðarinnar er að ala upp lífsleikin börn, þ.e.a.s.
ungmenni sem ganga glöð og hugdjörf til framtíðarnáms og starfs. Ég hef í
rúma tvo áratugi notað þessa aðferð með þeim börnum sem ég hef kennt.
Þungamiðja landnámsaðferðarinnar er sú að börnin eignast nýtt land, gerast
þar landnemar sem fullorðið nútímafólk og verða að leysa öll þau mismunandi
viðfangsefni sem upp koma í nýju landi þar sem ekkert hefur áður verið gert.
Þau gerast þingmenn og hafa jafnan atkvæðisrétt. Þau koma sér upp
mennta-, heilsugæslu- og dómskerfi, virkja fossa og aðrar orkulindir, koma á
innflutningi og útflutningi, taka lán erlendis til stórra framkvæmda og læra um
ábyrgð þá sem fylgir því að taka lán.
Þau leggja skatta á þjóð sína og telja fram á þar til gerðum pappírum, kjósa
leynilega í stórmálum og æfa sig í glímunni við útgjöld heimilanna.
Segja má að þarna fari fram sjálfsnám með aðgengi að öllum þeim upplýs-
ingamiðlum sem nútíminn býður upp á.
Þau kortleggja landið sitt á ýmsan hátt.
Síðast en ekki síst æfast þau í að ræða málefni fullorðins fólks á fullorðinna
manna máli, hafa augu og eyru opin fyrir umhverfi sínu, fylgjast með fréttum
og leysa hvers kyns vandamál.
Herdís Egilsdóttir kennari
6D í Melaskóla tók þátt í keppninni „Verðglöggur“ í september á www.leikni.is og öll börnin í
bekknum fengu í verðlaun háskólaboli með ísaumuðu merki leikni.is.