Skólavarðan - 01.10.2001, Blaðsíða 22

F jarsk iptasafn
24
„Tækni höfðar til barna og unglinga og
hefur held ég alltaf gert,“ segir Jón Ár-
mann Jakobsson, safnvörður Fjarskipta-
safns Símans. „Hér á safninu eru allskonar
hlutir og tæki sem þau hafa gaman af að sjá
og prófa. Framfarir í síma- og fjarskipta-
málum eru svo örar að það sem er nýtt í
dag verður orðið safngripur á morgun.
GSM-símar og tölvur eru hversdagslegir
hlutir í huga krakkanna. Hvernig ætli þeir
líti út eftir fimm ár eða verður eitthvað allt
annað komið þá, eitthvað sem við höfum
varla hugmyndaflug til að sjá fyrir?“
Námsefni um fjarskiptatækni
„Við hjá Símanum sjáum fyrir okkur að
kennarar í sögu, samfélagsfræði og eðlis-
fræði geti nýtt sér safnið,“ segir Jón Ár-
mann og hann hefur nú þegar fengið
nokkra nemendahópa í heimsókn. „Fanný
Gunnarsdóttir kennari hefur í samvinnu
við Símann útbúið námsefni fyrir nemend-
ur, það er ætlað elstu bekkjum grunnskól-
ans en gæti líka hentað í framhaldsskólum.
Tilgangurinn með því er að vekja athygli
og áhuga unga fólksins á fjarskiptatækni og
kynna sögu þessara mála en framfarir í
tæknimálum eru samtvinnaðar sögu þjóð-
arinnar. Það má líka benda á að á þessum
miklu tæknitímum kemur fjarskiptatæknin
inn á flest svið þjóðlífsins og margvísleg
störf tengjast henni.Verkefnin í bókinni
eru bæði verkleg og skrifleg og er gert ráð
fyrir að þau séu unnin hér á safninu. Þó að
verkefnabókin sé ætluð fyrir ákveðinn aldur
tökum við auðvitað á móti öðrum aldurs-
hópum líka.“ Að sögn Jóns Ármanns var
eintak af bókinni sent til skólastjóra allra
grunnskóla á höfuðborgarsvæðinu sl. vor.
Aðrir skólar sem hafa áhuga á að fá eintak
geta haft samband við Jón Ármann.
Hringt í gegnum gömlu
símstöðina
Fjarskiptasafn Símans var
opnað 28. október árið 1998
og er til húsa í gömlu loft-
skeytastöðinni á Melunum.
Þegar loftskeytastöðin var flutt
í Gufunes fékk Háskólinn hús-
ið. Síminn keypti það aftur í
tilefni af 90 ára afmæli sínu
fyrir fimm árum. Tilhlýðilegt
þótti að gera þetta gamla og
fallega hús að safni sem tileink-
að væri sögu fjarskiptamála á
Íslandi. Síminn á ógrynni gamalla muna og
er aðeins lítill hluti þeirra til sýnis á safn-
inu. Þar gefur t.il dæmis að líta fyrsta sím-
ann sem settur var upp á Ísafirði árið 1889,
skiptiborð frá mismunandi tímum, síma-
skrár frá árinu 1906, morstæki, gullsíma,
stauraskó, loftskeytaklefa, fyrstu ungfrú
klukku og ótal margt fleira. „Börn, og
reyndar líka fullorðnir, hafa sérstaklega
gaman af því að hringja í gegnum gömlu
símstöðina frá 1932 og sjá hvernig hún
virkar,“ segir Jón Ármann. „Þessi stöð hef-
ur verið send á sýningar erlendis og vakið
mikla athygli. Það er alltaf gaman að sjá
hvernig hlutir virka og fá að prófa eitthvað
sjálfur.“
Gömul tækni en þó síung
„Það væri ánægjulegt að sjá
unga fólkið kynna sér sögu
þessarar gömlu tækni sem er þó
alltaf síung. Hún hefur fylgt
þróun þjóðfélagsins og þörfum
þegnanna á hverjum tíma allt
frá því að Bell talaði fyrst í síma
árið 1876. Til þess að skilja nú-
tímann er nauðsynlegt að
skoða fortíðina. Þegar okkur
verður ljóst hve hratt fjar-
skiptatæknin hefur breyst á síð-
astliðnum áratugum er ef til vill
auðveldara að átta sig á hversu gríðarlegar
breytingar eru framundan í fjarskiptamál-
um. Þeir sem hafa hug á að koma á safnið
geta haft samband við mig og pantað tíma.
Almennur þjónustutími er hins vegar á
sunnudögum, þriðjudögum og fimmtudög-
um á milli klukkan 13 og 17,“ segir Jón Ár-
mann að lokum.
Guðbjörg Gunnarsdóttir
Gullsími og stauraskór
- heimsókn í Fjarskiptasafn Símans tengist eðlisfræði, sögu og samfélagsfræði
Nánari upplýsingar um safnið eru á heimasíðu þess,
www.siminn.is/um_okkur/almennt/saga_simans/fjarskiptasafn.asp
Jón Ármann Jakobsson