Þjóðmál - 01.03.2014, Blaðsíða 82

Þjóðmál voR 2014 81
unnið heimavinnuna sína . Greining hennar
á mark aðinum er yfirborðsleg, og hana
hefur skort tengsl við raunveruleikann með
þeim afleiðingum, að viðskiptatækifæri
hafa farið forgörðum, eins og ýjað er að í
tilvitnuðu viðtali .
Það eru draumórar, að orkusala til
málm iðnaðar og til útlanda um sæstreng
geti farið saman, eins og sumir talsmenn
Lands virkjunar o .fl . hafa haldið fram .
Hluti af villukenningunni er fólginn í
því, að gríðarleg orka renni óbeizluð til
sjávar fram hjá virkjunum, og nemi hún
þriðjungi þeirrar orku, sem ætlunin er að
selja um sæstrenginn . Nefndar hafa verið
5000 GWh/a til útflutnings um sæstreng,
og þá þyrfti ekki viðbótar virkjanir upp á
1650 GWh/a eða tæplega 200 MW, heldur
yrði þessari orku einfaldlega „tappað út úr
kerfinu“ .
Hér er farið með himinskautum í rök­
leysunni, eins og sýnt er fram á hér að
framan . Óhætt er að fullyrða, að væri þessi
orka tekin úr vinnslukerfinu, kæmi það
niður á öllum íslenzkum viðskiptavinum
orku vinnslufyrirtækjanna, sem kaupa af­
gangs orku, t .d . sjávarútvegsfyrirtækjum og
málm framleiðendum . Til sannindamerkis
er raforku skerðing, sem Landsvirkjun hefur
orðið að grípa til undanfarin misseri vegna
álags aukningar í raforkukerfinu og vegna
bágborins vatnsbúskapar . Þetta kemur líka
fram við athugun á stöðu miðlunarlóna
undanfarin ár, þar sem þó hefur ekki komið
til orkuskerðingar . Þessi ónýtta orka, sem
selja megi inn á sæstreng án tjóns fyrir
nokkurn mann, er helber heilaspuni .
Í Noregi hefur reyndin orðið sú, eftir
lagn ingu öflugs sæstrengs til Hollands,
að langtímaraforkusamningar hafa ekki
verið endurnýjaðir og orkuverð hefur
rokið upp úr öllu valdi vegna tæmingar
miðlunarlóna og í staðinn innflutnings á
raforku frá meginlandi Evrópu . Við bilun
í sæstrengnum á milli Noregs og Hollands
lækkaði raforkuverðið í Noregi .15
Áliðnaður alls staðar í heiminum á nú á
brattann að sækja . Eins og sýnt hefur verið
fram á í þessari grein, hníga þó öll rök til
þess, að þetta séu tímabundnir erfiðleikar og
að jafnvægi muni nást á markaðinum árið
2016 . Álmarkaðurinn vex hratt á heimsvísu
og einnig í Evrópu, þar sem eftirspurn vex
og álverum er á sama tíma lokað vegna
skorts á hagkvæmri sjálfbærri orku .
Framkvæmdastjórn ESB hefur nú reyndar
fengið í hendur hlutlæga skýrslu um stöðu
Þ að eru draumórar, að orkusala til mál miðnaðar og til útlanda
um sæstreng geti farið saman,
eins og sumir talsmenn Lands­
virkjunar o .fl . hafa haldið fram .
Hluti af villukenningunni er
fólginn í því, að gríðarleg orka
renni óbeizluð til sjávar fram hjá
virkjunum, og nemi hún þriðjungi
þeirrar orku, sem ætlunin er að
selja um sæstrenginn . . . Óhætt er
að fullyrða, að væri þessi orka tekin
úr vinnslukerfinu, kæmi það niður
á öllum íslenzkum viðskiptavinum
orku vinnslufyrirtækjanna,
sem kaupa afgangs orku, t .d .
sjávarútvegsfyrirtækjum og
málmframleiðendum . Til
sannindamerkis er raforkuskerðing,
sem Landsvirkjun hefur orðið að
grípa til undanfarin misseri vegna
álagsaukningar í raforkukerfinu og
vegna bágborins vatnsbúskapar .