Gerðir kirkjuþings - 01.01.2013, Blaðsíða 114

114 115
15. mál kirkjuþings 2013
Flutt af biskupi Íslands
Samþykkt þannig að lokinni umfjöllun í allsherjarnefnd:
Þingsályktun um fræðslustefnu þjóðkirkjunnar
Kirkjuþing 2013 samþykkir eftirfarandi fræðslustefnu þjóðkirkjunnar:
Fræðslustefna þjóðkirkjunnar
I. kafli. Fræðsla frá vöggu til grafar.
Markmið fræðslustefnu Þjóðkirkjunnar er að stuðla að góðu og markvissu fræðslustarfi í
söfnuðum landsins.
Skipulag fræðslunnar gengur að öllum jafnaði út frá sókninni sem grunneiningu og
miðar við að allir geti nálgast fræðslu við sitt hæfi. Eðlilegt er að útfæra þetta markmið
innan hvers prófastsdæmis í samræmi við aðstæður, svo sem mannfjölda, vegalengdir og
samgöngur. Samstarfssvæði geta í mörgum tilfellum verið heppilegur vettvangur.
Mikilvægt er að auka fjölbreytni í framboði fræðsluefnis svo það sé sem mest í samræmi
við þarfir og þroska fólks á öllum aldri. Sömuleiðis gefur fjölbreytilegt efnisval, þeim sem
starfa við fræðsluna kost á því að laga hana að eigin styrkleikum.
Á fjögurra ára fresti er ákveðið viðfangsefni fræðslumála dregið sérstaklega fram og
áhersla lögð á endurskoðun og endurbætur í öllum þáttum þess starfs. Fjárhagsáætlanir til
efnisgerðar taki mið af þeirri stefnu.
Fermingarfræðslan og markviss tengsl við fjölskyldur fermingarbarna verður áhersluþáttur
næstu fjögurra ára.
Fræðsla og námskeið fyrir leiðtoga um eðli og afleiðingar kynferðisbrota og þjálfun um
æskileg viðbrögð þegar greint er frá kynferðisbroti. Sérstök áherslu verður einnig lögð á
þetta atriði næstu fjögur árin.
Greinargerð.
Í yfirskrift fyrsta kafla í gildandi stefnu er aðeins ein setning: „Í hverri sókn landsins skal
bjóða upp á fræðslu frá vöggu til grafar.“
Lagt er til að breyta þessu og nota fremur það orðalag sem fram kemur hér að ofan. Þar er
meginhugsunin sú að setja ekki fram kröfu sem í mörgum tilfellum er ógerlegt að uppfylla
og setja strax í upphafi þann tón að stefnan sé ætluð til stuðnings og leiðsagnar en ekki
sem bindandi krafa. Áhersla sé lögð á fjölbreytni og möguleika á mismundandi leiðum
að því marki að veita aðgang að fræðslu frá vöggu til grafar. Enn fremur er sérstaklega