Orð og tunga - 01.06.2007, Side 11

Dr. Jakob Benediktsson
Aldarminning
í júlímánuði í ár verða hundrað ár liðin frá fæðingu Jakobs Benedikts-
sonar, fyrrum forstöðumanns Orðabókar Háskólans, en hann fæddist
á Fjalli í Seyluhreppi í Skagafirði 20. júlí 1907. Jakob var settur til náms
og lauk gagnfræðaprófi utanskóla á Akureyri 1922. Veturinn 1923-
1924 sat hann í fjórða bekk Menntaskólans í Reykjavík og lauk þaðan
stúdentsprófi utanskóla 1926. Eftir það lá leiðin til Kaupmannahafn-
ar til náms í latínu og grísku en cand.mag. prófi í þeim greinum lauk
hann við Hafnarháskóla 1932.
Að námi loknu kaus Jakob að dveljast áfram í Kaupmannahöfn
þar sem honum bauðst árið 1933 að verða aðstoðarmaður hjá Christi-
an Blinkenberg prófessor við útgáfu á grískum áletrunum frá Lindos.
Að útgáfunni vann hann til 1942 en kenndi jafnhliða við ýmsa skóla
í Kaupmannahöfn. Aður en útgáfunni með Blinkenberg var að fullu
lokið varð Jakob styrkþegi Árnanefndar og vann á vegum hennar við
orðabók yfir forníslensku á árunum 1939-1946. Síðustu þrjú árin var
hann einnig bókavörður við Háskólabókasafnið í Kaupmannahöfn.
Árið 1946 fluttist Jakob til íslands ásamt konu sinni Grethe Kyhl, mag.
art. í klassískri fornleifafræði. Jakobi hafði þá boðist að gerast forstjóri
Máls og menningar. Hann tók því boði og gegndi starfinu í tvö ár að
hann sneri sér að því sem átti eftir að verða hans ævistarf.
Nokkur umræða hafði á árunum á undan farið fram í heimspeki-
deild Háskóla íslands um sögulega íslenska orðabók og höfðu menn
Ordbog over det danske sprog að fyrirmynd sem Verner Dahlerup hafði
hafist handa við um aldamótin 1900. Árið 1943 samþykkti heimspeki-
deildin áskorun til háskólaráðs um að láta hefja undirbúning sögu-