Dagblaðið Vísir - DV - 08.09.2015, Blaðsíða 23
18 Fréttir
Í
Grafarvogi eru tvö skemmtileg sjálf
boðaliðaverkefni í gangi sem að
snúa að menntun barna. Annars
vegar er það aðstoð við heimanám
nemenda sem eru af erlendu bergi
brotnir, sem fram fer í Borgum, félags
miðstöð velferðarsviðs í Spönginni,
og hins vegar lestrarverkefni í Húsa
skóla þar sem eldri borgarar taka það
að sér að hlusta á barnaskólanemend
ur lesa upphátt og veita þeim tilsögn.
Á báðum vígstöðvum leika Korpúlfar,
samtök eldri borgara í Grafarvogi,
lykil hlutverki.
Í Borgum, félagsmiðstöð vel
ferðarsviðs við Spöngina í Grafarvogi,
fer fram afar uppbyggjandi starf þar
sem fjölmargir aðilar aðstoða nem
endur af erlendu bergi brotnu við
heimanám. Kennslan fer fram einu
sinni í viku, á þriðjudögum frá 16.30 til
18.00. Einn af sjálfboðaliðum er Har
aldur Finnsson, fyrrverandi skólastjóri
við Réttarholtsskóla.
„Afar skemmtilegt starf og
gefandi“
„Þetta starf hefst undir nafninu
Heilahristingur, sem var samstarfs
verk efni Borgarbókasafnsins og Rauða
krossins. Heilahristingur byrjaði í úti
búum bókasafnsins þar sem sjálfboða
liðar aðstoða grunnskólanemendur
sem eru af erlendu bergi brotnir,“ segir
Haraldur. Haraldur byrjaði á eftirlaun
um fyrir þrettán árum en skráði sig sem
sjálfboðaliða hjá Rauða krossinum fyr
ir um sex árum. „Þetta er afar skemmti
legt starf og gefandi. Að starfinu koma
sjálfboðaliðar frá Rauða krossinum en
einnig Korpúlfar. Að auki koma krakk
ar úr Borgarholtsskóla og hjálpa til
gegn því að fá eina einingu upp í sitt
nám. Þetta er stórskemmtileg blanda,
aldursbilið er um 70 ár milli þess elsta
og yngsta,“ segir Haraldur.
Hlutverk foreldra afar mikilvægt
„Nemendurnir eru úr 4. bekk og upp
úr og íslenskukunnátta þeirra er afar
mismunandi. Mörg hver eru fædd hér
á landi en foreldrarnir hafa í mörgum
tilvikum takmarkaða íslenskukunnáttu
og geta því kannski ekki hjálpað eins
mikið til við heimanám barnanna og
nauðsynlegt er,“ segir Haraldur. „Starf
ið gengur vel og við upplifum að það
skili árangri. Hins vegar er hlutverk for
eldra í námi barnanna afar mikilvægt,
það skiptir sköpum að foreldrar beri
virðingu fyrir þessari vinnu barnanna
og veiti henni athygli. Þá farnast nem
endum yfirleitt vel,“ segir Haraldur.
Athyglisvert samstarf
í Húsaskóla
Í Húsaskóla fer fram afar athyglisvert
samstarf skóla, heimilis og grenndar
samfélagsins við að byggja upp lestrar
kunnáttu nemenda. Fyrir utan hefð
bundið skólastarf tengt lestri þá hefur
skólinn einnig lagt á samstarf við for
eldra varðandi heimalestur barn
anna. Annað skemmtilegt verkefni í
skólanum snýr að þátttöku svokall
aðra Korpúlfa í lestrarkennslunni.
Fulltrúar samtakanna hafa komið inn
í lestrarnámið á afar eftirtektarverðan
hátt. Hugmyndin var fengin að láni frá
Reykjanesbæ en þar hefur viðlíka sam
starf grenndarsamfélagsins verið við
lýði í nokkurn tíma.
Foreldrar lána bækur
„Við leggjum mikla áherslu á lestur í
skólanum. Öll börn í 1.–7. bekk, eru
með heimalestrarbók og eiga að lesa
upphátt í að minnsta kosti 15 mín
útur á dag. Að sjálfsögðu má svo lesa
meira í hljóði eða yndislestri. Skólinn
lagði mikla áherslu á samstarf við for
eldra og það verður að segja að þeir
eru einstaklega duglegir við að sinna
þessu starfi barnanna,“ segir Ásta
Bjarney Elíasdóttir, skólastjóri Húsa
skóla. Nemendur fá heimalestrar
einkunnina 10 ef þau lesa alla daga
og 8 ef einn dagur fellur niður og því
er mikilvægt að foreldrar séu virkir og
haldi vel utan um lesturinn. „Þessar
einkunnir eru í hæstu hæðum. Ann
að mikilvægt atriði er að við upplýsum
foreldra um viðmiðin í hverjum bekk
og þannig geta foreldrar fylgst með
hvar börn þeirra eru stödd í lestri,“ seg
ir Ásta Bjarney og bætir við: „Einnig
hafa foreldrar verið að lána okkur bæk
ur og þannig búum við til skemmtileg
bekkjarbókasöfn sem börnin sækja
í. Við reynum líka að búa til notalegt
rými til þess að börnin geti lesið í með
það fyrir augum að byggja upp jákvæð
hughrif nemenda tengd lestri.“
„Lesskilningur nemenda hefur
aukist“
„Í skólanum erum við með yndis
lestrarstundir þar sem börnin lesa
það sem þau langar til. Síðan leggj
um við mikla áherslu á að þau lesi oft
ar upphátt og bæti framsögn sína og
þar koma Korpúlfarnir, eða lestrar
vinir, inn. Hver og einn sjálfboða
liði úr Korpúlfum er tilnefndur sem
lestrar vinur tiltekins bekkjar og heim
sækir skólann einu sinni í viku. Þessi
sjálfboðaliði kallar svo til sín hvern
nemanda og lætur hann lesa fyrir
sig. Óhjákvæmilega kvikna umræður
um flókin og torskilin orð sem barnið
nýtur góðs af. Við sjáum þess mjög
skýr merki að lesskilningur nem
enda hefur aukist,“ segir Ásta Bjarn
ey. Að hennar sögn hefur það komið
skemmtilega á óvart hversu krakk
arnir eru spenntir fyrir verkefninu.
„Það er afar eftirsótt að fá að lesa fyrir
lestrar vininn, alveg sama hvar börnin
eru stödd í lestri,“ segir Ásta Bjarney
að lokum.
Skólinn leitaði til Korpúlfa
Það er eftirtektarvert að í báðum
verk efnunum eru það eldri borgar
ar sem leika lykilhlutverk. Valbjörg
Jónsdóttir, fyrrverandi kennari, er í
hópi þeirra Korpúlfa sem hafa látið til
sín taka: „Þetta samstarf Húsaskóla
og Korpúlfa hófst þannig að skólinn
leitaði til félagsins eftir aðstoð. Á fé
lagsfundi í byrjun október í fyrra lá
fyrir blað þar sem áhugasamir gátu
skrifað sig á lista. Síðan var hringt í
okkur og við boðuð á fund. Ég var á
þessum félagsfundi þótt ég mæti ekki
á þá alla. Þannig kom það til að ég tók
þátt,“ segir Valbjörg og er greinilega
ánægð með hvernig til hefur tekist.
Passaði vel við morgunsundið
„Það var skemmtilegt að taka þátt í
þessu verkefni. Ég var dálítið efins
um árangurinn þegar ég vissi að ég
átti að hlusta á lestur 7. bekkjar sem
voru orðin alvön eftirfylgni í lestri, en
samvinnan gekk mjög vel við bæði
kennara og nemendur enda góð að
staða til að sinna þessu. Við vorum
ekki öll jafn oft í skólanum. Ég valdi
að mæta tvo morgna í viku, oftast í
tvær kennslustundir, einhverjir þátt
takendur vörðu meiri tíma í þetta og
aðrir minni tíma. Í febrúar skipti ég
þessum tíma á milli 7. og 1. bekkjar.
Ég fer í sund á morgnana og gat gert
þetta áður en ég fór í sundið og þurfti
ekki að hreyfa bílinn þar sem þessar
stofnanir eru á sama stað. Aðspurð
hvað valdi því að verkefnið virðist vera
að skila árangri, segir Valbjörg: „Ég
held að þetta sé vegna þess að krakk
arnir fara að hugsa meira um textann.
Þau fletta ekki upp orðum sem að þau
vita ekki alveg hvað þýða út af því að
þau ná samhenginu. Þarna skapast
hins vegar umræða um einstök orð
sem eykur á skilninginn.“ n
Vikublað 8.–10. september 2015
af
20%
AFSLÁTTUR
Gæði og góð þjónusta í 80 ár!
Björn Þorfinnsson
bjornth@dv.is
Börnin slást um að
lesa fyrir eldri borgara
n Gegna lykilhlutverki í menntun barna í Grafarvogi n Lesskilningur barna eykst
Menntun Framlag sjálfboðaliða í Grafarvogi er eftirtektarvert. Mynd Sigtryggur Ari
Valbjörg Jónsdóttir sjálfboðaliði Að
hennar mati fara nemendur að hugsa meira
um textann þegar þeir lesa upphátt fyrir
áheyranda.
Ásta Bjarney Elíasdóttir skólastjóri
Ásta er hæstánægð með samstarfið við
Korpúlfa. Mynd ÞorMAr Vignir gunnArSSon
Haraldur Finnsson Haraldur skráði sig
sem sjálfboðaliða hjá Rauða krossinum fyrir
sex árum og hefur síðan aðstoðað börn við
heimanám. Mynd tHorri