Dagblaðið Vísir - DV - 08.09.2015, Blaðsíða 12

Vikublað 8.–10. september 201586 Fólk
Hverfisgata 105 • Sími 551 6688 Stórar stelpur
Haust 2015
Litríkt hold
Húðflúrhátíð á Hótel Sögu um helgina
F
lestir erlendu gestirnir vilja
koma aftur að ári. Þeim finnst
frábært á Íslandi og kunna vel
að meta ráðstefnuna.“ Þetta
segir Seselja G. Sigurðardóttir,
einn skipuleggjenda húðflúrráðstefn-
unnar Icelandic tattoo expo, sem
haldin var í 4. sinn á Hótel Sögu um
helgina. Seselja rekur húðflúrstofuna
Tattoo og skart, á Hverfisgötu 108,
með Svani Guðrúnarsyni, manni sín-
um, en auk þeirra hjóna er smiðurinn
og tattúáhugamaðurinn Andrés Páll
Hallgrímsson ábyrgur fyrir skipulagi
ráðstefnunnar.
Ráðstefnan laðaði að um 2.000
manns, allt áhugafólk um húðflúr, og
margir fengu sér flúr á hátíðinni. „Við
fengum 250 umsóknir frá innlendum
og erlendum listamönnum sem vildu
taka þátt, úr þeim hópi völdum við 55
listamenn. Það er frábært að hátíðin sé
þetta vinsæl því það þýðir að við get-
um boðið þeim bestu,“ bætir Seselja
við.
Seselja segir það skipta miklu máli
fyrir áhugafólk um húðflúr á Íslandi að
fá erlendu gestina og halda ráðstefn-
ur sem þessa. „Fólk á ekki að sætta
sig við lélegt húðflúr sem er til dæmis
gert í heimahúsum. Það skiptir miklu
að vanda valið. Við hefðum getað fyllt
Súlnasalinn með verðlaunum sem
þessir listamenn hafa fengið víða um
heim fyrir verk sín.“
Auk þess að geta fylgst með flúrur-
um við störf, eða fengið sér flúr, var
ráðstefnugestum boðið upp á ýmiss
konar skemmtiatriði, keppt var um fal-
legasta flúrið í ýmsum flokkum og tón-
listarmenn stigu á svið. n
Sársaukinn
tekur enda
Blaðakona DV, sem er að verða
talsvert flúruð, lagði leið sína á
Icelandic tattoo expo í þeim til-
gangi að upplifa stemninguna og
fá sér ellefta flúrið í safnið.
Flúrarinn sem varð fyrir valinu
var Boff Konkerz, en hann vinnur
allt sitt flúr með nálum sem hann
stýrir með handafli, en ekki vélum
eins og flestir flúrarar. Boff býr á
Íslandi og vinnur á Íslenzku húð-
flúrstofunni.
Boff er búinn að flúra með
þessari aðferð í tíu ár og var áður
búsettur í London. Fyrir fjórum
árum byrjaði hann að koma til Ís-
lands sem gestaflúrari, en nú er
hann alfarið fluttur hingað.
Seinlegt og sársaukafullt
Miðað við að fá flúr með vél er að-
ferðin sem Boff notar frekar sein-
leg, og ansi sársaukafull. Sársauk-
inn fer þó alltaf eftir staðsetningu
flúrsins og þykkt húðarinnar.
Dagsform þiggjandans skiptir líka
máli, það er best að mæta í flúr vel
sofinn, vel nærður og í góðu stuði.
Það tók tæpan klukkutíma fyrir
Boff að setja flúrið á fót blaðakon-
unnar. Húðin á ristinni er þunn og
taugarnar næmar, þetta var ansi
vont, og talsverð orka fór í að berj-
ast gegn ósjálfráðum taugakipp-
um sem komu sem viðbragð við
stöðugum stungunum.
Handgert flúr er þó, að sögn
Boff, minna inngrip og skaða húð-
ina ekki eins mikið og flúr unnið
með vélum. Þess vegna jafnar
húðin sig hraðar og flúrið verður
slétt og fínt.
Þrátt fyrir sársaukann hefur
blaðakona fullan hug á að mæta
aftur í stólinn til Boffs og þiggja
frekari skreytingar á næstunni.
Colin Dale
Þessi kanadíski
flúrari rekur
vinsæla stofu í
Kaupmannahöfn
og sérhæfir sig í
fornum aðferðum
án véla. Stofan
heitir Skin&bone
og er á Jægers-
borggade.
Hlustað á tónlist Margir taka með sér góða tónlist í
stólinn. Flúrarinn er Iker Ruiz frá Spáni.
Frekar
flúraður Það
er ekki víst að
margir mundu
leggja í að flúra
þetta stóran
huta líkamans.
En mikilfenglegt
er það!
Fjölnir við störf Fjölnir hlaut fyrir löngu
viðurnefnið tattú. Hann er vel þekktur meðal
flúráhugafólks á Íslandi og þótt víðar væri
leitað.
Boff Konkerz
Hann er fluttur
til Íslands og
flúrar án véla. Boff
notar nálar til að
stinga í holdið og
sést hér flúra fót
blaðakonu.
Vígalegur búnaður Þegar flúrað er á ráðstefnu er aðstaðan
oft aðeins verri en á húðflúrstofum. Stólar eru notaðir í stað
þægilegra bekkja og höfuðljós í stað sterkra lampa til að lýsa
upp vinnuna.
Unnið með
handlegg
Hin finnska
Linda
Räihä var
einn erlendu
gestanna.
Flúraður háls Það var heillandi að fylgjast með litríkum
myndum fæðast á holdi ráðstefnugesta.
Búri flúrar Búri á Íslenzku húðflúrstofunni við störf.
Eldgamlar aðferðir Hér sést Brent
McCown (t.v.), en hann sérhæfir sig í fornum
pólýnesískum aðferðum. Flúrað er með nálum
á langri stöng sem bankað er á með priki.
Flúrararnir sitja við vinnu sína og klæðast
„sarong“-pilsum.
Ragnheiður Eiríksdóttir
ragga@dv.is