Tímarit hjúkrunarfræðinga - 01.03.2002, Blaðsíða 58
Nœrmynd af fundargestum með Sigrúnu Gunnarsdóttur fremst
en liún var iforustu undirbúningsnefndar fyrir stofnfundinn.
Myndirnar tók Sanuiel J. Samúelsson, heilsiigœslulœknir.
Stjórn félagsins skipuleggur og ber ábyrgð á framkvæmd aðal-
fundar.
Lýðheilsuþing skal halda að minnsta kosti annað hvert ár.
Á lýðheilsuþingi skal íjalla um málefni á sviði lýðheilsu,
hérlendis sem erlendis. Öllum er heimil seta á lýðheilsuþingi
og skal til þess boðað með almennri auglýsingu með a.m.k.
tveggja vikna fýrirvara. Stjórn ber ábyrgð á framkvæmd
lýðheilsuþings og sér um skipulagningu þess eða felur hana
öðrum félagsmönnum eða starfsmönnum.
Auk aðalfundar skal halda félagsfund árlega og hvenær sem
stjóm félagsins álítur það nauðsynlegt. Stjóm ber að boða til
félagsfundar ef tíu eða fleiri félagsmenn óska þess formlega. Til
félagsfundar skal boðað með almennri auglýsingu með a.m.k.
sjö daga fyrirvara. Halda skal gerðarbók um það sem fjallað er
um á félagsfundum og skal hún vera aðgengileg félagsmönnum.
En hvað hefur félagið fengist við frá því það var stofnað?
Að sögn Sigrúnar Gunnarsdóttur hefúr tímanum aðallega
verið varið í að kynna félagið, safna félögum og skrá þá.
„Kapp er lagt á að ná til breiðs hóps hvað varðar menntun,
búsetu og starfsvettvang.
Kynningin mun ná til m.a. einstaklinga, hópa, stofnana og
58
heilbrigðisyfirvalda. Áhersla er lögð á að styrkja samvinnu
þeirra sem koma að lýðheilsu á ýmsum sviðum þjóðfélags-
ins,“ sagði Sigrún.
Hún sagði enn fremur að samstarf væri hafið við samtök
evrópskra félaga um lýðheilsu og unnið væri að því að vera í
samstarfi við fleiri sambærileg samtök og félög.
„Þá er unnið að stefhumótun fýrir félagið innan ramma
stofnskrárinnar. Jafnframt er í smíðum verkefnaskrá félagsins.
Fram undan er námskeið hjá Endurmenntunarstofnun HÍ
um lýðheilsu í samstarfi við félagið þar sem aðalfyrirlesari er
próf. Gordon McDonald sem hefur unnið á vettvangi lýð-
heilsu undanfama áratugi og er ritstjóri Health Promotion
íntemational. Þá er stefnt að lýðheilsuþingi næsta haust, í
samræmi við lög félagsins.“
Sigrún var spurð að því hvemig markmið félagsins sam-
ræmdust heilbrigðisáætlun ráðuneytisins og sagði hún tilganginn
með stofnun félags af þessu tagi að styðja við þær ffamkvæmdir
og hvetja til frekari ffamkvæmda til að ná þeim markmiðum.
„Verkefni félagsins er fyrst og fremst að auka umræðu um
þessi málefni, hvetja til samstarfs, samræðu og þróunar til
þess að unnið sé að því að styrkja og bæta lýðheilsu á
íslandi," sagði Sigrún.
„Eitt af því sem er ofarlega á lista hjá okkur er að benda á
og auka umræðu um hversu víðtækir áhrifaþættir heilsu okkar
eru. Þessir þættir ná langt út fyrir heilbrigðisþjónustuna og
eru strangt til tekið ekki hvað síst utan hennar, svo sem á sviði
ýmissa félagslegra málefna, umhverfismála, menntamála,
fjármála, landbúnaðarmála og svo framvegis.
I alþjóðlegri umræðu um lýðheilsu um þessar mundir er
mikið rætt um mikilvægi þess að lagt sé svokallað heilbrigðis-
mat á hvers konar aðgerðir í samfélaginu, t.d. umhverfismál
og vegagerð, hvaða áhrif tilteknar framkvæmdir hafi í því
sambandi á heilsu og líðan borgaranna, öryggi þeirra og
mögleika til að lifa heilsusamlegu lífi. Sama má segja um
menntamál og til dæmis verðlag á matvöru, t.d. hvaða áhrif
breytingar á tollum á grænmeti hafa á heilsufar okkar.“
Sigrún sagði að lokum stjóm félagsins vinna að því að auka
umræðu um þessi mál og auka áhuga stjórnvalda og almennings
á þvi að taka tillit til heilsufarslegra þátta í hvítvetna.
Til leigu - raðhús í
Torrevieja á Spáni
Alveg nýtt hús með sundlaug í bakgarði, tveimur svefn-
herbergjum, stofu, eldhúsi og baði. Afgirtur garður og sól-
þak. I aðeins 15 mínútna gönguijarlægð frá strönd og
miðbæ, 5 mínútna gangur í vatnagarð og stutt í markað.
Allt miðað við að vera ekki bundin af bilaleigubíl.
Verð 400 evrur á viku í sumar.
Áhugasamir hafi samband við Ingibjörgu í síma 895-
7100 eða 568-7946.
Tímarit hjúkrunarfræðinga • 1. tbl. 78. árg. 2002