Tímarit hjúkrunarfræðinga - 01.05.2002, Blaðsíða 5

Forrmannspistill
Vorannír
Herdís Sveinsdóttir
Síðastliðinn mánuður hefur verið anna-
samur hjá Félagi íslenskra hjúkrunar-
fræðinga. I byrjun apríl var vorfundur
stjómar Samtaka hjúkmnarfræðinga á
Norðurlöndum (SSN) haldinn í Finn-
landi. Formaður og 1. varaformaður,
Erlín Óskarsdóttir, mættu á fúndinn.
Stjómarfundimir em mjög gagnlegir og
gefa góða yfirsýn yfir alþjóðleg störf
hjúkrunarffæðinga. Jafnframt hafa
íslenskir hjúkrunarffæðingar möguleika á
að hafa áhrif á þróun mála í alþjóða-
samfélaginu í gegnum þessi samtök. Á
fundinum var m.a. fjallað um þróun
nýrra siðareglna í rannsóknum fyrir SSN,
en endurskoðun þeirra hefur verið í
gangi um nokkurt skeið. Okkar ráðgjafi í
þeirri endurskoðun hefur verið dr. Kristín
Bjömsdóttir, dósent. Jafnframt var fjallað
um störf SSN innan fastanefndar ESB
um hjúkrunarmál (PCN). í vor var
ráðinn nýr ffamkvæmdastjóri PCN og er
mjög mikilvægt að norrænir hjúkmnar-
ffæðingar hafi öflug áhrif á Evrópumálin
og gott samstarf við stjóm PCN.
Formaður SSN, Katriina Laaksonen, er
jafnffamt fúlltrúi SSN í stjóm PCN.
Talsverð umræða varð og um stöðu
hjúkmnar innan Alþjóðaheilbrigðis-
málastofnunarinnar en eins og greint var
ffá í síðasta tölublaði tímaritsins hefur
staða hjúkrunar þar verið í uppnámi.
Síðar í april var svo ráðstefna Félags
íslenskra hjúkrunarfræðinga HJÚKRUN
2002 - Rannsóknir og nýjungar í hjúkr-
un haldin á Akureyri. Greint er frá ráð-
stefnunni annars staðar í blaðinu en ég
vil geta þess hér, sem ég gerði að
umtalsefni í ávarpi mínu á ráðstefnunni,
að umfang íslenskra hjúkrunarrann-
sókna er umtalsvert.
í tengslum við ímyndarátak félags-
ins reyndi ég að taka saman umfang
þessara rannsókna. Skemmst er frá því
að segja að þeirri vinnu er ekki lokið
enn og óvíst að henni ljúki vegna
umfangs og fjölda verkefna. Félagið
hefur styrkt rúmlega áttatíu verkefni og
flest þeirra eru unnin af hjúkrunarfræð-
ingum sem starfa á mismunandi stofn-
unum. Rannsóknirnar, sem kynntar voru
á ráðstefnunni á Akureyri, báru enn
fremur vitni fjölbreytileika hjúkrunar-
rannsókna.
I byrjun maí sátu svo 25 hjúkrunar-
fræðingar aðalfund Bandalags háskóla-
manna, ásamt formanni og starfsfólki
skrifstofu Félags íslenskra hjúkrunar-
fræðinga. Auk hefðbundinna aðal-
fundarstarfa voru nokkrir vinnuhópar
starfandi á aðalfúndinum. Fjölluðu þeir
um framtíðarsýn á vinnumarkaði
háskólamenntaðra manna; um vinnu-
markaðinn almennt; um framtíð
háskólamenntunar; tjáningarfrelsi
starfsmanna; neytenda- og eínahagsmál
og réttinda- og kjaramál. Hjúkr-
unarfræðingar voru virkir í öllum
þessum hópum og hvet ég félagsmenn
til að skoða ályktanir og niðurstöður
hópavinnunnar sem er að finna á
www.bhm.is.
í apríl birti heilbrigðisráðherra yfir-
lýsingu vegna heilsugæslunnar og voru
hjúkrunarfræðingar ekki ánægðir með
yfirlýsinguna. I henni stendur að lokn-
um smá-inngangi um gæði heilbrigðis-
þjónustunnar hérlendis:
„Nú standa yfir víðtækar skipulags-
breytingar á sjúkrahúsþjónustunni þar
sem uppbygging háskólasjúkrahúss á
höfuðborgarsvæðinu og samræming í
starfsemi annarra sjúkrahúsa landsins eru
stærstu verkeínin. Sömuleiðis er jafii
mikilvægt að tryggja að heilsugæsla utan
sjúkrahúsa geti gegnt sínu veigamikla
hlutverki í heilbrigðisþjónustunni, jafnt í
þéttbýli sem dreifbýli. Undanfarin ár
hefúr grunnheilsugæsla átt undir högg að
sækja í samkeppni við ýmsa aðra þætti
heilbrigðisþjónustunnar. Það er því
mikilvægt að gert verði skipulegt átak til
þess að styrkja stöðu heilsugæslunnar á
næstu misserum.
Að mínu áliti er mikilvægt að
heilbrigðis- og tryggingamálaráðuneytið
og Félag íslenskra heimilislækna hafi
með sér nána samvinnu um frekari
uppbyggingu og eflingu heilsugæsl-
unnar á næstunni."
Síðan eru í yfirlýsingunni tiltekin
nokkur atriði er öll lúta að læknum og í
lokin tillaga um stofnun hóps lækna og
ráðuneytis sem vinni að þeim atriðum. í
kjölfar þeirrar vinnu muni ráðuneytið
athuga „hvaða breytingar þurfi að koma
til á lögum og reglugerðum til þess að
tryggja framkvæmd áætlunarinnar.
Varðandi nauðsynlegar lagabreytingar
verði stefnt að því að leggja fram
frumvörp þess efnis á Alþingi haustið
2002. Haft verður náið samráð við
Félag íslenskra heimilislækna um
framkvæmd allra meginþátta
áætlunarinnar." Hjúkrunarfræðingar eru
ekki óánægðir með að leitað sé lausnar
á deilu við heilsugæslulækna. Þeir eru
hins vegar ekki sáttir við ef breyta á
atriðum í grunnrekstri heilsugæslunnar
án þess að hafa nokkuð um það að
segja. Því hefur verið mótmælt og
óskað eftir fúndi með ráðherra.
Gleðilegt sumar.
Tímarit hjúkrunarfræðinga • 2. tbl. 78. árg. 2002
69