Dagblaðið Vísir - DV - 13.12.2016, Blaðsíða 2
Vikublað 13.–15. desember 20162 Fréttir
HVAR ER SÓSAN?
Það er aðeins eitt sem er ómissandi í pítu og það er pítusósan.
Kannski pítubrauðið líka.
Þú gleymir ekki sósunum frá E. Finnsson.
O
kkur bar skylda til þess
að koma til hjálpar. Aðrir
farþegar stóðu eins og
þvörur og horfðu á mann-
inn lemja konuna. Ég hef
aldrei orðið vitni að öðru eins,“ segir
Jens Viktor Kristjánsson, starfsmað-
ur Inter Medica ehf., sem ásamt
ferðafélögum sínum varð vitni að
alvarlegu heimilisofbeldismáli á El
Prat-flugvelli í Barcelona í vikunni
sem leið. Um var að ræða starfs-
mannaferð fyrirtækisins. Fjórir
starfsmenn stigu fram og gripu inn í
atburðarásina og stöðvuðu gerand-
ann. Sá tók afskiptunum ekki vel og
hótaði meðal annars að sprengja
upp höfuðborg landsins áður en
hann var dreginn burt af þarlend-
um lögreglumönnum.
Lúbarði samferðakonu sína
Atvikið átti sér stað þann 4. desem-
ber síðastliðinn. Það barst til eyrna
ritstjórnar DV sem sló á þráðinn
til Jens. „Maður á svo sem ekki að
hreykja sér af slíku en ég get stað-
fest að þessi uppákoma átti sér stað.
Þetta var í meira lagi óhugnanlegt,“
segir Jens.
Að hans sögn voru starfsmenn
félagsins í innskráningarröð í flug
WOW air til Keflavíkur á El Prat-
flugvelli þegar þeir urðu varir við
læti úr samliggjandi röð: „Við erum
í röðinni hjá WOW en við hliðina
á okkur er verið að skrá inn í flug
Royal Air Maroc til Casablanca.
Þegar við lítum þangað yfir sjáum
við mann vera að lúberja konu, sem
er að öllum líkindum eiginkona
hans. Ofbeldið var greinilega búið
að standa yfir í smá tíma en það sem
við sáum var að maðurinn rak vesk-
ið sitt af miklu afli í háls konunnar
og sló hana þéttingsfast með flöt-
um lófa,“ segir Jens. Að hans sögn
gátu starfsmenn fyrirtækisins ekki
horft upp á þetta og því þegar í stað
gengið á milli fólksins og slitið þau
nokkuð hranalega í sundur. „Það er
hópur vaskra karla og kvenna sem
vinnur hjá fyrirtækinu. BMI-stuð-
ullinn á vinnustaðnum er í lægri
kantinum,“ segir hann.
Hótaði sprengjuárás á Reykjavík
Að sögn Jens varð ofbeldismaður-
inn æfur þegar afskipti Íslending-
anna hófust. „Hann reyndi að beita
ofbeldi gegn samstarfsmönnum
mínum. Honum varð ekki kápan úr
því klæðinu og var stöðvaður. Aðrir
farþegar gengu þá á milli en fram
að því höfðu þeir horft á, hálfrænu-
lausir,“ segir Jens. Meðal annars
reyndi ofbeldismaðurinn að hrækja
á Íslendingana auk þess sem hann
jós yfir þá hótunum og fúkyrðum.
„Hann talaði ensku við okkur og
lögreglumennina. Áður en hann var
dreginn í burtu þá tók hann mynd-
ir af okkur og hótaði að koma til Ís-
lands og jafna um okkur. Þá hótaði
hann sprengjuárás á Reykjavík,“
segir Jens.
Talsverð rekistefna varð vegna
atviksins en aðrir farþegar í röðinni
til Casablanca rönkuðu við sér og
aðstoðuðu Íslendingana. Fljótlega
voru vopnaðir öryggisverðir og lög-
reglumenn mættir á vettvang. „Það
hafa örugglega verið um 20 slíkir
verðir á vettvangi þegar mest var.
Þeir tóku við manninum, ræddu
við hann og loks var hann leiddur í
burtu í járnum,“ segir Jens. Að hans
sögn voru lögreglumennirnir aug-
ljóslega ánægðir með framtak Ís-
lendinganna.
„Ofbeldi sem
þetta á ekki að líðast“
Hann leggur áherslu á að fólk eigi
ekki að horfa á slíkar uppákomur
án þess að bregðast við. „Ofbeldi
sem þetta á ekki að líðast og þegar
maður sér einhvern níðast með
þessum hætti á minni máttar þá
ber manni skylda til þess að láta sig
málið varða. Allir aðrir sem stóðu
hjá voru sem frosnir og það voru
bara vitlausir og forskrúfaðir Ís-
lendingar sem tóku af skarið,“ segir
Jens og er augljóslega stoltur af
samstarfsmönnum sínum. n
„Hann Hótaði
sprengjuárás
á reykjavík“
n Íslendingar stöðvuðu ofbeldisverk á flugvelli
n Atvikið átti sér stað á El Prat-flugvelli í Barcelona
Björn Þorfinnsson
bjornth@dv.is
„Áður en
hann var
dreginn í burtu þá
tók hann myndir af
okkur og hótaði að
koma til Íslands og
jafna um okkur
Lét sig málið varða Jens Viktor Krist-
jánsson kom konunni til aðstoðar, ásamt
félögum sínum.
El Prat flugvöllur Starfsmenn
Inter Medica ehf. voru að skrá sig inn
í flug WOW til Keflavíkur þegar þeir
urðu varir við háreysti úr samliggj-
andi röð. Þeir létu sig málið varða.
Í
dæmahefti PISA sem Námsmats-
stofnun gaf út 2008 eru gefin dæmi
um PISA spurningar. Þar má finna
brot úr sögunni Gjöfin sem var not-
uð í PISA 2000. Textabrotið sem birt-
ist þar og hefur farið víða um á sam-
félagsmiðlum er ekki sá texti sem
notaður var í sjálfu prófinu.“
Þetta kemur fram í tilkynningu
frá Menntamálastofnun. Stofnun-
inni hefur verið legið á hálsi fyrir að
leggja próf með stafsetningarvillum
og öðrum ambögum fyrir nemend-
ur árið 2015. Þá hafi þýðingu verið
ábótavant.
Til að bregðast við þessu hefur
Menntamálastofnun ákveðið að ís-
lenskufræðingur lesi yfir lokaútgáfur
prófa áður en þær verða notaðar í
prófi. Fram kemur að um þýðinguna
á PISA 2015 hafi fjórir þýðendur séð,
þýðendur sem hafa jafnframt reynslu
af kennslu á grunn- og framhalds-
skólastigi. „Þrír þeirra voru ráðnir
af Námsmatsstofnun en sá fjórði var
óháður aðili sem OECD valdi. Allir
fjórir aðilarnir eru íslenskir. Í ljósi
ábendinga sem komu varðandi PISA
2015 mun Menntamálastofnun fá ís-
lenskufræðing til að lesa yfir loka-
útgáfur áður en þær verða notaðar í
prófi.“n baldur@dv.is
BrOtið AldrEi
nOtAð Í Prófi
Hyggjast láta íslenskufræðing lesa yfir prófin