Dagblaðið Vísir - DV - 13.12.2016, Blaðsíða 12

Vikublað 13.–15. desember 201612 Fréttir
Þ
ingreynsla nýs Alþingis
nemur um 241 ári. Munar
þar mest um Steingrím J.
Sigfússon sem setið hefur
í rúm 33 ár á Alþingi og er
nú kominn í 14. sæti yfir þá þing­
menn sem lengst hafa setið á Al­
þingi frá upphafi. Af þingflokkum
hefur Sjálfstæðisflokkurinn mesta
þingreynslu, um 95 ár samanlagt.
Framsóknarflokkurinn hefur flesta
þingmenn með þingreynslu í sín­
um röðum, aðeins einn þingmaður
þeirra hefur ekki áður setið á þingi.
Fæstir þingmenn með þingreynslu
eru í Viðreisn, aðeins einn.
Þrír þingmenn sem áður höfðu
setið á þingi komu inn á þing á
nýjan leik eftir síðustu kosningar,
þau Ólöf Nordal Sjálfstæðisflokki,
Jón Þór Ólafsson Pírötum og Þor­
gerður Katrín Gunnarsdóttir Við­
reisn. Þorgerður Katrín sat áður á
þingi fyrir Sjálfstæðisflokkinn og er
þar með einn þriggja þingmanna
sem setið hafa á þingi fyrir fleiri en
einn flokk. Auk Þorgerðar eru það
Birgitta Jónsdóttir og fyrrnefndur
Steingrímur. Birgitta var kjörin á
þing fyrir Borgarahreyfinguna sem
síðar varð að Hreyfingunni. Hún
var síðan kjörin á þing fyrir Pírata
árið 2013 og aftur nú í síðustu kosn­
ingum. Steingrímur er langreynslu­
mesti þingmaðurinn, var kjörinn á
þing árið 1982 fyrir Alþýðubanda­
lagið. Steingrímur sagði sig síðan úr
Alþýðubandalaginu og sat árið 1998
til 1999 á þingi í þingflokki óháðra.
Árið 1999 var Steingrímur svo kjör­
inn á þing fyrir Vinstri græn.
Auk þeirra hefur einn þingmaður
til viðbótar setið á þingi fyrir fleiri en
einn flokk, en þá sem varamaður.
Það er Lilja Rafney Magnúsdóttir
en árið 1993 kom hún inn á þing
sem varamaður, þá í Alþýðubanda­
laginu. Árið 1998 settist Lilja Rafney
aftur á þing sem varamaður, í fjar­
veru Kristins H. Gunnarssonar.
Kristinn sat þá á þingi utan flokka
og svo var einnig með Lilju Raf­
neyju á meðan hún leysti hann
af. Hún var svo kjörin á þing fyrir
Vinstri græn árið 2009 fyrir Vinstri
græn og hefur setið þar síðan.
Þorgerður ein með reynslu
Aðeins einn þingmaður Viðreisnar
hefur setið áður á þingi. Það er Þor­
gerður Katrín sem kjörin var á þing
8. maí 1999 fyrir Sjálfstæðisflokk­
inn. Hún sat á þingi til vors 2013, í
fjórtán ár alls. Aðrir þingmenn Við­
reisnar komu allir nýir inn á þing í
síðustu kosningum.
Einn þingmaður Samfylkingar­
innar hefur áður setið á þingi og
annar hefur tekið sæti sem vara­
maður. Oddný G. Harðardóttir var
fyrst kjörin á þing 25. apríl 2009
og hefur því setið á þingi í ríflega
sjö og hálft ár. Logi Már Einars­
son hefur fimm sinnum tekið sæti
á þingi sem varamaður, fyrst árið
2010. Heildar þingsetutími hans
fyrir kosningarnar síðustu voru 92
dagar. Þriðji þingmaður Samfylk­
ingarinnar, Guðjón S. Brjánsson,
hefur ekki áður setið á þingi.
Tveir af fjórum þingmönnum
Bjartrar framtíðar búa yfir þing­
reynslu. Það eru þau Óttarr Proppé
og Björt Ólafsdóttir en bæði voru
þau kjörin á þing 27. apríl 2013 og
hafa því samanlagt setið á þingi
í rúm sjö ár. Enginn þingmaður
Bjartrar framtíðar hefur setið á
þingi sem varamaður.
Lilja eini nýliðinn
Af átta þingmönnum Framsóknar­
flokksins hafa sjö þingreynslu.
Aðeins Lilja Dögg Alfreðsdóttir
utan ríkisráðherra kom ný inn í
síðustu kosningum. Reyndastur
þingmanna Framsóknar er Eygló
Harðardóttir sem tók sæti á þingi
17. nóvember 2008 og hefur því
setið samfleytt á þingi í rúm átta ár.
Eygló hafði þá einu sinni tekið sæti
sem varaþingmaður áður en hún
var kjörin á þing. Hún sat á þingi í
átján daga árið 2006.
Þrír þingmenn Framsóknar­
flokksins, þeir Gunnar Bragi Sveins­
son, Sigmundur Davíð Gunnlaugs­
son og Sigurður Ingi Jóhannsson
voru kjörnir á þing 25. apríl 2009 og
hafa því setið á þingi í ríflega sjö og
hálft ár hver. Þær Elsa Lára Arnar­
dóttir, Silja Dögg Gunnarsdóttir og
Þórunn Egilsdóttir voru allar kjörn­
ar á þing 27. apríl 2013 og hafa því
setið í þrjú og hálft ár ríflega hver.
Heildar þingreynsla Framsóknar­
þingmanna er því ríflega 41 ár.
Birgitta setið fyrir þrjá flokka
Af tíu þingmönnum Pírata hafa þrír
áður setið á Alþingi og auk þess
hafa tveir komið inn á þing sem
varamenn. Lengsta þingreynslu
hefur Birgitta Jónsdóttir sem fyrst
var kjörin á þing 25. apríl 2009, þá
fyrir Borgarahreyfinguna. Birgitta
hefur setið á þingi í rúm sjö og hálft
ár. Jón Þór Ólafsson var kjörinn á
þing 27. apríl 2013 en vék af þingi
eftir tæp tvö og hálft ár, 7. septem­
ber 2015. Ásta Guðrún Helgadóttir
tók þá sæti Jóns Þórs og hefur setið
síðan, í rúmt ár. Samanlagt hafa þau
því setið í rúm þrjú og hálft ár. Ásta
hafði áður tekið sæti á Alþingi, sem
varamaður á síðasta kjörtímabili,
og setið á þingi í sextán daga.
Þau Björn Leví Gunnarsson og
Halldóra Mogensen settust bæði á
þing sem varamenn á síðasta kjör­
tímabili. Björn kom í fjórgang inn
á þing og sat samtals í 36 daga á
þingi. Halldóra kom fimm sinnum
inn á þing og sat samtals í 40 daga.
Samtals hafa því þingmenn Pírata
setið á þingi í ríflega ellefu ár.
Tveir reynslulausir hjá VG
Af tíu þingmönnum Vinstri grænna
koma fjórir nýir inn, þó tveir sem
áður hafa setið sem varamenn.
Andrés Ingi Jónsson sat á þingi í
fimm daga árið 2015 og Rósa Björk
Brynjólfsdóttir í 39 daga á síðasta
kjörtímabili.
Langsamlega reyndasti þing­
maður Vinstri grænna og þings­
ins alls er Steingrímur J. Sigfússon.
Steingrímur var fyrst kjörinn á
þing 23. apríl 1983 og hefur því
setið á þingi í rúm 33 ár. Katrín
Jakobsdóttir var kjörin á þing
12. maí 2007 og þær Lilja Rafney
Magnúsdóttir og Svandís Svavars­
dóttir voru kjörnar 25. apríl 2009
en Lilja Rafney hafði áður setið í
47 daga á þingi sem varamaður.
Bjarkey Olsen Gunnarsdóttir var
kjörin á þing 27. apríl 2013 en hafði
áður setið sem varamaður í allmörg
skipti, fyrst árið 2004, samtals í 156
daga. Steinunn Þóra Árnadóttir tók
síðan sæti á þingi 18. ágúst 2014.
Áður hafði hún setið á þingi sem
varamaður í 117 daga. Þingmenn
Vinstri grænna hafa því samtals
setið á þingi í um 65 ár.
Sigríður setið sem varamaður í
279 daga
Sjálfstæðisflokkurinn hlaut kjör­
inn 21 þingmann í síðustu kosn­
ingum. Af þeim komu sjö nýir inn
á þing, þó höfðu tveir þeirra áður
tekið sæti sem varaþingmenn.
Það eru þau Bryndís Haralds­
dóttir, sem sat á þingi í 33 daga á
241 árs reynsla á þingi
n Steingrímur í 14. sæti yfir þá sem lengst hafa setið n Þingmenn Sjálfstæðisflokks hafa setið í 95 ár á þingi
Freyr Rögnvaldsson
freyr@dv.is
Reynslulausir þingmenn Þeir Björn Leví Gunnarsson, Jón Steindór Valdimarsson, Njáll Trausti Friðbertsson og Teitur Björn Einarsson eru allir nýir á þingi. Aðeins Björn Leví hefur reynslu
sem varaþingmaður. Mynd SiGTRyGGuR ARi
Píratar á Bessastöðum Birgitta Jónsdóttir er reynsluminni kollegum sínum, Einari Brynjólfssyni og Smára McCarthy, til halds og trausts.
Mynd SiGTRyGGuR ARi