Dagblaðið Vísir - DV - 14.02.2017, Blaðsíða 16

Vikublað 14.–16. febrúar 201716 Fréttir Erlent
É
g á bágt með að trúa þessu.
Mér finnst þetta of snemmt;
ef þeir vilja virkilega gera sjón-
varpsþátt finnst mér að þeir
ættu að leyfa lengri tíma að
líða,“ segir Giorgia Galassi, ein þeirra
sem komust lífs af þegar snjóflóð
jafnaði Hotel Rigopiano í Abruzzo-
héraði á Ítalíu við jörðu þann 18.
janúar síðastliðinn. Tuttugu og níu
manns létust í snjóflóðinu.
Leiknir þættir í fjórum hlutum
Óánægja ríkir meðal þeirra sem
komust lífs af og aðstandenda
þeirra sem létust eftir að út spurð-
ist að til stæði að framleiða sjón-
varpsþátt um slysið. Framleiðslu-
fyrirtækið Taodue, sem er hluti af
Mediaset-fjölmiðlaveldi Silvios
Berlusconi, fyrrverandi forsætis-
ráðherra Ítalíu, vinnur nú að ver-
kefninu. Til stendur að gera leikna
sjónvarpsþætti í fjórum hlutum
um slysið og afleiðingar þess.
Verja sig með kjafti og klóm
Forsvarsmenn fyrirtækis-
ins hafa fengið sinn skerf af
gagnrýni vegna ákvörðunar-
innar, ekki síst í ljósi þess hve
skammur tími er liðinn frá
snjóflóðinu. En forsvarsmenn
Taoudue hafa varið ákvörðun-
ina með kjafti og klóm. „Þetta
er mikilvægt verk efni. Við
skrifum handritið með að-
stoð og liðsinni þeirra sem
urðu vitni að harmleiknum
frá fyrstu hendi, þar á meðal
þeim sem komust lífs af, aðstand-
endum þeirra sem létust í slysinu
og viðbragðsaðilum,“ segir Pietro
Valsecchi, framkvæmdastjóri Taou-
due, í samtali við Telegraph.
Hefja tökur í haust
„Við fylgdumst öll með þessum harm-
leik og það ríkti mikill ótti um þá sem
sátu fastir í húsarústunum,“ bætti Pietro
við en Giorgia Galassi sat föst í rústum
hótelsins í 58 klukkustundir áður en
henni var bjargað ásamt kærasta sín-
um. Hún hefur lýst sig andsnúna verk-
efninu, að sinni að minnsta kosti, en til
stendur að hefja tökur í haust, um leið
og handritið liggur fyrir.
Skortur á virðingu
Annar sem gagnrýnt hefur verkefnið
er Giampiero Parete sem skaust út
í bíl sinn til að sækja lyf fyrir eigin-
konu sína þegar snjóflóðið reið
yfir. Hann þurfti að bíða milli von-
ar og ótta í tvo sólarhringa áður en
hann fékk að vita hver afdrif eigin-
konu hans og tveggja barna urðu.
Sem betur fer voru þau í hópi níu
manns sem dregnir voru út úr húsa-
rústunum. „Geta þau virkilega gert
þetta? Er engin leið til að koma í veg
fyrir þetta? Í svona aðstæðum þarf
að sýna virðingu og skilning,“ segir
hann. Parete var sá sem lét yfirvöld
vita af snjóflóðinu, allir aðrir á svæð-
inu höfðu lent undir því.
Skoða hvað fór úrskeiðis
Meðal þess sem aðstandendur þeirra
sem lentu í snjóflóðinu bíða eftir er
niðurstaða nefndar sem fékk það
hlutverk að skoða hvort eitthvað hefði
mátt betur fara við björgunaraðgerð-
ir. Gagnrýnt hefur verið að viðbragðs-
aðilar hafi verið lengi á staðinn og of
langur tími hafi liðið þar til aðgerðir
hófust við að bjarga þeim sem grófust
undir. Í yfirlýsingu sem aðstandend-
ur Stefanos Feniello, sem var einn
þeirra sem létust í snjóflóðinu, er
ákvörðun Taoudue gagnrýnd harð-
lega. „Við viljum benda á að aldrei
hefur verið leitað til okkar vegna
verk efnisins. Sannleikurinn um hvað
miður fór mun koma fram í skýrsl-
um rannsóknarnefndar – sannarlega
ekki í hraðsoðnum sjónvarpsþætti
svo skömmu eftir slysið.“ n
Framleiða dramaþátt
mánuði eftir hryllinginn
n 29 létust í snjóflóðinu í janúar n Forsvarsmenn Taoudue gagnrýndir
Einar Þór Sigurðsson
einar@dv.is
Komust lífs af Parete þurfti að bíða í tvo sólarhringa eftir fregnum af afdrifum fjölskyldu
sinnar. Sem betur fer komust þau öll lífs af.
Rústir einar Tutt-
ugu og níu manns
létust í snjóflóðinu.
Nú stendur til að
gera leikinn drama-
þátt um slysið.
Púttarinn
bjargaði
lífi hans
Eins og væntanlega allir golfarar
vita er bráðnauðsynlegt að hafa
góðan púttara með í för. Banda-
ríkjamaðurinn Tony Aarts komst
að raun um það á dögunum
þegar hann fór hring á golfvelli
einum á Flórída í Bandaríkjun-
um.
Aarts var að ljúka leik á fjórðu
braut þegar óvæntur gestur
gerði vart við sig á flötinni.
Rúmlega þriggja metra krókó-
díll hafði fikrað sig upp úr vatni
í grenndinni og gerði sig lík-
legan til að ráðast á Aarts. Svo
fór að krókódílnum tókst að læsa
tönnunum í hægri ökkla hans og
dró hann út í vatnið.
„Ég man að ég var með kylfu
í höndinni. Um leið og ég átt-
aði mig á því sló ég frá mér og
barði hann í hausinn,“ segir
Aarts. Krókódíllinn gafst ekki
svo auðveldlega upp en til allr-
ar hamingju er Aarts einnig þver
og hann hélt áfram að berja á
skepnunni. „Ég ákvað að einblína
á augun og þá sleppti hann loks-
ins takinu,“ segir hann við banda-
ríska fjölmiðla.
Aarts, sem hefur síðastliðin
35 ár búið á Flórída og spilað golf
reglulega, hefur oft séð krókó-
díl í nágrenni golfvalla en aldrei
í jafn miklu návígi og nú. Hann
slapp með skrámur en ljóst er að
illa hefði getað farið hefði hann
ekki verið púttarann í
höndinni.
Dalvegur 6-8 • 201 Kópavogur • Sími 535 3500
Draupnisgata 6 • 603 Akureyri • Sími 535 3526
www.kraftvelar.is • kraftvelar@kraftvelar.is
BT rafma
gnstjakk
ar
- auðveld
a verkin
!
• 1300 kg. lyftigeta
• 24V viðhaldsfrír rafgeymir
• Innbyggt hleðslutæki (beint í 220V)
• Aðeins 250 kg. að þyngd