Jökull - 01.01.2011, Blaðsíða 98
Halldór Ólafsson
vitað að aftengja sleðann frá Bombanum, því annars
hefði hann ekki komið að gagni, og síðan sækja sleð-
ann að aðstoð lokinni. Og enn jukust erfiðleikarnir
þegar öxull brotnaði í Jaka en þá var kl. 01:30. Voru
nú góð ráð dýr, en eftir stutta ráðstefnu var ákveðið að
Hörður og Hannes færu niður í Búrfellsvirkjun til að
fá öxulinn soðinn saman en Gunnar, Björn, Magnús
og Carl yrðu þeim samferða til Jökulheima og sæktu
„Gosa“, vísil-snjóbíl félagsins sem þar var geymdur
og í sæmilegu standi.
Þeir fjórmenningar komu til baka með Gosa og
annan vélsleðann kl. 04 um nóttina en höfðu skilið
hinn sleðann eftir niður við jökulrönd, svo Hörður og
Hannes kæmust upp að Jaka með viðgerða öxulinn.
Var nú Gosi hlaðinn eins miklu af farangri og kostur
var til að létta Jaka dráttinn upp á Grímsfjall. Þeg-
ar loks var lagt af stað á Bombanum og Gosa hafði
færið batnað það mikið, að auðvelt var fyrir Bombann
að draga sinn sleða. Leiðin upp á Grímsfjall var svo
mæld með ísjánni og skiptust þeir Marteinn og Æv-
ar á að vera í sérútbúnum mælingasleða, sem ég dró
með vélsleðanum. Upp að Grímsvatnaskála komum
við loksins kl. 10 á mánudagsmorgni 5. júní og var
þá liðinn tæpur einn og hálfur sólarhringur frá því að
upphaflega var lagt af stað frá jökulrönd. Hörður og
Hannes komu svo upp á Grímsfjall eftir hádegi með
viðgerðan Jaka og hinn vélsleðann. Ekki varð þreyttu
liðinu mikið úr eldamennsku þegar komið var í skál-
ann, heldur borðað snarl áður en lagst var til svefns og
sofið í einum dúr til kl. 18.
Fyrsta verk Ævars, þegar við höfðum borðað um
kvöldið, var að framkalla filmuna úr íssjánni sem tek-
in var á leiðinni upp Tungnárjökul, og lofuðu þær
mælingar góðu um framhaldið. Upp úr miðnætti fór
vorleiðangursfólk á Bombanum ásamt Hannesi, Herði
og Sævari á Jaka niður í Grímsvötn til að taka gryfju
og gera aðrar mælingar. Við Helgi, Marteinn og Ævar
fórum í slóð þeirra skömmu seinna, drógum íssjána
með vélsleða og hófum mælingar við brekkufótinn
austan Gríðarhorns. Þannig var staðið að verki, að
Helgi fór á undan á öðrum sleðanum og lagði línurnar
með lórantæki, en við hinir fylgdum eftir og skiptust
þeir Marteinn og Ævar á að sitja yfir íssjánni. Gríms-
vatnalægðin var þannig mæld nákvæmlega þvers og
kruss, rangsælis og réttsælis um nóttina og fram yf-
ir miðjan þriðjudaginn 6. júní. Við fórum til þeirra
gryfjumanna kl. 09 um morguninn og átum með þeim
árbít, en á meðan voru rafgeymar settir í hleðslu inn í
Jaka. Ævar varð eftir í Jaka og framkallaði það sem
komið var af filmum frá mælingum næturinnar. Við
Marteinn og Helgi héldum áfram með íssjármæling-
arnar þar sem frá var horfið og vorum að til kl. 14, en
fórum þá upp í skála. Þá voru félagar okkar komnir
þangað og höfðu lokið við gryfjuna, sem varð 4,90 m.
að dýpt. Var nú slegið upp herlegri máltíð til að fagna
góðum afköstum síðasta sólarhrings en svo var mann-
skapurinn dasaður, að flest vorum við sofnuð fyrir
klukkan sjö um kvöldið.
Leiðangursmenn komu sér á lappir kl. 06 á
miðvikudagsmorgni 7. júní, endurnærðir eftir ellefu
klukkutíma svefn. Við höfðum verið heppin með veð-
ur það sem af var ferðar en þennan morgun var komin
kafaldshríð og skyggni harla lítið. Ævar notaði tím-
ann til að framkalla filmuna frá deginum áður, en að
því loknu tók hann að huga að heilsufari okkar, en
hann er mikill áhugamaður um lækningar og heilsu-
vernd. Ævar tók nú fram blóðþrýstingsmæli og mældi
blóðþrýsting allra leiðangursmanna, meðan beðið var
veðurs til áframhaldandi mælinga. Eftir að hann hafði
gengið úr skugga um að leiðangursmenn væru ekki
í bráðri lífshættu, fórum við að moka frá hrímuðum
skálanum og berja klakann af honum því ætlunin var
að bika hann þegar stytti upp. Um hádegið birti til og
sól tók að skína svo strax var hafist handa við undir-
búning næstu mælingasyrpu. Við í mælingahópnum
komumst af stað kl. 16 og vorum með báða vélsleð-
ana og Jaka en Hörður ásamt hinum hópnum bikuðu
skálann og snyrtu til á fjallinu í góðviðrinu. Það sem
eftir lifði dags héldum við okkur niðri í Grímsvötn-
um og þéttum netið sem búið var að mæla, einnig var
komið fyrir gervitunglatæki við Nagg. Við vorum að
þessum mælingum til miðnættis en héldum þá upp á
fjall til að taka á okkur náðir.
Fimmtudagsmorguninn 8. júní lagði vorleiðang-
urshópurinn af stað suður til Öræfajökuls og hugðist
ganga á Hvannadalshnúk, en við í mælingahópnum
mældum eins stórt svæði og við komumst yfir aust-
an og sunnan Grímsvatna. Við lögðum af stað kl. 09
og vorum að allan daginn í frábæru veðri og lögð-
umst ekki til svefns fyrr en kl. 01:30 aðfaranótt föstu-
98 JÖKULL No. 61, 2011