Breiðfirðingur - 01.04.1985, Blaðsíða 19

BREIÐFIRÐINGUR
17
Loftur Loftsson formaöur var ættaður af Skógarströnd, en
hafði flutt til Hellisands og var búinn að vera formaður í Kefla-
vík í nokkur ár. Um hann var þessi vísa kveðin.
Loftur hefur lipran knör,
lítt við tefur róa,
liðugt heldur lands úr vör,
lúðu út á flóa.
Loftur var myndarlegur maður, prúður og vel látinn. Hann
bjó að Bjölluhóli. Það var á nýársdag árið 1909 að Loftur gekk
heimanað frá sér og að Berurjóðri til Gísla vinar síns Stefáns-
sonar formanns og Petrínar konu hans. Pau bjuggu þá í ný-
byggðu og fallegu húsi, sem nú er löngu búið að rífa, en
steyptir veggir kjallarans standa enn. Gísli formaður var ekki
heima við en Petrína kona hans bauð Lofti til stofu og kvað
Gísla mundi koma bráðlega. Gekk hún síðan út úr stofunni og
hallaði á eftir sér hurðinni.
Loftur fékk sér sæti og þegar hann hefur setið nokkra stund,
sér hann að fyrir framan hann stendur stúlka, sem hann ber
ekki kennsli á, á að giska fjórtán til fimmtán ára gömul. Hún
segir ekki neitt og hvorugt þeirra, en hún gengur í hálfhring
fyrir framan hann, frá öxl til axlar, átta sinnum og hverfur
síðan við svo búið. Lofti bregður við þessa sýn og stendur upp
og gengur heim til sín. Hann sagði frá því sem fyrir hann bar í
stofunni í Berurjóðri. Hann taldi að þetta boðaði sér feigð
sína, hann mundi farast á vertíðinni með mönnum sínum átta.
Svo var það að aflíðandi nóttu 9. febrúar eða rúmum mán-
uöi eftir að þetta bar fyrir Loft, að ég vakna og lyfti upp
gluggatjaldinu, ég ætlaði að athuga hvort ég sæi nokkra hreyf-
ingu hjá formönnunum í kringog ætlaði þá að vekja Elímund,
manninn minn, ef svo væri. Pá sé ég hvar stendur kona hérna
á hólnum fyrir framan gluggann, hún kom ekki alvegað glugg-
anum en horfir inn og heldur síðan fram með húsinu og fyrir
hornið. Ég þóttist vita að þetta væri einhver sem Ingibjörg
systir mín hefði sent til mín, hún var þá komin aðfalli ogégátti
Brciöíiröingur - 2