Litli Bergþór - 01.07.2017, Page 48

Árið 2016 var stjórn félagsins þannig skipuð:
Freydís Örlygsdóttir, formaður
Sólon Morthens, varaformaður
Líney Kristinsdóttir, gjaldkeri
Sjöfn Sóley Kolbeins, ritari
Trausti Hjálmarsson, meðstjórnandi.

Starf hestamannafélagsins Loga var með nokkuð
hefðbundnu sniði árið 2016. Haldin voru vetrarmót
í samstarfi við Trausta og vel sótt reiðnámskeið
og firmakeppni á mótssvæði Logamanna í Hrís-
holti. Á undanförnum árum hefur samstarf hesta-
mannafélaganna í uppsveitum aukist mikið og
hélt það áfram 2016.
Sameiginlegt töltmót Trausta, Loga og Smára var
haldið í Reiðhöllinni á Flúðum daginn fyrir skírdag
og Uppsveitadeildarmót fullorðinna og æskunnar
voru haldin yfir vetrarmánuðina. Var þetta í
sjötta sinn sem Uppsveitadeild Æskunnar var
haldin, en það er mótaröð sem Æskulýðsnefndir
hestamannafélaganna Loga og Smára standa
sameiginlega að. Uppsveitadeildin er bæði liða-
keppni milli félaganna og einstaklingskeppni,
en keppt er í barna og unglingaflokki. Keppt er
í reiðhöllinni á Flúðum og eru mótin alls þrjú
talsins. Nýjung þetta árið var að bjóða börnum
yngri en 10 ára að taka þátt. Þau börn fengu sína
einkunn og umsögn en riðu ekki úrslit og söfnuðu
því ekki stigum. Var þetta eingöngu hugsað sem
góð æfing í öruggu umhverfi. Öll börn fengu
verðlaunapening með þakklæti fyrir þátttökuna.
Fyrsta mótið var haldið 6. mars en þá var keppt í
þrígangi barna og fjórgangi unglinga.
Annað mótið var haldið 16. apríl, þá var keppt í
barnaflokki í tölti og fjórgangi og unglingaflokki í
tölti og fimmgangi.
48 Litli-Bergþór
Logapistill
Magnús Rúnar Traustason í Austurhlíð á Jasú
frá Langsstöðum.
Glæsilegur skeiðsprettur hjá Rósu Kristínu Jóhannesdóttur
á Brekku.
Dagmar í Hrosshaga á tölti.
Þriðja og síðasta mótið var haldið 7. maí og var þá
keppt í smala hjá börnum og smala og fljúgandi
skeiði hjá unglingum.
Þátttaka er alltaf góð, en eins og stundum er úti á
landi eru árgangar misstórir og erum við hjá Loga