Fréttablaðið - 08.09.2022, Blaðsíða 12

Á laugardaginn var birtist frétt í
Fréttablaðinu með fyrirsögninni
„Mikil lækkun lyfjaverðs á milli ára“
en í fréttinni kom fram í könnun
Veritabus að lyfjaverð hefði lækkað
mikið á milli ára hjá þeim fjórum lyf-
sölum sem bjóði netverslun og var
vitnað í sambærilega könnun ASÍ
frá því í nóvember 2021.
Sérstaklega var tekið fram að
verð í Lyfju hefði lækkað um 15% að
raunvirði og dugði það sem tilefni
fyrir framkvæmdastjóra Lyfju til að
hampa árangrinum. Ekki viljum við
hjá Lyfjaveri hins vegar leyfa stóra
aðilanum á markaðnum, Lyfju, að
beina athyglinni frá þeirri staðreynd
að Lyfjaver er með lægsta verðið
samkvæmt könnuninni.
Frá sjónarhóli litla aðilans á
markaðnum skýtur það skökku við
að stóri aðilinn, sem að auki er með
markaðsráðandi stöðu, og er eins
konar klukkubúð lyfjaverslananna,
skuli hreykja sér af stöðu sem stafar
helst af þeirri samkeppni sem lág-
vöruverðsapótek og Netapótek
Lyfjavers hefur veitt þeim. Neyt-
endur þurfa að spyrja sig að því af
hverju Lyfja, sem ráðandi aðili á
markaðnum, hafi verið svona dýr
þangað til samkeppnin jókst með
netverslunum. Álagningin hjá Lyfju
er enn í dag mun hærri en hjá Lyfja-
veri eins og sjá má af verðsaman-
burði. Lækkunin hjá Lyfju núna
stafar aðeins af því að þar var mikið
svigrúm til lækkunar vegna þess að
álagningin var mjög há fyrir.
Lyfjaver hefur með netapóteki
sínu stuðlað að verðlækkun um land
allt. Mjög lítið er um að viðskiptavin-
ir greiði heimsendingargjald þar sem
sendingin er frí ef pantaðir eru tveir
lyfseðlar. Á höfuðborgarsvæðinu aka
bílstjórar Lyfjavers sendingum heim
til viðskiptavina og dreifum við allt
frá Völlunum í Hafnarfirði til Kjalar-
ness. Pósturinn sér svo um sendingar
um land allt, auk þess að hægt er að
nálgast pantanir sem ekki innihalda
lyf á afhendingarstöðum Dropp um
land allt.
Ég hvet neytendur til að fylgjast
einfaldlega vel með hver býður
lægsta verðið.
Það er gott fyrir neytendur að
aukin samkeppni okkar hafi loks
orðið til þess að Lyfja lækki álagn-
ingu sína. En að það sé sérstakt til-
efni til fagnaðar hjá Lyfju hljómar
vægast sagt undarlega. Ég held að
neytendur átti sig á því að klukku-
búðir eru almennt dýrari en lág-
vöruverðsverslanir, enda er lengri
afgreiðslutími hjá þeim. Það á auð-
vitað við um Lyfju líka. Við hin sem
komum almennt vel út úr verðkönn-
unum á milli ára hljótum því að vilja
rétta okkar hlut og benda á að lág-
vöruverðsapótekin eru komin til að
vera, og Lyfja er ekki eitt af þeim. n
Lækkun lyfjaverðs er samkeppni
lágvöruverðsapóteka að þakka
Ég hvet neytendur til að
fylgjast einfaldlega vel
með hver býður lægsta
verðið.
Hákon Steinsson
framkvæmdastjóri
Lyfjavers
Skipulagsauglýsing
Aðalskipulag
Samkvæmt 1. mgr. 31. gr. skipulagslaga nr. 123/2010 er hér
auglýst tillaga að eftirfarandi aðalskipulagsbreytingu:
Breyting á Aðalskipulagi Tálknafjarðarhrepps
2006-2018 Norður Botn
Breytingin varðar landnotkun svæða í landi Norður-Botns
þ.e. iðnaðarsvæði I3 og I11, efnistökusvæði E3 og E6
ásamt þjóðvegi nr. 63, Bíldudalsvegur. Markmið aðal-
skipulagsbreytingarinnar er að auka framleiðslugetu
fiskeldisstöðvarinnar í Norður-Botni og skýra hvar fram-
leiðsla skuli staðsett. Samhliða breytingu aðalskipulagsins
er unnin tillaga að breytingu deiliskipulags seiðaeldis-
stöðvar í landi Norður-Botns.
Breyting á deiliskipulag fyrir Norðurbotn
Samkvæmt 1. mgr. 43. gr. skipulagslaga nr. 123/2010 er hér
auglýst tillaga að eftirfarandi breytingu á deiliskipulagi
fyrir Norður Botn.
Skipulagssvæðið er stækkað til norðurs út fyrir stór-
straumsfjöru. Byggingarmagn á byggingarreit I, Norður-
Botn fer úr 8.000 m² í 40.000 m², hámarks ársframleiðsla fer
úr 200 tonnum í 2200 tonn. Byggingarmagn á byggingarreit
II, Keldeyri fer úr 8.000 m² í 5.000 m², ársframleiðsla er
óbreytt 200 tonn.
Tillögurnar verða til sýnis á skrifstofu Tálknafjarðarhrepps
að Strandgötu 38 frá og með fimmtudeginum 16. sept-
ember til 28. október 2022. Þær verða einnig til sýnis á
heimasíðu Tálknafjarðarhrepps, www.talknafjordur.is.
Þeim sem telja sig eiga hagsmuna að gæta er hér með
gefinn kostur á að gera athugasemdir við til 28. október
2022.
Skila skal athugasemdum á skrifstofu Tálknafjarðarhrepps,
Strandgötu 38, 460 Tálknafirði.

Skipulagsfulltrúi Tálknafjarðarhrepps
Óskar Örn Gunnarsson
Eftir tveggja ára hlé var komið að
því að reima á sig hlaupaskóna
þegar Reykjavíkurmaraþon Íslands-
banka var haldið í 37. skipti þann
20. ágúst síðastliðinn. Stemningin
var að vanda einstök þegar hlaup-
arar lögðu af stað úr Lækjargötunni
þrátt fyrir að vindar blésu.
Íslandsbanki hefur verið stuðn-
ingsaðili hlaupsins í 26 ár og ég var
stolt þegar ég horfði á alla þessa
þátttakendur þeysast um borgina
og ekki síður ánægð með stuðning
og hvatningu íbúa. Hvatning Vest-
urbæinga og Seltirninga er órjúfan-
legur þáttur í þessu ævintýri þegar
íbúar storma út á götur til að hvetja
hlaupara sem fara fram hjá. Ég veit
að íbúar í öðrum hverfum láta sitt
ekki eftir liggja en ég hef aldrei náð
að hlaupa lengra en þennan Vestur-
bæjarhring.
Fyrir utan að vera stórt lýðheilsu-
verkefni þar sem þúsundir taka þátt
eftir oft ströng undirbúningstímabil
er þetta líka stærsta góðgerðarsöfn-
un landsins. Þegar Hlaupastyrkur
var settur á laggirnar árið 2006 er
mér minnisstætt hversu þunglama-
leg söfnunin var í upphafi þar sem
við þurftum nánast að véla í gegn
hvert einasta áheit og berjast fyrir
hverri krónu. Það hefur þó aldeilis
breyst á skömmum tíma og á þess-
um 16 árum hafa nú safnast um 1,3
milljarðar króna til góðra málefna.
Söfnunin hefur verið okkur í
Íslandsbanka mikið kappsmál enda
vitum við að mörg góðgerðarfélög
reiða sig á þetta áheitafé. Í ár skráðu
sig 280 góðgerðarfélög og hjá mörg-
um þeirra er þetta þeirra eina leið
til að safna fjármunum í starfsemi
sína. Á bak við hvert einasta félag
er fallegt hlutverk og fjármunirnir
koma því að mjög góðum notum.
Eftir tveggja ára hlé á Reykja-
víkurmaraþoni Íslandsbanka vegna
heimsfaraldurs var einstaklega ljúft
að hlaupa og taka þátt í þessum
degi aftur. Þessi dagur er mikil-
vægur fyrir samfélagið og hefur
áhrif víða. En það þarf mörg hand-
tök til að svona viðburður verði til
og langar mig að þakka öllum sem
komu að deginum. Íþróttabanda-
lagi Reykjavíkur fyrir skipulagið
og þeim óteljandi sjálf boðaliðum
sem lögðu hönd á plóg. Öllum þeim
duglegu þátttakendum sem gera
þetta að veruleika og hverju einasta
klappi, f lauti og fimmum á hliðar-
línunni sem búa til alla stemning-
una. Næst hlaupum við 19. ágúst
2023, í 38. sinn. n
Að hlaupi loknu
Birna
Einarsdóttir
bankastjóri
Íslandsbanka
Næst hlaupum við
19. ágúst 2023, í 38. sinn.
Það voru sorgleg tíðindi fyrir fólkið
í landinu þegar fréttist að menn-
ingar- og viðskiptaráðherra hefði
skipað í stöðu þjóðminjavarðar.
Skipanin var án auglýsingar og
hafa einu „rök“ ráðherra fyrir henni
verið þau að heimild hafi verið til
þess samkvæmt lögum um réttindi
og skyldur opinberra starfsmanna
og að sú sem skipuð var sé hæf til
starfsins.
Ráðherra hefur sagt í viðtölum
að til þess að tryggja faglegt mat,
endurnýjun og gagnsæi í opin-
berri stjórnsýslu þurfi að auglýsa
í opinber embætti. Ráðherra sér
hins vegar ekkert athugavert við þá
hugmynd í ljósi eigin yfirlýsinga að
„taka safnstjóra úr einu höfuðsafni
yfir í það næsta“, eins hún orðaði
það í viðtali við Kjarnann. Hvernig
það tryggir faglegt mat, endurnýjun
eða gagnsæi er ósagt látið af hennar
hálfu. Félag íslenskra safna og safn-
manna, Íslandsdeild ICOM, starfs-
mannafélag Þjóðminjasafnsins og
félög sagnfræðinga, þjóðfræðinga
og fornleifafræðinga hafa sent frá
sér yfirlýsingar vegna málsins og
harmað gjörninginn. Nýbúin að
ræna félagsmenn þessara félaga og
annarra tækifæri til að sækja um
embættið ætlar ráðherra að hitta
þessa gagnrýnendur sína og spyrja
einlæglega: Hvað er hægt að gera
betur? Eru einhver ný tækifæri í
stöðunni? Eða með öðrum orðum,
ráðherra vill að fólk sætti sig við
stuldinn og geri bara gott úr þessu.
Ráðherra hefur hingað til haldið
því fram að honum sé þetta lagalega
heimilt. En er það svo einfalt? Fram
að þessu er það ósagt hjá ráðherra
hvernig skipanin samrýmist nýlega
samþykktum siðareglum ráðherra.
Í reglunum segir meðal annars að
ráðherra eigi að sinna starfi sínu
af sanngirni, huga að hagsmunum
almennings og gæta jafnræðis og
hlutleysis. Með skipan sinni í emb-
ætti þjóðminjavarðar blasir það við
að ráðherra hefur þverbrotið þessi
ákvæði með því að auglýsa ekki
starfið.
Þó svo að ráðherra beri ábyrgð á
skipaninni er hún ekki alveg ein í að
undirbyggja valdníðsluna. Að baki
hennar stendur ráðuneytið. Í siða-
reglunum er að finna sérstaka grein
um ráðherra og starfslið hans. Þar
segir að ráðherra eigi að leita fag-
legs mats starfsmanna ráðuneytis-
ins áður en ákvarðanir eru teknar
um einstök mál og virðist ráðherra
hafa gert það. Í viðtali í morgun-
útvarpinu 31. ágúst á RÚV segir ráð-
herra eftirfarandi: „Við fórum í það
að skoða reynslu stjórnenda vítt um
völlinn og þess vegna komumst við
að þessari niðurstöðu.“ Þessi „við“
sem ráðherra nefnir ímynda ég
mér að sé fólk innan ráðuneytisins.
Nú spyr maður sig: Af hverju fóru
þau í það að leita að einstaklingi
í stöðu þjóðminjavarðar? Hvaða
hópur af fólki var þetta sem var í
leitinni? Hversu lengi stóð þessi
leit yfir? Hvaða heimild hafa þau
til að taka það upp hjá sjálfum sér
að leita? Hver var þessi „völlur“ sem
leitað var á? Hvaða viðmið notaði
leitarhópurinn til að meta þá sem
komu til greina – og hverjir komu
til greina? Voru tekin viðtöl við þá
sem þau fundu og þurftu þeir ein-
staklingar sem komu til greina að
lýsa sýn sinni á embættið og verk-
efnin fram undan? Í siðareglunum
segir að ráðherra eigi ekki að synja
um aðgang að upplýsingum sem
varða almannahag, og að ráðherra
og starfsmenn ráðuneytisins eigi
að gera upplýsingar aðgengilegar.
Á þeim forsendum væri gagnlegt
að fá opinberlega skýr og nákvæm
svör við ofantöldum spurningum
frá þessum aðilum og er hér með
óskað eftir þeim.
Fáum kom það til hugar að ráð-
herra myndi ganga fram með þeim
hætti sem hún hefur gert og hunsa
sanngirni, jafnræði og hlutleysi
gagnvart fólkinu í landinu, sem og
alla varnagla sem lög og reglur hafa
sett gegn geðþóttaákvörðunum
stjórnmálamanna við veitingu
embætta. Embætti þjóðminja-
varðar er eign íslensku þjóðarinnar
og það skiptir hana þar með máli
hvernig því embætti er ráðstafað.
Að ráðherra skuli kasta eign sinni á
embættið og skipa í það með þeim
hætti sem gert var er andlýðræðis-
legt, sannarlega misbeiting valds og
brot á því trausti sem fólk hefur sýnt
ráðherra og starfsliði hennar hingað
til fyrir því umboði að ráða í starf
þjóðminjavarðar. n
Við eigum embætti þjóðminjavarðar
Sigurjón Baldur
Hafsteinsson
prófessor við
Háskóla Íslands
Embætti þjóðminja-
varðar er eign íslensku
þjóðarinnar og það
skiptir hana þar með
máli hvernig því embætti
er ráðstafað.
12 Skoðun 8. september 2022 FIMMTUDAGURFRÉTTABLAÐIÐ