Helgarpósturinn - 31.01.1985, Blaðsíða 2

Könnun á fóstureyðingum á Landspítalanum
Fyrstu niðurstöður viðamikillar könnunar á fóstureyð-
ingum á Landspítalanum allt frá árlnu 1975 voru kynntar
í vikunni. Kom í ljós að meirihluti þeirra kvenna, sem leit-
uðu fóstureyðinga á kvennadeild spítalans á umræddu
tímabili, hafði ekki notað getnaðarvarnir. Þá höfðu um
fimmtán prósent kvennanna farið í fóstureyðingu oftar en
einu sinni.
Verkfall undirmanna á farskipum byrjað
Verkfall undirmanna á farskipum hófst klukkan ellefu í
gærmorgun, eftir meira en sólarhringslangan árangurs-
lausan samningafund hjá ríkissáttasemjara. Undirmenn-
irnir gera kröfu um að fá 8% launahækkun umfram samn-
linga ASÍ og VSÍ frá síðasta ári. Verkfall þessarar stéttar mun
ekki hafa mikil áhrif fyrstu dagana.
Þrjú þúsund seiðum slátrað í Sjóeldi
Sýktu seiðunum í fiskeldisstööinni Sjóeldi, sem getið var í
síðasta fréttapósti, var slátrað. í einu keri stöðvarinnar með
þrjú þúsund seiðum höfðu fundist seiði sýkt af nýrnaveiki.
Þeim var öllum slátrað. Hjá Sjóeldi eru eftir um tuttugu og
fimmþúsund seiði. Samkvæmt niðurstöðum fisksjúkdóma-
nefndar er talið öruggast að slátra öllum seiöunum í stöð-
inni.
Samdráttur í framkvæmdum Landsvirkjunar
Stjórn Landsvirkjunar hefur ákveðið að minnka fram-
kvæmdir á þessu ári um kvart milljarð, og verður því það fé
sem fer til verka á árinu aðeins 950 milljónir. Þetta er gert
vegna þess að endurskoðuð orkuspá gerir ráð fyrir minnk-
andi orkuþörf á næstunni. Hugsanlegt er að niðurskurður-
inn verði til þess að Blönduvirkjun verði frestað eitthvað.
FREJTAPOSTUR
Alþýðuflokkur í mikilli sókn
Samkvæmt síðustu skoðanakönnunum DV, NT og Helgar- »
póstsins á fylgi stjórnmálaflokkanna hefur Alþýðuflokkur- I
inn undir nýrri formennsku Jóns Baldvins Hannihalssonar
unnið stórlega á miðað við fyrri kannanir. Flokkurinn j
myndi nú fá allt að þrettán þingmenn kjörna, en hefur nú
aðeins sex, og yrði við það næststærsti stjórnmálaflokkur I
landsins á eftir Sjálfstæðisflokknum. Allir flokkar aðrir en •
Kvennalistinn hafa misst fylgi í þessum könnunum, Fram- ■
sókn sýnu mest, og myndi fá eitthvað um átta þingmenn I
kjörna, en Sjálfstæðisflokkurinn virðist halda best sínu
fylgi- |
Þjóðin vill stjórnina frá! i
í tveimur ofannefndum könnunum, Helgarpóstsins og I
DV, var einnig spurt um afstöðu fólks til ríkisstjórnar Stein-
gríms Hermannssonar. Niðurstöður þessara tveggja blaða |
voru næstum hinar sömu. Af þeim sem tóku afstöðu í þessu
efni í könnun HP, voru 54% andvíg stjórninni en 46% fylgj- I
andi, en í skoðanakönnun DV voru 53,9% andvíg ríkis- •
stjórninni en 46,1% fylgjandi henni. Þá er ljóst af skoðana-
könnun DV að meirihluti landsmanna vill að þing verði rofið
og efrit verðf til kösniriga á 'allra næstu vikum.
Sölusýning í söluskrifstofu
★ Vegfarendur í Lækjargötu
hafa kannski tekið eftir mál-
verkum í gluggum Flug-
leiðaskrifstofunnar þar. Fólk
hefur verið að líta inn á
skrifstofuna og spyrja um
þessar myndir og við getum
upplýst hér með að mynd-
irnar eru eftir nokkra starfs-
menn Flugleiða, en ekki ein-
hverjar dularfullar auglýsing-
ar, sem fólk er annars vant
að sjá í þessum gluggum.
„Við erum átta starfs-
menn Flugleiða sem komum
vikulega saman og málum.
STAFF er með fleiri klúbba,
sumir eru í skák, aðrir í fót-
bolta eða badminton — en
við sem sagt málum," segir
Hrafnhildur Ólafsdóttir, sem
vinnur á Lækjargötuskrif-
stofunni. „Valtýr Fétursson
kemur og leiðbeinir okkur.
Við málum flest með olíu en
einn er bara í vatnslitum.
Þetta eru alls konar myndir,
landslag, abstrakt og upp-
stillingar og myndirnar eru
allar til sölu. Þær kosta
3—5.000 krónur.
Okkur fannst gluggarnir
svo tómlegir svona flenni-
stórir og myndirnar verða
þarna þangað til félagið þarf
að skella næstu auglýsingu í
þá," segir Hrafnhildur.*
Efnahagstiilögur stjórnarinnar brátt lagðar fram
Efnahagstillögur ríkisstjórnar Steingríms Hermanns-
sonar verða lagðar fram á fundi í sameinuðu þingi á morg-
un, föstudag, en þessa plaggs hafa menn lengið beðið af eðli-
legri forvitni um það hverju eigi að breyta svo blessuð þjóð-
arskútan náist á réttan kjöl á ný. Ljóst þykir að helstu breyt-
ingar tillagnanna verði skattamál og endurnýjun og endur-
mat á löggjöfinni er lýtur að þeim, en hverjar þessar breyt-
ingar verða nákvæmlega, kemur sem sagt í ljós á morgun.

íslendingar eiga sterkasta mann i heimi
Kraftajötunninn Jón Páll Sigmarsson vann það frækna
afrek á dögunum að sigra á erfiðu móti í Svíþjóð sem skera
átti úr um það hver væri sterkasti maður heims. Lagðar
voru hinar ótrúlegustu þrautir fyrir kappana sem skráðu
sig til mótsins, svo sem að henda stórum trjábolum og draga
vörubíla nokkurn spöl, en Jón Páll lék sér að þessu og sigr-
aði sinn helsta keppinaut, Geoff Capes frá Bretlandi, örugg-
lega.
Fréttapunktar
• Þingmenn komu til starfa á ný á föstudag eftir sex vikna
jólaleyfi.
• Drekkhlaðin hjálparvél á vegum Hjálparstofnunar kirkj-
unnar lenti í Eþíópíu á þriðjudag.
• Sextíu ára afmælismót Skáksambands íslands verður
haldið um miðjan febrúar, með sterkum skákmönnum á
borð við Spassky, Hort og Larsen.
• Hrafn Gunnlaugsson leikstjóri var útnefndur besti leik-
stjóri Svíþjóðar 1984 af Sænsku kvikmyndaakademíunni
á mánudagskvöld. Sjá nánar í Listapósti.
• Mikil en árangurslaus leit hefur staðið alla síðustu viku
að ungum manni sem hvarf á Willys-jeppa frá heimili sínu
sunnudaginn 13. janúar.
• Handknattleiksliðin FH og Víkingur komust bæði áfram
í f jögurra liða úrslitin, FH sem deildarmeistari, en Vikingur
sem bikarmeistari.
• íslenska landsliðið í handknattleik vann sinn fyrsta leik
á opna franska handboltamótinu sem hófst í gær. Það voru
Ungverjar sem lágu fyrstir fyrir okkur með fjögurra marka
mun.
• Töluverðar deilur hafa staðið um innkaupsverð á olíu-
skipinu Kyndli sem OLÍS og Skeljungur voru sameiginlega
að festa sér í vikunni, en ýjað er að því að kaupverð skipsins
frá útlöndum hafi verið alltof hátt.
• í ráði er að hefja kennsluútvarp frá Akureyri í haust, en
hugmyndin er að þetta verði opinn skóli fyrir alla lands-
menn.
• Samband íslenskra samvinnufélaga hefur hafið sölu á
skuldabréfum á almennum markaði, að heildarupphæð
fimmtíu milljónir.
• Stuttar fréttir á klukkustundar fresti munu bráðlega
heyrast á rás 2.
Bókin lifir!
Jólaverslun vafann tók,
ég veit að bókin lifir.
En hver hún er sú blessuð bók
er best að þegja yfir.
Niðri
2 HELGARPÓSTURINN