Helgarpósturinn - 01.08.1985, Blaðsíða 3

conur gagnrýna
Idavali norrænu
itíðarinnar:
VIÐ KONUR
FA UÖÐ"
sem runnin er undan rifjum
karla væri ekki allsráðandi.
Þessi ljódlistarhátíð færir okkur
heim sanninn um það að ef við
færum ekki sjálfar af stað myndi
aldrei heyrast neitt í okkur.“
— Ætlar þú að mæta?
„Eg er að hugsa um að láta
það ógert, fyrst svona er að
þessu staðið, þótt að sjálfsögðu
íangi mann að fylgjast með því
sem er að gerast á þessu sviði,
bæði meðal karla og kvenna."
Ingibjörg Haraldsdóttir:
„Karlremba
og
ihaldssemi"
„Mér finnst það mjög alvarlegt
mál og alveg fáránlegt að af 27
skáldum séu aðeins tvær konur
sem taki þátt í Norrænu ljóðlist-
arhátíðinni."
— Er þetta tilviljun?
„Er þetta ekki bara karlremba
og íhaldssemi? Ég sé enga aðra
skýringu."
— Finnst þér full ástæða til
að hvetja konur tii að koma
hvergi nærri hátíðinni?
„Já, ég hugsa það. Ég ætla
a.m.k. ekki að koma nálægt
henni. Ég held við konur verð-
um að fara að taka þessi mál fast-
ari tökum.“
— Kannski með því að
halda sérstaka kven-ljóðlist-
arhátíð?
„Nei, mér finnst aðskilnaðar-
stefnan jafn fáránleg hvort kynið
,sem í hlut á.“
Magnea Matthíasdóttir:
„Hvet konur
til að koma
hvergi nærri
hátíðinni"
„Þetta eru orð í tíma töluð hjá
Helgu Kress,“ sagði Magnea
Matthíasdóttir, „því þegar kona
skrifar er það oftast stimplað
kvennabókmenntir sem minnir
óþægilega á stimpilinn kerlinga-
bækur, sem notaður var hér á ár-
um áður um ástarrómana og
reyfara. Þetta finnst mér endur-
spegla matið á þeim konum sem
skrifa."
— Ætlar þú að mæta á há-
tíðina?
„Nei, það geri ég ekki og mér
finnst full ástæða til að hvetja
konur til að koma þar hvergi
nærri. Mér finnst þetta hrein
móðgun við allar konur sem
skrifa ljóð, bæði á Norðurlönd-
um og ekki síst íslenskar konur
og hlýtur alfarið að skrifast á
reikning þeirra sem að hátíðinni
standa. Þetta lýsir hroka og lítils-
virðingu sem er sárari en annað,
því að maður skyldi nú halda að
ljóðið væri hafið yfir slíkt."
Knut Ödeaárd, forstjóri
Norræna nússins:
„Vil ekki tjá
mig um
málið"
Knut Ödegárd, forstjóri Nor-
ræna hússins og einn forsvars-
manna norrænu ljóðlistarhátíð-
arinnar, vildi ekki tjá sig um
gagnrýni Helgu Kress dósents á
kynjaskiptingu skálda á hátíð-
inni, né um málið í heild. „Ég vil
ekki tjá mig um málið að svo
stöddu,“ sagði Knut Ödegárd við
HP.
Hvernig nennið þið
þessu, strákar?
„Nennum þessu?! Þetta er bara svo skemmtilegt! Gaman!
Það verður örugglega fokið í flest skjól fyrir okkur þegar við
hættum að nenna þessu. Ekki satt?"
— Eruð þið kannski að verða einhvers konar Sumar-
gleði?
„Sumargleði? Já, já. Ég hugsa að við séum heldur glaðari ef
eitthvað er. Svona sumargleði-gleði. En auðvitað erum við ekki
eins fágaðir í gleðinni og Sumargleðin. Þeir hafa jú aldurinn
fram yfir okkur og það vita allir að með aldrinum kemur fágun-
in. En ég vona að Raggi Bjarna geti sætt sig við okkur sem
sporgöngumenn sína. . . "
— Nú spilið þið og skemmtið austur í Atlavík ár eftir
ár. Hvers vegna ekki í Galtalæk, já eða Viðey?
„Þetta er fallegasti staður á landinu. Og sá besti í góðu veðri.
Það er ekki á neinn hallað þótt ég fullyrði það."
— Er Atlavíkurhátíðin þá hið íslenska Woodstock;
blóm, friður og ást?
,Ja, ef apa þarf slíkt eftir einhvers staðar hér á landi, þá held
ég að Atlavík hljóti að vera rétti staðurinn."
— Heldurðu að þið Stuðmennirnir verðið þarna
ennþá eftir tíu ár?
„Já, ætli það ekki bara. í fimmtíu ára áætlun okkar gerum við
ráð fyrir því að vera þarna ennþá endrum og eins næstu fimm-
tíu árin. Mér þætti heldur ekkert verra þótt við yrðum grafnir
þarna í einhverjum skógarlundinum."
— Það er valið lið skemmtikrafta og snillinga sem
fylgir ykkur austur á land í þetta sinn — svo sem. . .
„Fyrst skal auðvitað frægan telja Magnús Þór, Megas, sem
gerir sitt debútt í Atlavíkinni. Svo eru það hljómlistarmennirnir
frá Senegal, blámennirnir góðu, sem hvarvetna hafa spilað við
fádæma hrifningu. HLH-flokkurinn kemur líka, þeir Halli, Laddi
og Björgvin. Fásinna heitir upprennandi hljómsveit sem sigraði
í hljómsveitakeppni í fyrra. Hljómsveitakeppnin verður auðvit-
að haldin að vanda, og ratleikurinn vinsæli. Ævar Kjartansson
ætlar að sjá um að koma á laggirnar útvarpsstöð i víkinni — og
síðast en ekki síst ætla kraftlyftingamenn að mæta á staðinn
og spreyta sig."
— En heiðursgesturinn? I fyrra var það stórstirni,
bítillinn Ríngó. Hverjum mega Austfirðingar og gestir
þeirra eiga von á í ár?
„Það er ekki hægt að skýra frá því á þessari stundu. En það
verður heiðursgestur. Hann birtist óvænt."
— Getið þið fullyrt að Mick Jagger skjóti ekki allt í
einu upp úfnum kollinum?
„Nei, varla. Hann langaði að koma. Hann kom því bara ekki
við."
— Nú flykkist æska landsins út á þjóðvegina um
helgina, sum ungmennin í fyrsta sinn. Getur þú, gamall
skemmtikraftur, gefið æskunni einhver heilræði?
„Jú, að hafa með sér Fishermans Friend (Vin fiskimannsins)
til þess að láta ekki sitt eftir liggja í fjöldasöngnum. Það eru
hálstöflur og fást í flestum apótekum. Ég vil líka ráðleggja fólki
að vera vel búið niðrum sig, svo það sé ekki hætta á blöðru-
bólgu og slíkum líkamsmeinum."
— Þú horfir sumsé björtum augum fram á veginn á
helgina?
, Já, það fer ekki á milli mála að straumurinn liggur í Atlavík,
einsog kaupmennirnir segja. Nú er hið besta veður fyrir austan,
þótt þeir séu að spá því að eitthvað syrti í álinn þegar líður á
helgina. En við munum gera okkar besta til að bægja því öllu
frá."
— Það væri sem sagt ráð að skella sér?
„Tvímælalaust."
Egill Ölafsson er Stuðmaður. Nú dembist enn einu sinni verslunar-
mannahelgi yfir landsmenn og enn skemmta Egill og Stuðmennirnir I
lundinum góða austur í Atlavík.
Egill Ólafsson
HELGARPÓSTURINN 3