NT - 20.11.1984, Blaðsíða 5

fíí i Þriðjudagur 20. nóvember 1984 5
LlL Ff éttir
Bandaríska sendiráðið:
Móttökuskermar
fyrir
Keflavíkursjónvarpið
■ Komið hefur verið upp mót-
tökuskermum á byggingu
bandaríska sendiráðsins að
Laufásvegi 28 til að hægt sé að
sjá útsendingar frá sjónvarpinu
á Keflavíkurvelli í sendiráðinu.
Var þetta gert skömmu fyrir
forsetakosningarnar, sem ný-
lega eru afstaðnar vestra, en
mikill áhugi var meðal starfs-
fólks sendiráðsins að geta fylgst
sem best með talningu úrslita.
Að sögn Gústavs Arnar yfir-
verkfræðings hjá Pósti og síma
settu þeir núverandi búnuð upp
til bráðabirgða, en þau tæki sem
eiga að vera til frambúðar eru á
leið til landsins. Sagði hann að
þetta væri eins og hver önnur
þjónusta sem Póstur og sími
.annaðist og greiddi bandaríska
sendiráðið stofngjald og leigu
fyrir skerminn. Gústav sagði
einnig að hér væri einungis um
að ræða sendingar frá Keflavík-
urvelli en ekki móttöku frá
gervihnöttum. Hefði verið sótt
um leyfi til byggingarnefndar
Reykjavíkur til að fá að setja
upp skermana sem eru um 2m í
þvermál, og hefði verið reynt að
koma þeim fyrir á sem minnst
áberandi stað til að raska ekki
götumyndinni um of. Aðspurð-
ur sagði Gústav ekki líklegt að
Islendingar gætu sett upp slíka
skermi til að ná Keflavíkursjón-
varpinu. Það bryti í bága við
útvarpslögin og eins væri spurn-
ing hvort Ameríkanarnir leyfðu
að það yrði tekið niður af öðrum
en bandarískum þegnum.
|
Stighækkandi eignaskattur
- tillaga Alþýðuflokksins á Alþingi
■ Alþýðuflokksmenn hafa
lagt fram tillögu til þingsálykt-
unar um skipan nefndar sem
hafi það hlutverk að semja
frumvarp til laga um stighækk-
andi eignaskatt.
í tillögunni segir að stefnt
skuli að því að tekjur ríkissjóðs
af eignaskatti þrefaldist og skuli
því fé varið til stórátaks í
húsnæðismálum og til að létta
greiðslubyrði af húsbyggjend-
um og íbúðakaupendum.
Pá segir í tillögunni að miðað
skuli við að fjölskylda með með-
altekjur og í eigin húsnæði auki
ekki skattbyrði sína, en að tekn-
anna skuli aflað með skattlagn-
ingu á „sannanlega stóreigna-
menn og stóreignafyrirtæki".
Tillagan gerir ráð fyrir að
skattur þessi gildi í tvö ár.
Leiðrétting:
Aðrir-ekki
allir aðrir
■ Vegna ónákvæmni í
orðalagi t' frétt um kaup
lífeyrissjóða landsins á
skuldabréfum fjárfesting-
arlánasjóða á baksíðu NT
s.l. miðvikudag vill blaða-
maður biðja viðkomandi
velvirðingar.
í fréttinni segir m.a. að
skuldabréfakaup sjóð-
anna séu ákaflega misjöfn.
Sumir þeirra séu búnir að
ljúka sinni kaupskyldu
(þar af þrír tilnefndir).
„Aðrir sjóðir hafa engin
skuldabréf keypt á árinu".
Pað er þessi síðasta setn-
ing sem valdið hefur mis-
skilningi. Að sjálfsögðu er
ekki átt við að „allir aðrir
sjóðir..." hafi engin
skuldabréf keypt. Hefði
því setningin t.d. átt að
hljóða: „Aðrir sjóðir eru
til sern hafa engin skulda-
bréf keypt á árinu" - eða
„Til eru sjóðir sem engin
skuldabréf hafa keypt á
árinu". Setninguna er
sjálfsagt hægt að orða á
marga vegu, en vonandi
kemst merkingin hér með
til skila, þ.e. að sumir liafa
keypt að fullu, aðrir hafa
ekkert keypt og margir
sjóðir eru með kaup sín
einhversstaðar þarna mitt
á milli.
Veiðistöðvun smá-
báta var mótmælt
■ Skúli Alexandersson kvaddi
sér hljóðs utan dagskrár á þingi
í gær og mótmælti þeirri ákvörð-
un sjávarútvegsráðherra að
stöðva veiðar báta undir 10
tonnum. Sagði Skúli að fyrirvar-
inn sem gefinn var, en stoppið
var auglýst í blöðum á laugardag
og á að taka giidi 25. nk., væri
of stuttur.
Halldór Asgrímsson sagði í
svari sínu, að þessir bátar væru
nú þegar komnir með meifi afla
en kvóti þeirra segir til um, en
10 tonna bátar og minni veiða
úr sameiginlegum kvóta.
Sagði Halldór að áætlað afla-
mark fyrir tímabilið sept, til
des. hefði verið 2080 tonn en á
föstúdag hefðu borist upplýsing-
ar um að nú þegar væru 2326
tonn komin á land. Hann sagði
að fyrirvarinn væri svo stuttur
þar senr upplýsingar hefðu ekki
borist um afla vegna verkfalls
BSRB.
Halldór sagði að búast hefði
mátt við þessu stoppi og minnti
á svör sem hann hefði gefið við
fyrirspurn á alþingi 16. október,
en þá sagði ráðherrann að búast
mætti við að þessir bátar yrðu
stöðvaðir í nóvember, enda þá
afli farinn að tregast og veður
farin að gerast válynd til sjó-
sóknar.
Halldór sagði einnig að á-
kveðið hefði verið að halda fast
við reglur um kvótaveiðina, og
að margir bátar 11 tonn og
stærri hefðu þurft að hætta veið-
urn þar sem kvóti þeirra væri
búinn, og eitt þyrfti að ganga
yfir alla.
Eiður Guðnason tók til máls
og skoraði á ráðherra að endur-
skoða ákvörðun sína.
Árni Johnsen tók til máls og
benti á að veiðar á bátum af
þessari stærð stunda bæði at-
vinnusjómenn og aðrir sem hafa
sjósókn fyrir áhugamál og að
þarna þyrfti að gera greinar-
mun.
Þá tók Valdimar Indriðason
til máls og sagði að annað hvort
settu menn reglur eða ekki.
Hann sagði að mönnum hefði
alltaf verið ljóst að reglurnar
sköpuðu einhvern vanda og að
unnið hefði verið að því að
lagfæra þær eins og hægt væri en
sagði ekki réttlætanlegt að auka
kvóta 10 tonna báta þegar 11
tonna bátar væru stöðvaðir.
Barn fyrir
bifreið
■ Níu ára stúlkubarn
varð fyrir bíl á Réttar-
holtsvegi við Garðsapótek
um hádegisbilið á sunnu-
dag. Hún var flutt á slysa-
deild en meiðslin voru
ekki meiriháttar.
Leiðrétting
Ekki Alþýðubandalagið
■ í viðtali við Jón Baldvin
Hannibalsson á laugardag urðu
þau mistök að Bandalag Jafnað-
armanna varð að Alþýðubanda-
laginu. Mistökin urðu þar sem
Jón ræðir um ritstjórnarstefnu
sína á Alþýðublaðinu og því er
það að sögn Jóns, Bandalag
Jafnaðarmanna sem er að stela
línu hans en ekki Alþýðubanda-
lagið.
■ Annar móttökuskermanna trjónir yfir byggingu bandaríska
sendiráðsins að Laufásvegi 28 og skapar táknræna þrenningu með
flagginu og skjaldarmerkinu. A innfclldu myndinni sjást báðir
skermarnir nýtt tilbrigði í sjónvarpsgrciðuskóginum sem vísar veg
til nýrra tíma. NT-myndir: Arni Bjnrna
Áldeilan:
Sérfræðingar mæltu
með sáttaleiðinni
- gerðardómur hefði tafið fyrir
samningum um endanlegt orkuverð
■ Endurskoðendafyrir-
tækið Coopers & Lybrand
og bandaríski lögfræðing-
urinn Charles J. Lipton,
sem unnu fyrir ríkisstjórn-
ina í deilumáli hennar við
Alusuissc, mæltu með því,
að gert yrði út um deilur
aðilanna með sáttagerð,
eins og raunin varð á með
samningi þeim, sem nú er
til umfjöllunar á Aiþingi.
Alusuisse féllst á að
greiða íslenska ríkinu 3
milljónir dollara vegna
deilu uni framleiðslugjald
ísals fyrir árin 1976-1980,
og þar með var deilan
tekin úr gerðardómi.
í bréfi Coopers & Ly-
brand til Jóhannesar
Nordals seðlabankastjóra
frá því í júlí í sumar segir,
að það gæti haft mjög
alvarlega ókosti í för með
sér fyrir ríkisstjórnina að
halda gerðardómsmeð-
ferðinni áfram. Síðan seg-
ir orðrétt í bréfinu: „Við
höfum komist að þeirri
niðurstöðu, að mjög æski-
legt væri að semja um
reikningsskil. Pá yrði
komist hjá óvissu og tals-
verðuni útgjöldum í sam-
bandi við langdregna
gerðardómsmeðferð og
væntanlega mundi Alusu-
isse fagna því, en með
tilliti til lélegrar afkomu
félagsins á undanförnum
árum ætti það að gleðjast
yfir því að fækka vanda-
málum sínum."
Charles J. Lipton lög-
fræðingur segir í bréfi til
Sverris Hermannssonar
iðnaðarráðherra frá því í
byrjun október, að 3 mill-
jónir dollara sem uppgjör
krafanna um framleiðslu-
gjald fyrir árin 1976-1980
væru nijög viðunandi lok
skattadeilunnar og réttlæt-
ing afstöðu ríkisstjórnar-
innar frá upphafi. Síðan
segir hann:
„Það mundi taka meiri
tíma að halda málarekstr-
inum áfram, leiða til tals-
verðs kostnaðar og eflaust
frekari tafa á samningum
varðandi endanlegt orku-
verð. Það er vafasamt, að
ríkisstjórnin gæti vænst
betri árangurs en þeirra 3
milljóna Bandaríkjadala,
sem Alusuisse býður til
uppgjörs, ef málarekstrin-
um samkvæmt bráða-
birgðasamningnum yrði
haldið áfram til loka og
dómnefnd sérfræðinga í
lögum rnundi gefa álit sitt
eða úrskurð undir þessum
kringumstæðum."