Tíminn - 03.12.1986, Blaðsíða 1
í GÆRKVÖLDI samþykkti
Framkvæmdastjórn SUF eftirfarandi ;
ályktun: „Framkvæmdastjórn SUF lýs- i
ir megnustu vanþóknun á vinnubrögð-
um vissra frambjóðenda í prófkjöri ‘
framsóknarmanna í Reykjavík. Ljóst f:
er að kosningabandalag var myndað f
gegn Finni Ingólfssyni frambjóðanda :
ungs framsóknarfólks. Bandalagið var
stutt af flokksbundnum sjálfstæðis-
mönnum. Þrátt fyrir bað hlaut Finnur ;
víðtækan stuðning. I Ijósi þessa telur f
framkvæmdastjórn SUF Finn alls
óbundinn af úrslitum prófkjörsins og
skorar á hann og annað ungt fólk 1
innan Framsóknarflokksins að íhuga
gaumgæfilega stöðu sína innan
flokksins."
FJÁRDRÁTTUR sá sem upp
komst hjá Bílaborg hefur verið fullrann-
sakaður af hálfu RLR. Það er nú til
skoðunar hjá embættinu hvort málið
verður sent til ríkissaksóknara. Sölu-
maðurinn sem dró sér fé fyrirtækisins
hefur skilað því til baka. Maðurinn
hefur látið af störfum og kæran á
hendur honum hefur veríð dregin til
baka.
SEXMANNANEFND sam i
þykkti um 0,5% hækkun á sauðfjáraf-
urðum í gær. Heildsöluverð á heilum
dilkaskrokkum hækkar því um eina
krónu á hvert kíló og hámarks smá-
söluverð um það sama. Fyrsti flokkur
(D1) kostar nú mest krónur 236,40
miðað við ósundurtekna heila skrokka
I smásölu en mest 239,30 kr. ef
skrokkurinn er hlutaður i sundur eftir
ósk kaupanda.
ÍRANSTJÓRN gæti gert opin-
berar segulbandsupptökur af samtali
Róberts McFarlane, fyrrum öryggis-
ráðgjafa Reagans Bandaríkjaforseta,
við aðila innan Hvíta hússins sem
sýndu að Reagan forseti hefði „logið
ao bandarískum almenningi." Það var
talsmaður íranska sendiráosins í Par-
ís sem lét hafa þetta eftir sér nýlega.
VESTUR-ÞYSKAR stúlkur
sækja nú af meiri krafti í hefðbundin
karlastörf en áður. Þetta kom fram í
könnun sem vinnumálaráðuneytið
þýska lét gera nýlega. Þar kom þó
einnig fram að konur lentu enn í ;;
miklum erfiðleikum í sambandi við að
fá störf í þessum greinum sem gefa
vanalega meira af sér en hefðbundin
kvennastörf.
MENNINGAR OG fræðslu-
samband alþýðu heldur ársfund sinn
5. september. Þar verður m.a. fjallað
um grundvallaratriði í stefnumótun og
skipulagi verkalýðshreyfingarinnar.
Rætt verður um valddreifingu og mið-
stjórnarvald, hvort rétt sé að dreifa
valdinu eða leggja áherslu á aukið
miðstjórnarvald félaga, landssamb-
anda og ASÍ.
ARNARFLUG HF. fiutti
meira af vörum milli íslands og Evrópu
í nóvembermánuði sl., en nokkru sinni
fyrr á einum mánuði. Alls voru flutt 191
tonn. Aukning er bæði á inn- og
útflutningi sérstaklega hefur flutningur
á ferskum fiski til Amsterdam og
Hamborgar aukist.
Bwwwwmwb
KRUMMI
„Nú hættum við
sölu til Nígeríu og
borðum þetta
sjálfir."
Albert Guðmundsson:
Mjög óvenjuleg töf
á ákvörðun listans
- framboðslisti Sjálfstæðisflokksins í Reykjavík ákveðinn eftir næstu áramót
„Þctta er óvenjulegt og ég minn-
ist þess ekki að svona tafir hafi
verið á þessu áður. Að öðru leyti
get ég lítið sagt um þetta, það
hefur ekkert verið haft samband
við mig,“ sagði Albert Guðmunds-
son iðnaðarráðherra við Tímann í
gær þegar hann var inntur álits á
því að kjörstjórn Sjálfstæðisflokks-
ins í Reykjavík hefur enn ekki lagt
fram tillögur sínar að framboðslista
flokksins í Reykjavík, en kosið var
í prófkjöri þann 18. október sl.
Samkvæmt reglunum var kosn-
ingin bindandi í 10 efstu sætin og
ber kjörstjórninni að hafa þá fram-
bjóðendur á listanum sem lagður
er fyrir fulltrúaráð, en fulltrúaráðið
getur síðan gert sínar athugasemd-
ir við þann lista.
„Andstæðingar mínir innan
flokksins byrjuðu strax daginn eftir
prófkjörið að tala um breytingar á
listanum. Það er í sjálfu sér eðlilegt
og gerist í öllum flokkum," sagði
Albert aðspurður um það hvort
hann teldi að verið væri að leita að
höggstað á honum til að breyta
listanum. Um þetta sagði Albert
ennfremur: „Ég veit ekkert um
það og skil ekki hvaða höggstaður
það ætti að vera. En ég get engu
svarað þér um það hvað veldur
þessari töf, ég veit ekkert. Ég hef
líka verið að hugsa um þetta og
það er ekki nema eðlilegt að fólk
spyrji sig hvað er að. Af hverju
þessar tafir?“
Jón Steinar Gunnlaugsson for-
maður kjörstjórnar í Reykjavík
kannaðist ekki við að óeðlileg töf
hafi orðiö á því að kjörstjórn
skilaði tillögum sínum. „Það hefur
jafnan verið þannig að liðið hefur
töluverður tími, að vísu misjafn-
lega langur frá prófkjöri og þar til
listinn er ákveðinn. Við erum nú
kontin fram í desember og liggur
ekkert á að klára þetta þannig að
nefndin ákvað að láta kyrrt liggja
fram yfir áramótin," sagði Jón
Steinar. Jón sagðist ekki skilja
hvað Albert ætti við með því að
finnast það taka óeðlilega langan
tíma að ákveða listann og að
ótrúlegt væri að fulltrúaráðsfundur
myndi hafa verið haldinn fyrir
áramót til að ganga endanlega frá
listanum þó kjörstjórnin væri búin
að skila af sér. „Þær hugrenningar
að einhverjar aðrar annarlegar
hvatir liggi að baki þessu eru
gjörsamlega úr lausu lofti gripnar,"
sagði Jón Steinar. -BG
Afurðasölulán vegna staðgreiðslu kindakjöts 15.desember.
með skreið
Um 300 milljónir
vantar á lánin
- „legg áherslu á að staðið verði við samþykkt
ríkisstjórnarinnar," segir Jón Helgason.
Jón Helgason landbúnaðarráð-
herra óskaði eftir því við viðskipta-
bankana fyrir nokkrum dögum að
þeir reiknuðu afurðasölulánin út á
sama hátt og gert var f fyrra.
„Ég hef lagt áherslu á að afurða-
lánin yrðu með sama hætti og í
fyrra og þannig verði staðið við
samþykkt ríkisstjórnarinnar frá því
í fyrra, en samkvæmt bréfum sem
nú hafa borist frá viðskiptabönkun-
um hefur komið í Ijós að lánin
þurfa að hækka um 300 milljónir
frá því sem nú er búið að afgreiða,"
sagði Jón Helgason í samtali við
Tímann í gær.
Landbúnaðarráðuneytið vill að
miðað sé við uppgjörsdaginn sem
staðgreiðsla á að fara fram á, þ.e.
15. desembcr, en Seðlabankinn
miðar við áramót. Einnig hefur
ráðuneytið lagt áherslu á að birgða-
stöðudagurinn sé 1. nóvember eins
og verið hefur en Seðlabankinn
miðar nú við 1. desember og áætlar
því sölu í nóvembermánuði. Þá er
lögð áhersla á að gjaldfallinn slát-
urkostnaður sé reiknaður á sama
hátt og áður. -ABS
Réttimir bragögóöir
og ódýrir
Veitingastaðurinn Úlfar og
ljón hefur vérið að gera tilraun-
ir með rétti úr skreið. Tilraunir
hafa tekist vel og að sögn
Rúnars Þórarinssonar mat-
reiðsluntanns á staðnum hefur
gestum sem boðið hefur verið
að smakka, líkað vel. Aðallega
hefur verið um tvo rétti að
ræða, annars vegar með hvít-
laukskeim og hinsvcgar að
ítölskum hætti.
Rúnar Þórarinsson mat-
reiðslumaður sagði í samtali
viö Tímann að tilraunirnar
hefðu verið hafnar að frum-
kvæði éins af skreiðarfram-
leiðendum í landinu. Sagði
Rúnar að vel gæti farið svo að
réttirnir yrðu settir á matseðil-
inn upp úr áramótum. -ES