Morgunblaðið - 15.02.2010, Blaðsíða 31
Menning 31FRÉTTIR
MORGUNBLAÐIÐ MÁNUDAGUR 15. FEBRÚAR 2010
TÓNLISTARHÁTÍÐIN Við Djúpið stendur nú öðru sinni
fyrir viðamikilli leit að nýjum tónskáldum. Að þessu sinni
er verkefnið í samstarfi við Rás 1 og tónlistarsjóðinn
Kraum. Nýjum tónskáldum er boðið að senda umsóknir
um þátttöku. Sérstök dómnefnd velur svo þátttakendur en
allt að þremur nýjum tónskáldum verður boðið að taka
þátt. Þau eiga að skrifa verk fyrir blásarakvintett. Af því
tilefni hefur Nordic Chamber Soloist-hópurinn verið ráð-
inn til samstarfs en hann æfir verkin undir vökulu auga
hinna nýju tónskálda meðan á tónlistarhátíðinni Við Djúp-
ið stendur á Ísafirði. Verkin verða síðan frumflutt á sér-
stökum lokatónleikum hátíðarinnar 27. júní 2010.
Tilgangurinn er að gefa ungum tónskáldum tækifæri til
að vinna mjög náið með reyndum tónlistarmönnum.
Sérstök dómnefnd hefur var skipuð vegna samkeppn-
innar. Í henni sitja: Daníel Bjarnason tónskáld, formaður,
Dagný Arnalds, listrænn stjórnandi tónlistarhátíðarinnar
Við Djúpið, Stefán Jón Bernharðsson hornleikari, Þuríður
Jónsdóttir tónskáld og Ólafur Óskar Axelsson tónskáld.
Leit að nýjum tónskáldum
Tónskáldin 2009 Högni Egilsson, Gunnar Karel Másson
og Viktor Orri Árnason, ásamt Bent Sörensen.
Þetta er bara gaman, sagðiBjörn vinur minn Árnasongjarnan á góðum djass-tónleikum og sú setning
hljómaði í huga mér þegar ég hlustaði
á Frelsissveit hins nýja Íslands leika á
Vetrardjassinum á föstudagskvöld.
Tónlistin var mjúk og áferðarfalleg
einsog fínasti vesturstrandardjass af
svölustu sort og fátt sem kom á óvart
uns lúðrar hljómuðu skært í „Sjá roð-
ann á hnjúkunum háu“; lagi föður ís-
lenskrar blásaramenningar, Helga
Helgasonar, í útsetningu Jóns Laxdals
fyrir blandaðan kór. Annars var allt
samið og útsett af hljómsveitarstjór-
anum Hauki Gröndal, sem er með
smekkvísustu djassleikurum landsins.
Ég man ekki eftir að hafa heyrt tvo
djassbassaleikara íslenska leika sam-
an heilan konsert með hljómsveit eins-
og þeir Valdi Kolli og Toggi gerðu hér.
Bassahljómur þeirra setti sterkan svip
á tónlistina allt frá fyrstu göngubass-
anótum Togga skreyttum spuna Valda
Kolla í fyrsta verki kvöldsins er nefnd-
ist „Yfirklór“, einfalt og mjúklega út-
sett með fínum sólóum. Þar stóð bás-
únuleikarinn ungi, Bergur Þórisson,
sig vel með messingshljómi og jarð-
bundnu nótnavali – ævintýraspuninn
fylgir í kjölfarið með auknum þroska
og reynslu. Það var enginn skortur á
spuna af því tagi þetta kvöld hjá hin-
um blásurunum, sér í lagi Óskari, og
stundum hljómaði brassið einsog
mexíkósk lúðrasveit og kom þá upp í
hugann Frelsissveit Charlie Hadens
sem Carla Bley skrifaði fyrir.
Það var gaman að stælingu Hauks á
Andrew D’Angelo, sem stjórnaði blás-
urunum öllum á síðustu Stórsveit-
arstónleikum. „Andrés Engilberts“
nefndist verkið og var frjálsboppað a
la Andrew. Í uppklappinu brá fyrir dá-
litlum „ Far East Ellington“ og Snorri
fínn með demparann og Scott þyrlaði
meira að segja, en hann var bindiefni
hljómsveitarinnar alla tónleikanna
einsog hans er von og vísa.
Þessi fína skemmtun, með tveimur
klassabassaleikurum, er vonandi að-
eins vísir að því er koma skal og áfram
haldi Haukur og félagar að kanna hina
ólíku djassstíga er liggja til allra átta.
Ættjarðarlög
og svalur djass
Múlinn á Café Kúltúra
Frelsissveit hins nýja Íslands
bbbbn
Snorri Sigurðarson trompet og flygil-
horn, Bergur Þórisson básúnu, Óskar
Guðjónsson sópran- og tenórsaxófón,
Valdimar Kolbeinn Sigurjónsson og Þor-
grímur Jónsson kontrabassa. Scott
McLemore trommur. Hljómsveitastjóri,
tónskáld og útsetjari Haukur Gröndal,
sem jafnframt blés í altósaxófón og
flautu. Föstudagskvöldið 12. febrúar
2010.
VERNHARÐUR
LINNET
TÓNLIST
Í DAG verður opnuð sérstök yfirlitssýning á klippi-
myndum Errós í Galerie d’art graphique-salnum í
Pompidou-listasafninu í París. Sýningin, sem hefur
yfirskriftina Erró, 50 ár klippimynda, mun leggja
áherslu á þennan þátt í listsköpun hans sem fengið
hefur minni athygli en málverkin, en er engu að síð-
ur mikilvægur þáttur í ævistarfi hans, en fyrstu
klippimyndir Errós urðu til 1958 þegar hann bjó í
Ísrael.
Meðal verka á sýningunni eru 66 klippimyndir
sem Erró gaf nýverið til safnsins, en einnig verða
aðrar myndir úr eigu safnsins sýndar.
Sýningarstjóri er Christian Briend og hann skrifaði líka sýning-
arskrána sem fjallar um klippimyndir Errós í sögulegu samhengi
klippimyndalistarinnar.
Klippimyndir Errós
Listamaðurinn
Erró.
Yfirlitssýning í Pompidou-listasafninu
KRISTINN Örn Kristinson
píanóleikari og Þórunni Ósk
Marinósdóttir víóluleikari
halda tónleika í Salnum í
Kópavogi á morgun, 16. febr-
úar, kl. 20. Tónleikarnir eru
hluti af tónleikaröðinni Tíbrá.
Á efnisskrá tónleikanna eru
verk eftir Árna Egilsson,
Georges Enesco, Benjamin
Britten og Johannes Brahms.
Kristinn og Þórunn komu
m.a. fram á Tíbrártónleikum árið 2001 og fengu
mikið lof gagnrýnenda svo það má sannarlega bú-
ast við mögnuðum tónleikum annað kvöld.
Miðaverð á tónleikana er 2.500 kr. og hægt er
að fá miða á www.salurinn.is.
Tónlist
Víóla og píanó á
Tíbrártónleikum
Þórunn Ósk
Marinósdóttir
ÚT ER komið hjá Bókaútgáf-
unni Opnu veglegt rit um
vatnslitamálun á Íslandi. Bók-
in, sem gefin er út í samstarfi
við Listasafn Reykjavíkur, ber
heitið Blæbrigði vatnsins –
Vatnslitir í íslenskri myndlist
1880-2009.
Í bókinni fjallar Aðalsteinn
Ingólfsson ítarlega um sögu
vatnslitamálunar á Íslandi og
koma flestir okkar virtustu
listamanna við sögu. Bókin er fagurlega mynd-
skreytt og veitir því góða sýn yfir þátt vatnslita-
málunar í íslenskri myndlist. Samhliða útgáfu
bókarinnar hefur verið opnuð sýning á Kjarvals-
stöðum með verkum listamannanna.
Myndlist
Heillandi heimur
vatnslitanna
Aðalsteinn
Ingólfsson
MINNINGARSJÓÐUR Berg-
þóru Árnadóttur söngvaskálds
efnir til árlegra tónleika í Saln-
um, Kópavogi, í kvöld kl. 20.
Fluttar verða í fyrsta sinn
nýjar útsetningar á lögum
Bergþóru í flutningi Nýja
kvartettsins, en hann skipa;
Gissur Páll Gissurarson tenór,
Hjörleifur Valsson fiðluleikari,
Örnólfur Kristjánsson selló-
leikari og Pálmi Sigurhjart-
arson píanóleikari. Sérstakur gestur á tónleik-
unum verður Vadim Fedorov á harmóníku.
Tónleikarnir eru að venju haldnir á fæðing-
ardegi Bergþóru. Upplýsingar um tónleikana er
að finna á salurinn.is og midi.is
Tónlist
Nýjar útsetningar
á lögum Bergþóru
Bergþóra
Árnadóttir
Eftir Kolbrúnu Bergþórsdóttur
kolbrun@mbl.is
SARA Vilbergsdóttir sýnir sextán olíumyndir í Galleríi
Fold á Rauðarárstíg. Myndirnar eru málaðar á síðustu
tveimur árum.
„Það má kannski segja að þessi sýning sé eins konar
framhald af sýningu sem ég hélt í Gallerí Fold fyrir
tveimur árum,“ segir Sara. „Myndirnar á báðum sýn-
ingum voru af fólki en nú sýni ég nærmyndir meðan
persónur voru í meiri fjarlægð á fyrri sýningunni. Þetta
eru stórar myndir, nokkrar mun stærri en ég. Í þeim
eru bjartir litir og ég einfalda frekar en að flækja.“
Fyrirmyndirnar eru fólk úr fjölskyldu Söru. „Ég er að
sýna samskipti og laða fram andrúmsloft með því að
mála svipbrigði,“ segir hún. „Þar sem myndirnar eru
stórar myndast miklu meiri nánd en var til dæmis á sýn-
ingunni fyrir tveimur árum. Í myndunum speglast gleði-
og sorgaratburðir, sem sagt allt tilfinningagalleríið.“
Systurdætur í aðalhlutverkum
Margar myndanna eru af systurdætrum Söru, sem
heita Björg og Sólrún og eru tólf og tíu ára gamlar.
„Þær eru mjög fótógenískar og fullar af skemmtilegri
orku,“ segir Sara. „Ég hef tekið ljósmyndir af þeim frá
því þær voru pínulitlar. Þær koma oft á vinnustofuna til
mín, eru vanar því að ég máli af þeim myndir og taka
mikinn þátt í þessu ferli. Þær hafa verið mikil upp-
spretta fyrir mig, eru eiginlega Guðs gjöf til Söru
frænku.“
Guðs gjöf til Söru frænku
Sara Vilbergsdóttir sýnir olíumálverk í Galleríi Fold Ungar systurdætur
hennar eru fyrirferðarmiklar á myndunum Myndir sem sýna svipbrigði
Morgunblaðið/Golli
Sara Vilbergsdóttir „Ég er að sýna samskipti og laða fram andrúmsloft með því að mála svipbrigði,“ segir Sara um myndirnar sínar.
Sara Vilbergsdóttir stundaði
myndlistarnám við Myndlistar-
og handíðaskóla Íslands og í
Statens Kunstakademi í Osló.
Hún hefur stundað listmálun og
skúlptúrgerð, haldið einkasýn-
ingar og tekið þátt í samsýning-
um. Hún hefur sinnt kennslu í
myndlistarskólum og kennt
bæði börnum og fullorðnum.
Listakonan
Í DAG: Kl. 21:00 Bebopfélagið
leiðir jamsession í kjallaranum
á Kaffi Kúltúra og rekur síðasta
naglann í Vetrarjazzinn 2010.
Vetrarjazzhátíð