Morgunblaðið - 17.10.1986, Blaðsíða 43

MORGUNBLAÐIÐ, FÖSTUDAGUR 17. OKTÓBER 1986
43
Birgir Halldórs-
son - Minning
Birgir Halldórsson söngvari, bú-
settur á Þórshöfn, varð bráðkvaddur
á heimili sínu þar, þann 7. október
sl. í þessum fáu orðum verður ekki
rakin ýtarlega lífsferð Birgis né
heldur upptalin ætt hans eða fjöl-
skylda, til þess vantar nánari
kunnáttu.
Hinsvegar á þetta að vera fremur
kveðja frá nágrönnum og gömlum
söngfélögum í Karlakómum Stefni,
en hann var söngstjóri þar um ára-
bil eftir 1950. Birgir fæddist þann
15. febrúar 1920, en foreldrar hans
voru þau hjón Ingibjörg Halldórsson
ættuð úr Húnaþingi og Júlíus Hall-
dórsson sýslumaður. Þegar Birgir
var 8 ára að aldri tók Ingibjörg sig
upp og flutti búferlum til Kanada
og bjó þar úti í sveit, en að lokinni
bamamenntun Birgis tók hún sig
enn upp og flutti til New York og
settist þar að í þeim tilgangi að
geta veitt syninum góða menntun á
sviði söng- og leiklistar. í nokkur
ár stundaði Birgir söng- og leiklist-
arstörf við vaxandi orðstír á Broad-
way og víðar, bæði á leiksviði og
einnig í kvikmyndum, t.d. Oklahoma.
Árið 1946 kemur svo Birgir til
Reykjavíkur í boði Tónlistarfélagsins
í Reykjavík og heldur hér nokkrar
söngskemmtanir en stansar stutt.
Hann snýr svo aftur hingað árið
eftir til þess að setjast hér að. Þá
tók hann þátt í tónlistarlífí
Reykjavíkur með því að syngja við
ýmis tækifæri, leika í ýmsum upp-
færslum og söngleikjum, en tók auk
þess að sér að kenna söng og þjálfa
kóra bæjarins. Hann ferðaðist einnig
um landið, æfði kóra og kenndi radd-
beitingu, en þessi lausavinna hentaði
honum ekki, enda var hann þá orð-
inn ijölskyldumaður.
Þá gerðist það að hann og Ólöf
Magnúsdóttir, fyrri kona hans, taka
sig upp og ílytja í Víðines á Kjalar-
nesi með þrjú börn Ólafar frá fyrra
hjónabandi hennar. Þar eignuðust
þau þrjú böm og em tvö lifandi.
Hér hófst nýr þáttur í itfí Birgis,
hann var þó enginn viðvaningur í
búskap, en við allt aðrar aðstæður
vestur í Kanada heldur en hér á
landi. Ýmsir spáðu illa fyrir nýja
bóndanum í Víðinesi, en hann reynd-
ist ekki í vanda með að mjólka sínar
40 kýr og hirða bústofninn vel og
rækilega.
Víðineshjónin urðu brátt vinsæl í
héraðinu og meðal annars tók Birg-
ir við stjórn Karlakórsins Stefnis r'
janúar 1952 og færðist þá heldur
betur líf og kraftur í liðið. Hann
heillaði okkur kórmennina með at-
orku sinni og dugnaði og tók
mannskapinn í endurhæftngu eins
og nú er talað um, en mér er til efs
að þetta orð haft verið notað á þess-
um ámm.
Hann tók við kómum, er samæf-
ingar vom að hefjast, og okkur til
furðu þá æfði hann til hlítar eitt eða
tvö lög og okkur leist ekki á blik-
una. Hann gaf þá skýringu að nú
væri hann að læra á hljóðfærið og
hljóðfærið, þ.e. kórinn, að venjast
sér, og var það orð að sönnu.
Samfara þessu vom menn teknir
í raddþjálfun og kennslu og að þess-
utn reynslutíma loknum var farið í
gegnum allt prógrammið á einu
bretti og gekk vel öllum til hinnar
mestu furðu. í hönd fór tími sem
var erfiður, en um leið lærdómsríkur
og skemmtilegur og svo eftirminni-
legur að oft er á þetta minnst er
gömlu félagamir hittast.
Á vori hvetju vom haldnar söng-
skemmtanir með ýmsu öðm heima-
fengnu efni og dansi á eftir. Stóðu
þessar samkomur fram á bjartan dag
er menn þurftu að fara að sinna
gegningum. Aðsókn að þessum
söngskemmtunum var á þann veg
að flestir vom fastir áskrifendur og
þá kom ekki til mála að aðrir fæm
í húsið en þeir sem gátu mætt í
samkvæmisklæðnaði og var það í
samræmi við þann „elegans" sem
söngstjórinn mótaði. Á þessum ámm
var því beitt mjög mikið, að einstak-
ir kórmenn spreyttu sig á einsöng,
dúettum og allskyns tilþrifum sem
var nýmæli hjá kómm hér á landi,
og ekki var það bráðónýtt er söng-
stjórinn tók nokkrar aríur úr
heimsfrægum söngleikjum í hléinu.
Við Stefnisfélagar minnumst
þessa tíma með þökk í huga til Birg-
is Halldórssonar sem innleiddi með
okkur nýjan stíl og ferskan blæ.
Eftir nokkurra ára búskap í Víðinesi
gerðist það að íbúðarhúsið brann og
allir björguðust út, en aleigan var
farin, hljóðfærin, nótumar og allt.
Eftir þetta undu þau ekki lengur á
þessum stað og fluttu í burtu og
ekki kann ég skil á ferli þessara
ágætu nágranna úr því, nema að
litlu leyti.
Nokkm seinna slitu þau Ólöf sam-
vistum. Árið 1969 kvæntist Birgir
aftur Guðbjörgu Guðmannsdóttur
og lifir hún mann sinn.
Birgir mun hafa starfað hjá fiska-
furðadeild Sambands- ísl. samvinnu-
félaga og þá helst í sölumennsku
erlendis, t.d. í Afríku, með mjög
góðum árangri að því að mér er
sagt. Að þessu loknu var hann við
störf í Skotlandi hjá skyldfólki og
ferðaðist í viðskiptaerindum en
síðustu sex árin var hann búsettur
á Þórshöfn á Langanesi og ráku þau
hjónin greiðasölu þar á staðnum.
Guðbjörg var seinni kona Birgis. Vor
þau bamlaus.
Birgir var þeim sem kynntust
honum ógleymanlegur fyrir margra
hluta sakir. Hann var hinn mesti
þrekmaður og allt lék í höndum
hans. Hæftleika fékk hann ríkulega
í vöggugjöf hvort heldur var til hug-
ar eða handa. Hann var hinn mesti
tungumálagarpur enda hafði hann
um árabil sungið á tungum stór-
þjóðanna. Hann kunni ógrynni af
lögum úr öllum áttum, einkum þó á
íslensku. Líf hans varð snemma til-
breytingaríkt og vinnutíminn óreglu-
legur sem vildi loða við hann og
þess vegna dreifðust hæfileikar hans
og starfsgeta og nýttust honum að
sumu leyti illa. Birgir var allra
manna glaðastur í viðmóti og það
hvemig sem á stóð. Hann var ávallt
hlýr og góður við böm og marga
þá sem minna máttu sín í lífinu.
Hann kunni sig ágæta vel á
mannamótum hvetjir sem þar vom
mættir, nágrannar hans í sveitinni
ellegar höfðingjar og aðalsmenn,
hann féll vel að þeim sem hann
umgekkst og var allsstaðar hrókur
alls fagnaðar. Hann hlaut vinsældir
fósturbama sinna og bama, sem nú
kveðja hann með þökk og hlýjum
huga.
Eftirlifandi eiginkonu og öllum
aðstandendum er vottuð samúð við
fráfall Birgis Halldórssonar.
J.M.G.
Hinn 7. október síðastliðinn lést
vinur minn, Birgir Halldórsson, að
heimili sínu aðeins 66 ára gamall.
Eg kynntist Birgi fyrir rúmum 17
ámm er hann kvæntist tengdamóð-
ur minni. Margt kemur upp í huga
eftir svona löng kynni, og minning-
amar ryðjast fram. Birgir var
mikill gleðimaður og leið honum
best þar sem var gleði og glaumur.
Fagra söngrödd hafði Birgir og oft
tók hann lagið í góðra vina hópi.
Þessi glaði og hressi maður hafði
einhvem veginn þann straum til
bama að þau hændust að honum
og var hann alltaf reiðubúinn að
leika við þau og leiðbeina þeim.
Eitt var það sem maður tók eftir
hjá Birgi, að ekki mátti hann heyra
neinum hallmælt og alltaf var hann
tilbúinn að taka upp málstað lítil-
magnans. Mér er líka sérstaklega
minnisstætt hversu mikla virðingu
hann bar fyrir öllu lifandi. Meðan
aðrir veiddu lax eða skutu tjúpu
var hann að reyna að bjarga fugli
eða flugu. Þetta fannst mér lýsa
lífsskoðun hans. Það er að segja
að bera virðingu fyrir öllu sem er
lifandi. Það kæmi mér ekki á óvart,
þegar Birgir er farinn til annars
heims, að honum yrði vel fagnað
af þeim sem þar ræður ríkjum.
Þannig maður var hann. Birgir bjó
síðustu árin á Þórshöfn með eigin-
konu sinni, þar sem þau ráku Hótel
Jórvík. Birgir var mikill tungumála-
maður og var unun á að hiusta
þegar hann talaði ensku, frönsku
og ítölsku.
Birgi þótti gaman að ferðast og
hafði hann einmitt hugsað sér að
takast ferð á hendur nú í haust.
En það kom önnur ferð upp á, sem
engan grunaði að yrði farin svo
skjótt.
Guðbjörg mín, ég votta ykkur
samúð mína og fjölskyldu minnar.
Þið hafíð misst góðan dreng. Það
er gott að enda þetta með broti úr
vísu eftir Pál Ólafsson.
„Haustið er komið og hætt er að gróa
hlíðin er bliknuð og grundin er föl
frostið er komið, já farið.að snjóa
fuglamir vilja ekki eiga hér dvöl.“
Hvíli hann í friði.
Stefán Benediktsson
og fjölskylda.
Tölvusýningin í
dag kynnum við
_ _ Radíóbúðinni
iðl Skipholti 19
\.Opin kl. 9 - 18
i
forritið sem getur lækkað
t / • . /e t . | PageMaker er ætlað öllum sem
auglysinga- og utgatukostnað ^ koma nálægt útgáfustarfsemi,
fyrirtækisins um allt að 50% *”*"
1 hvort sem um er að ræða
V rithöfúnda, útgefendur,
.v I fyrirtæki, blaðafulltrúa
og stytt utgafutimann alíka mikið. \
fc=a«l
PageMaker er einfalt, en öflugt
útgáfu- og umbrotsforrit og fjöldi
fyrirtækja hefur tekið það í
þjónustu sína. Hagkvæmni
forritsins liggur í styttri útgáfutíma
og lægri útgáfukostnaði.
Ýmsar erlendar auglýsingastofur
hafa tekið Macintosh, LaserWriter
prentarann og PageMaker fonitið
í þjónustu sína, þar má fremst telja
auglýsingastofu Ted Bates í
Helsingfors sem byggir starfsemi
á þessum þrem þáttum.
SKIPHOLTI 19
SÍMI 29800