Morgunblaðið - 06.08.1998, Blaðsíða 16

16 FIMMTUDAGUR 6. ÁGÚST 1998
LANDIÐ
MORGUNBLAÐIÐ
Fjöruhlaup
Þórs í
Þorlákshöfn
Þorlákshöfn - Fjöruhlaup Þórs í
Þorlákshöfn hefst 9. ágúst kl. 14.
Forskráning fer fram við íþrótta-
miðtöð Þorlákshafnar og lýkur
henni kl. 13.15.
Boðið er upp á að hlaupa tvær
vegalengdir, annars vegar 10 km
og er hlaupið frá Oseyrarbrú og
hins vegar 4 km og er þá hlaupið
frá miðri Skötubót, hlaupinu lýkur
síðan við íþróttamiðstöðina. Þátt-
takendum er ekið frá íþróttamið-
stöð að rásmarki. Allir þáttttak-
endur fá verðlaunapening og sig-
urvegarar í hverjum aldursflokki
frá sérstök verðlaun.
Þetta er fimmta fjöruhlaup Þórs
og hefur þátttaka alltaf verið góð
og hafa hlauparar rómað fjöruna
sem er að verða einn vinsælasti
útivistarstaður í nágrenni Þorláks-
hafnar.
Morgunblaðið/Gunnar
SYSTKININ Guðfínnur og Halldóra Einarsbörn afhjúpuðu listaverkið til minningar um foreldra sína.
Minnisvarði um Einar
Guðfínnsson afhjupaður
Bolungarvík - Um verslunarmanna-
helgina var afhjúpaður hér í Bolung-
arvík minnisvarði sem bæjarstjórn
Bolungarvíkur hefur látið gera til að
heiðra minningu hins mikla athafna-
manns Einars Guðfinnssonar og
konu hans, Elísabetar Hjaltadóttur.
Bæjarstjórn ákvað sl. haust að
minnast þessa merka manns og konu
hans á aldarafmæli hans 17. maí sl.
en þann dag var opnuð Einarssýning
í Náttúrugripasafni Vestfjarða í Bol-
ungarvík og efnt var til hátíðardag-
skrár þar sem fjölmargir bæjarbúar
heiðruðu minningu þeirra hjóna.
Liður í þvi að heiðra minninu Einars
og Elísabetar á aldarafmæli hans,
var svo gerð þessa minnisvarða sem
nú hefur verið afhjúpaður.
Minnisvarðanum var valinn staður
framan við Félagsheimili Bolungar-
víkur þar sem kominn er vísir að
gróðurreit og útivistarsvæði Bolvik-
inga.
Gijótið sótt í Skötufjörð
Listamaðurinn Jón Sigurpálsson
sá um að hanna minnisvarðann sem
heitir „Grjóthlað“. Grjótið í minnis-
varðann var sótt inn í Skötufjörð en
fyrirmyndin að minnisvarðanum er
einmitt þær hlöðnu girðingar sem
eru í landi Litla-Bæjar í Skötufirði,
æskustöðvum Einars. Á minnisvarð-
ann er fest lágmynd af þeim hjónum
sem unnin er af listakonunni Ríkeyju
Ingimundardóttur.
Við minnisvarðann er áletrun þar
sem segir m.a. „Ég erfði ekki fé, ég
erfði dyggðir" sagði Einar Guðfinns-
son sem hóf atvinnurekstur í Bol-
ungarvík 1. nóvember 1924. Einar
var helsti athafnamaður staðarins á
sinni tíð.
Einar fæddist á Litla-Bæ í Skötu-
firði 17. maí 1898 og lést í Bolungar-
vik 29. okt 1985. Eiginkona hans,
Elísabet Hjaltadóttir, fæddist í Bol-
ungarvík 11. apríl og lést þar 5. nóv-
ember 1981. Áuk umsvifamikils at-
vinnureksturs tóku þau Elísabet og
Einar virkan þátt í sveitarstjórnar-,
félags- og menningarmálum og
höfðu forystu um margvisleg fram-
faramál í byggðarlaginu á mótunar-
skeiði þess.
Það voru tvö elstu böm þeirra
Einars og Elísabetar, þau Guðfinnur
Einarsson og Halldóra Einarsdóttir,
sem afhjúpuðu listaverkið að við-
stöddum afkomendum þeirra hjóna
og fjölda bæjarbúa.
Mynd-
fundabún-
aður á
Húsavík
Húsavík - Atvinnuþróunarfélag
Þingeyinga fékk nýlega afhent-
an myndfundabúnað að gjöf frá
Byggðastofnun og hefur honum
verið komið fyrir í húsnæði
verkalýðsfélaganna á Húsavík.
Gjöfin er ætluð til að auka sam-
vinnu Atvinnuþróunarfélagsins
við önnur sambærileg félög á
landinu og Byggðastofnun.
Með þessum búnaði er unnt að
halda sameiginlega fundi með
félögum um allt land sem hafa
samskonar útbúnað án allra
ferðalaga fyrir þátttakendur.
Að sögn framkvæmdastjóra
Atvinnuþróunarfélagsins var
ákveðið að setja búnaðinn upp í
húsi verkalýðsfélaganna, þar
sem húsakynni félagsins höfðu
Leitin að réttu eigninni
hefst hjá okkur
Vettvangur fólks í fasteignaleit

.mbl.is/fasteignir
Setti hraðamet
í Grettissundi
KRISTINN Magnússon sund-
garpur þreytti Grettissund síð-
astliðinn laugardag og varð þar
með fjórði maðurinn til að ljúka
sundinu að Gretti Ásmundarsyni
meðtöldum.
Auk þess hafa fjórir menn
synt Drangeyjarsund, sem er
800 metrum styttri leið. Kristinn
bætti eldra metið í Grettissundi
um rúmar tvær klukkustundir.
Hann synti skriðsund alla leiðina
og fór vegalengdina á 2,10
klukkustundum.
Grettissund er synt frá upp-
gönguvíkinni í Drangey, en
Drangeyjarsund frá fjöru sunn-
an megin í eyjunni. Grettissund
er 7,5 km. Kristinn þreytti sund-
ið í blautbúningi. Yfírleitt hafa
menn synt Grettissund smurðir
með ullarfitu og í lopabrókum
og bolum. Eyjólfur Jónsson
sundkappi er sá eini sem hefur
synt Grettissund ósmurður og
án annarra klæða en sundskýlu.
Hann átti hraðametið áður en
Kristinn þreytti sitt sund, 4,45
klukkustundir. Hraðametið í
Drangeyjarsundi er 3,18 klukku-
stundir, en það er 800 metrum
styttra en Grettissund.
Markviss undirbúningur
„Mér hafði verið sagt að ég
gæti synt þetta á um þremur
tímum og ég hafði hálft í hvoru
stefnt að því. Ég hef markvisst
búið mig undir Grettissundið í
tvö ár, synt í laug og byrjaði
þjálfunina að fullum krafti í sjó í
byijun júní,“ sagði Kristinn.
Sjórinn var 9,7 gráðu heitur á
Celsius þegar Kristinn þreytti
sundið. „Ég hugsa yfirleitt ekki
um kulda þegar ég fer í sjóinn
og ég virðist geta beitt huganum
til þess að draga úr áhrifum
kuldans á líkamann."
Kristinn er með BS-gráðu í
sálfræði og íþróttalækninga-
þjálfun og er nú að ljúka námi í
sjúkraþjálfun. Hann telur að
þekking sín á áhrifum kælingar
hafi hjálpað sér yfir margan
þröskuldinn í Grettissundinu.
„Það kom mér ekki á óvart
hvernig Iíkaminn bregst við.
Mér bregður ekki og verð ekki
hræddur ef eitthvað gerist í lík-
amanum á sundi,“ sagði Krist-
inn.
Hann segir að fái menn
óstjórnlegan skjálfta á sundinu
sé ráðlegast að halda aftur í
land, því þá geti líkaminn ekki
lengur haldið á sér hita. Krist-
inn segir að hægt sé að þjálfa
kuldaþolið mjög mikið og aðal-
atriðið sé að fara ekki með
bægslagangi í sjóinn heldur af
varfærni.
Morgunblaðið/Silli
ÁRNI Jónsteinsson, framkvæmdasljóri Atvinnuþróunarfélagsins, af-
hendir Aðalsteini Á. Baldurssyni tækin til varðveislu.
ekki rúm fyrir tækin og fundar-
aðstöðu.
Fyrirtækjum og sveitarstjórn-
um í Þingeyjarsýslu verður boð-
ið að nýta sér búnaðinn til
myndfunda. Félagið ætlar að
nota tækin á ýmsa vegu, t.d. til
fundalialda, námskeiðahalds og
fjarkennslu svo eitthvað sé
nefnt.
Þess má vænta að þessi góða
gjöf frá Byggðastofnun muni
auka og efla samskipti og
styrkja búsetu á landsbyggðinni.