Þjóðviljinn - 11.04.1984, Blaðsíða 10

í
10 SÍÐA - ÞJÓÐVILJINN Miðvikudagur 11. apríi 1984
Afnám álags á ferðamannagjaldeyri
Tekjutap
rOdssjóðs
170-180 milj.
„Undirritaðir nefndarmenn telja
það einkar táknrænt fyrir vinnu-
brögð stjórnarmeirihlutans á Al-
þingi að leggja til staðfestingar á
bráðabirgðalögum um afnám álags
á ferðamannagjaldeyri sömu dag-
ana og stjórnarliðið leitar logandi
Ijósi að öðrum sköttum til þess að
fylla upp í ríkissjóðshítina. Ríkisút-
gjöldin eru nú stærri hluti þjóðar-
framleiðslunnar en nokkru sinni
fyrr.“
Þannig hefst nefndarálit minni-
hluta fjárhags- og viðskiptanefndar
Alþingis um frv. til laga um að fella
niður álag á ferðamannagjaldeyri.
í minnihlutanum eru Svavar Gests-
son, Kjartan Jóhannsson og Guð-
rún Agnarsdóttir og leggja þau til
að frv. verði fellt. Meirihlutann
skipa Páll Pétursson, Þorsteinn
Pálsson, Halldór Blöndal, Jón
Magnússon og Guðmundur Ein-
arsson, sem skrifar undir nál. með
fyrirvara, en meirihlutinn leggur til
að frv. verði samþykkt.
f nefndaráliti minnihlutans segir
ennfremur:
Afnám álags á ferðamannagjald-
eyri var vitaskuld ótímabært á
sama tíma og félagsleg þjónusta er
skorin niður. Full heimild var í
lögum til álagningar gjalds þessa út
árið 1983 og engin brýn nauðsyn
bar til þess að fella gjaldið niður.
Minnihluti fjárhags- og viðskipta-
nefndar hefur gengið ítrekað eftir
upplýsingum um formlegar kröfur
Alþjóðagjaldeyrissjóðsins varð-
andi niðurfellingu gjaldsins. Hefur
komið fram að engin bréfaskipti
liggja fyrir um þessi efni, þannig að
krafa Alþjóðagjaldeyrissjóðsins
um niðurfellingu gjalds þessa rétt-
lætti á engan hátt setningu bráða-
birgðalaganna. Auk þess hlýtur
Á sama tíma og ríkisstjórnin sker niður félagslega þjónustu og leitar aó nýjum skattstofnum afsalar hún sér
170-180 miljónum af álagi á ferðamannagjaldeyri.
slík skattlagning að vera á valdi
ríkisstjórnar íslands hverju sinni
og Alþingis og óeðlilegt er að bera
kröfur erlendra stofnana fyrir sig í
þessum efnum, en það hefur verið
ein meginmálsástæða ríkisstjórnar-
innar.
í fjárlögum ársins 1983 var gert
ráð fyrir að innheimta 75 millj. kr.
af gjaldi þessu á sl. ári. Miðað við
breyttar gengisforsendur - er ríkis-
stjórnin felldi gengið á miðju sl. ári
- má hins vegar gera ráð fyrir að
gjald þetta hefði gefið í ríkissjóð
100 millj. kr. 1983. Þegar gjaldið
var fellt niður í júlímánuði nam
innheimta þess um 58 millj. kr. og
má því áætla tekjutap vegna niður-
fellingarinnar á sl. ári 40-50 millj.
kr. í ár hefði þetta gjald gefið í
tekjur handa ríkissjóði um 130
milij. kr. þannig að samtals nemur
tekjutap ríkissjóðs vegna niðurfell-
ingar gjalds þessa um 170-180
millj. kr. á þeim tíma sem liðinn er
frá útgáfu þeirra bráðabirgðalaga
sem nú stendur til að staðfesta á
Alþingi. Eðlilegra hefði verið að
nota tekjur þessar til þess að
tryggja lífsnauðsynlega þjónustu
við aldraða og öryrkja en að fella
gjaldið niður. Auk þess verður út-
gáfa bráðabirgðalaga í þessu skyni
að teljast á ystu brún þess sem eðli-
legt má telja þar sem engar sannan-
ir liggja fyrir um að brýn nauðsyn
hafi verið að fella niður gjald þetta.
Nú er ríkisstjórnin önnum kafin
við að setja saman frumvarp um
ráðstafanir í ríkisfjármálum vegna
óreiðunnar, sem skapast hefur í
yfirstjórn ríkisfjármála. Er það
einkar athyglisvert að meirihluti
fjárhags- og viðskiptanefndar
neðri deildar skuli sömu dagana
knýja mál þetta fram til staðfest-
ingar.
- mhg.
Frádráttur vaxta en ekki verðbóta kostar húsbyggjendur tugi þúsunda í
skattgreiðslur.
Óþolandi ranglæti gagnvart húsbyggjendum:
Verðbætur verði
frádráttarbærar
skv. frumvarpi
Guðrúnar
Helgadóttur
Guðrún Helgadóttir flytur frum-
varp um breytingu á lögum um
tekjuskatt og eignaskatt frá 14.
sept. 1981 með síðari breytingum.
Er frumvarpið samhljóða
breytingartillögu er Guðrún Helga-
dóttir hafði áður flutt en dró til
baka vegna tilmæla fjárhags- og
viðskiptanefndar.
Frumvarpið felur í sér að „til
gjalda sem verðbætur og gengis-
töp, samkvæmt 1. málsgrein, sem
menn bera og ekki eru í tengslum
við atvinnurekstur eða sjálfstæða
starfsemi, teljast aðeins gjald-
fallnar verðbætur, eða þriðjungur
áfallinna verðbóta fyrir næstu 3 ár,
sé stofnað til skulda vegna íbúðar-
kaupa, eða 1/6 áfallinna verðbóta
næstu 6 ár sé stofnað- til skuldar
vegna nýbyggingar og gjaldfallin
gengistöp á afborganir og vexti“.
Lögin öðlist þegar gildi.
fgrg. segir: - Eftir að skattalögin
frá 1978 tóku gildi varð sú þróun í
þjóðfélaginu, að menn hættu að fá
lán til húsbygginga með vöxtum
fyrst og fremst heldur komu verð-
bætur til sögunnar. T.d. er öllum
ljóst, að menn fengu næstum alls
ekki önnur lán en verðtryggð á síð-
asta ári. Samkvæmt skattalögum fá
menn einungis vexti frádregna frá
tekjuskatti, ekki verðbætur nema
að litlu leyti. Þetta þýðir, að þegar
menn sjá skattana sína kemur í ljós
að venjuleg fjölskylda, sem er með
verðtryggð lán, fær að borga tugum
þúsunda meira í skatt en ella.
Einfaldað dæmi lýsir þessu
nokkuð: Fólk sem tók lán með
verðbótum og 2,5% vöxtum, 500
þús. kr., fær í vaxtafrádrátt 12.500
kr. Hefði sama fólkið fengið lán
með t.d. 45% vöxtum hefði frá-
drátturinn verið allt upp í 200 þús.
kr. Þetta getur munað venjulegan
húsbyggjanda 50-70 þús. í greidd-
um skatti.
Venjan er sú, að þegar lán eru til
20-25 ára, að verðbætur eru
reiknaðar á öll þessi ár, þannig að
verðbótahlutinn, sem til frádráttar
er, er ekki nema 1/25,1/20 eða 1/40
ef lánin eru löng. Með frumvarpi
þessu er lagt til að þetta hlutfall
verði mjög stækkað.
- mhg.
FRÁ ALÞINGI:
Rannsókn og meðferð
nauðgunarmála
Alþingismennirnir Kristín
Halldórsdóttir, Sigríður Dúna
Kristmundsdóttir og Guðrún
Agnarsdóttir flytja tillögu til
þingsályktunar „um rannsókn og
meðferð nauðgunarmála“. Er til-
lagan svohljóðandi:
„Alþingi ályktar að fela
dómsmálaráðherra að skipa
fimm manna nefnd er kanni
hvernig háttað er rannsókn og
meðferð nauðgunarmála og gera
tillögur til úrbóta í þeim efnurn."
í greinargerð segir m.a. að
enskar og bandarískar rannsókn-
ir bendi til þess að mikill meiri-
hluti nauðgunarbrota sé, af ýms-
um ástæðu, aldrei kærður. Megi
ætla að svo sé einnig hérlendis.
í nefnd þeirri, sem
dómsmálaráðherra er falið að
skipa, er lagt til að eigi sæti: full-
trúi Kvennaathvarfs, lögfræðing-
ur, rannsóknarlögreglumaðui,
læknir (sérfræðingur í kvensjúk-
dómum), félagsráðgjafi eða sál-
fræðingur. Sjálfsagt er talið að
nefndin sé að meirihiuta skipuð
konum.
Meðal úrbóta, sem kæmu til
greina, nefna flutningsmenn
eftirfarandi:
Lögreglu sé skylt að benda
brotaþola á aðstoð Kvennaat-
hvarfs eða einhvers sambærilegs
aðila þegar á fyrsta stigi kæru-
málsins.
Brotaþola sé tryggð lögfræði-
aðstoð og aðstoð geðlæknis, fél-
agsráðgjafa eða sálfræðings þeg-
ar á fyrsta stigi rannsóknar.
Læícnirinn, sem skoðar brota-
þola, sé kona.
Rannsóknarlögreglumaður-
inn, sem yfirheyrir brotaþola, sé
kona.
Haldin verði námskeið fyrir
þá, sem aðstoða brotaþola og þá,
sem annast lögreglurannsókn
vegna nauðgunarmála.
Lagt er til að nefndin hraði
störfum sínum og skili áliti á
þessu ári.
-mhg.