Morgunblaðið - 16.03.2002, Blaðsíða 43

UMRÆÐAN
MORGUNBLAÐIÐ LAUGARDAGUR 16. MARS 2002 43
Greiðsluáskorun
Innheimtumenn ríkissjóðs skora hér með á gjaldendur
eftirtalinna gjalda að gera skil nú þegar eða í síðasta lagi innan
15 daga frá dagsetningu áskorunar þessarar:
Gjöldin eru: Staðgreiðsla og tryggingagjald sem fallið hafa í eindaga til og með 15. mars 2002,
virðisaukaskattur sem fallið hefur í eindaga til og með 5. mars 2002 og önnur gjaldfallin álögð
gjöld og ógreiddar hækkanir er fallið hafa í gjalddaga til og með 15. mars 2002 á staðgreiðslu,
tryggingagjaldi og virðisaukaskatti, virðisaukaskatti í tolli, áfengisgjaldi, launaskatti, bifreiða-
gjaldi, slysatryggingagjaldi ökumanna, föstu árgjaldi þungaskatts, þungaskatti skv. ökumæl-
um, viðbótar- og aukaálagningu söluskatts vegna fyrri tímabila, skemmtanaskatti og miða-
gjaldi, virðisaukaskatti af skemmtunum, tryggingagjaldi af skipshöfnum ásamt skráningar-
gjöldum, búnaðargjaldi, iðgjaldi í Lífeyrissjóð bænda, vinnueftirlitsgjaldi, vörugjaldi af inn-
lendri framleiðslu, vörugjaldi af ökutækjum, eftirlitsgjöldum, aðflutningsgjöldum og útflutn-
ingsgjöldum, skilagjaldi á umbúðir, verðbótum á ógreiddan tekjuskatt og verðbótum á ógreitt
útsvar, fasteignagjöldum, skipulagsgjaldi, skipagjaldi, fisksjúkdómagjaldi, jarðarafgjaldi og
álögðum opinberum gjöldum, sem eru:
Tekjuskattur, útsvar, aðstöðugjald, sérstakur tekjuskattur manna, eignarskattur,
sérstakur eignarskattur, slysatryggingagjald vegna heimilisstarfa, tryggingagjald,
iðnlánasjóðs- og iðnaðarmálagjald, þróunarsjóðsgjald, kirkjugarðsgjald,
markaðsgjald, gjald í framkvæmdasjóð aldraðra og skattur af verslunar-
og skrifstofuhúsnæði.
Fjárnáms verður krafist án frekari fyrirvara að þeim tíma liðnum fyrir vangoldnum eftirstöðv-
um gjaldanna ásamt dráttarvöxtum og öllum kostnaði, sem af innheimtu skuldarinnar kann að
leiða, á kostnað gjaldenda.
Athygli skal vakin á því, að auk óþæginda hefur fjárnám í för með sér verulegan kostnað fyr-
ir gjaldanda. Fjárnámsgjald í ríkissjóð er allt að 11.500 kr. fyrir hvert fjárnám. Þinglýsingar-
gjald er 1.200 kr. og stimpilgjald 1,5% af heildarskuldinni, auk útlagðs kostnaðar eftir atvik-
um. Eru gjaldendur hvattir til að gera full skil sem fyrst til að forðast óþægindi og kostnað.
Þá mega þeir gjaldendur, sem skulda staðgreiðslu, staðgreiðslu tryggingagjalds, vörugjald,
afdreginn fjármagnstekjuskatt og virðisaukaskatt, búast við því að starfsemi þeirra verði stöðv-
uð án frekari fyrirvara. Loks mega þeir gjaldendur, er skulda bifreiðagjöld og þungaskatt, eiga
von á að skráningarnúmer verði tekin af ökutækjum þeirra án frekari fyrirvara. Fyrrgreindur 15
daga frestur frá dagsetningu áskorunar þessarar gildir ekki í þessum tilvikum.
Reykjavík, 16. mars 2002.
Tollstjórinn í Reykjavík
Sýslumaðurinn í Kópavogi
Sýslumaðurinn í Hafnarfirði
Sýslumaðurinn í Keflavík
Sýslumaðurinn á Keflavíkurflugvelli
Sýslumaðurinn á Akranesi
Sýslumaðurinn í Borgarnesi
Sýslumaðurinn í Stykkishólmi
Sýslumaðurinn í Búðardal
Sýslumaðurinn á Ísafirði
Sýslumaðurinn í Bolungarvík
Sýslumaðurinn á Patreksfirði
Sýslumaðurinn á Hólmavík
Sýslumaðurinn á Siglufirði
Sýslumaðurinn á Sauðárkróki
Sýslumaðurinn á Blönduósi
Sýslumaðurinn á Akureyri
Sýslumaðurinn á Húsavík
Sýslumaðurinn á Ólafsfirði
Sýslumaðurinn á Seyðisfirði
Sýslumaðurinn á Eskifirði
Sýslumaðurinn á Höfn
Sýslumaðurinn í Vestmannaeyjum
Sýslumaðurinn á Selfossi
Sýslumaðurinn í Vík
Sýslumaðurinn á Hvolsvelli
Gjaldheimta Vestfjarða
Gjaldheimta Austurlands
Gjaldheimtan í Vestmannaeyjum
KASÍNÓMENN og
kjörfurstar í íslenzk-
um viðskiptum hafa
látið mikinn að und-
anförnu; raunar vaðið
grundina í hné svo
lýðurinn starir á þá
hissa. Mafíósar og eit-
urlyfjabarónar, svo
vitnað sé í Hólamessu,
eru þar fremstir í
fylkingu „og fara svo
snúðigt að menn verða
að gæta sín, ef fyrir
verða, að eigi falli“
eins og segir í Njálu
um Gunnar og Sigfús-
syni og Njálssyni á
þingi, þótt ekki sé
mönnum saman að jafna.
Íslandsbankamenn mega stór-
lega vara sig að falla eigi fyrir of-
ureflismönnum sem fara eldi um ís-
lenzkar fjármálastofnanir og eiga
sér fyrirmyndir syðst á Ítalíu.
En – hvernig má það vera að
bankar og önnur fjármálafyrirtæki
séu í þeirri hættu stödd, að menn, í
ónáð allsherjargoðans, sölsi þau
undir sig?
Föstudaginn 8. marz vitnar
Morgunblaðið í leiðara
í Davíð goða innan
hermimerkja: „Sumar
þjóðir hafa það reynd-
ar svo, að þær binda
það í lög hversu mikil
eignarhlutdeild ein-
stakra aðila má vera í
bönkunum. Ég hygg
að það sé til að mynda
þannig í Noregi. Það
má vel vera, að slíkt
gæti verið skynsam-
legt að gera einnig
hér á landi. A.m.k. er
ekki æskilegt að menn
hafi á tilfinningunni,
að það séu einhver
önnur sjónarmið, sem
ráði stefnu banka en almenn arð-
semissjónarmið, eins og einhverjir
þröngir hagsmunir ráðandi hóps.“
Og enn kvað Davíð Oddsson:
„Davíð sagði, að þó að nú sé í tízku
að tala um kjölfestufjárfesta telji
hann að í bankastofnun geti alveg
dugað að stærstu eignaraðilar, sem
komi til með að hafa leiðbeinandi
forystu um reksturinn, eigi eign-
arhluti á bilinu 3%–8% til dæmis.
Hann telji hins vegar ekki æskilegt
að einn aðili eða skyldir aðilar ráði
30–40% eignarhlut í bankastofn-
un.“
Og enn og aftur: „Íslenzka þjóð-
ríkið er þannig vaxið, að það er
ekki hollt fyrir það að vera í hönd-
unum á mjög fáum aðilum.“
Fyrri tvær tilvitnanirnar eru frá
sumrinu 1998, en síðasta frá 1999.
Þetta var þá. Þessu var haldið að
mönnum, sem hlut áttu helzt að
máli þegar undirbúningi að einka-
væðingu bankanna var ýtt úr vör –
undir fölsku flaggi – sem er aðall
og einkenni stjórnarhátta Davíðs
Oddssonar.
Ráðamenn í bönkunum hefðu
aldrei – aldrei – tekið í mál að
sinna einkavæðingu bankanna, og
síðan sölu, nema að um mjög
dreifða sölu og dreift eignarhald
þeirra yrði að ræða.
En það þaut fljótlega öðruvísi á
þeim skjá. Óðara en varði var gerð
tilraun til að selja erlendum kjöl-
festufjárfesti ráðandi hlut í sjálfum
Landsbankanum. Ef það hvarflar
að einhverjum að sú tilraun hafi
verið gefin upp á bátinn, þá er það
misskilningur. Hið nýja auðvald,
sem stjórnarflokkarnir ganga und-
ir, mun ekkert eftir gefa í sókn
sinni til yfirdrottnunar í íslenzku
fjármálalífi. Ekkert fær stöðvað
það nema kjósendur taki í taum-
ana.
Í fyrrnefndum leiðara vitnar
Morgunblaðið í forystugrein sína
frá 12. sept. 1999: „Rök Morgun-
blaðsins fyrir því að tryggja eigi
dreifða eignaraðild að íslenzkum
fjármálastofnunum við einkavæð-
ingu þeirra eru í grundvallaratrið-
um þau, að hið fámenna íslenzka
samfélag muni ekki þola það til
lengdar að nánast allar eignir þjóð-
arinanr færist á fárra hendur.
Óbreytt kvótakerfi er að sjá til
þess að slíkt gerist varðandi helztu
auðlind landsmanna, fiskimiðin,
þótt enn sé ráðrúm til að snúa
þeirri þróun við. Við eigum að læra
af þeirri reynslu og koma í veg fyr-
ir að sú þróun verði við einkavæð-
ingu bankanna.“
Vel mælt og orð í tíma töluð nú á
þessum dögum, þegar stjórnvöld
hyggjast setja punkt aftan við
óbreytt kvótakerfi, og Morgun-
blaðsmenn og Ágúst Einarsson,
stórkrati, aðalhöfundar þess að
skálkaskjól er áformað: Auðlinda-
gjaldið margumtalaða. Handónýtt
málamynda „húmbúkk“ ætlað til að
telja þjóðinni trú um að hún njóti
einhvers af sjávarauðlind sinni
meðan Grotti gripdeildarmanna
malar þeim einum allt gullið.
Viðeigandi dæmisaga úr Ljósvík-
ingnum: „Sem sagt, sagði lækn-
irinn, skipið er sokkið og stórfisk-
arnir ríkja í hafinu. Hvað á að gera
næst?“
Það vissi skáldið ekki.
„Fljótt á að líta, sagði læknirinn,
þá virðist vera brent fyrir að gera
nokkuð, úr því sem komið er. Eins
og þú sérð, þá er allt sokkið og
margsokkið til helvítis. En þá geri
ég það sem er í raun og veru það
merkilegasta í þessu öllu saman,
þó það sé svo einfalt að hvert barn
getur sagt sér það sjálft, þegar bú-
ið er að segja því það. Ég bjarga
kokknum.“
Einfalt – og álíka snjallræði að
bjarga kvótaslysinu með auðlinda-
gjaldi.
Stórfiskarnir ríkja
Sverrir
Hermannsson
Fjármál
Íslandsbankamenn,
segir Sverrir Her-
mannsson, mega stór-
lega vara sig að falla eigi
fyrir ofureflismönnum.
Höfundur er alþingismaður og for-
maður Frjálslynda flokksins.
Í TILEFNI af 90 ára
afmæli Íþrótta- og ól-
ympíusambands Ís-
lands var ákveðið að
ráðast í hvatningar-
verkefnið Ísland á iði
2002. Verkefnið felst í
því að hvetja lands-
menn til þess að hreyfa
sig sér til ánægju og
heilsubótar. Verkefnið
styrkja m.a. Alþjóðaól-
ympíunefndin, íþrótta-
nefnd ríkisins og heil-
brigðisráðuneytið. Þá
er gott samstarf við
fjölda aðila sem telja
sér málið skylt, svo
sem Landlæknisembættið, manneld-
isráð, Beinvernd, Hjartavernd, Geð-
rækt, Félag íslenskra sjúkraþjálf-
ara, Náttúrulækningafélag Íslands
o.fl.
Mikilvægi hreyfingar
Ekki þarf að rekja niðurstöður
rannsókna sem staðfesta mikilvægi
hreyfingar fyrir andlega og líkam-
lega heilsu manna þar sem almennt
sammæli er um þær. Hins vegar er
brýn þörf á að hvetja fólk til hreyf-
ingar og að fá alla til þess að muna
eftir því að hreyfa sig í að minnsta
kosti 30 mínútur á dag. Vinnuveit-
endur leggist á árarnar með okkur
hjá ÍSÍ og hvetjið starfsmenn ykkar
til hreyfingar. Jafnframt eru sveit-
arstjórnir og ríkisvaldið minnt á að
hafa nauðsyn hreyfingar í huga bæði
þegar kemur að ákvörðunum um
skipulag og framkvæmdir.
Þeir sem eru duglegir að hreyfa
sig bæta heilsuna og auka sjálfsör-
yggið. Bætt heilsa lækkar kostnað
við heilbrigðiskerfið, fækkar veik-
indadögum og eykur því þjóðarhag.
Gleðin í fyrirrúmi
Hver man ekki eftir ánægjunni í
æsku yfir því að komast út að leika á
kvöldin þegar fór að vora? Eftir-
væntingin og gleðin vegna leikjanna,
útiverunnar og samverunnar með
öðrum var alltaf mikil. Það er von
okkar sem stöndum að Íslandi á iði
2002 að sem flestir nái að öðlast aftur
eftirvæntinguna og gleðina af að fara
út til þess að hreyfa sig. Það er mik-
ilvægt fyrir þá sem hafa haft hægt
um sig og ætla að fara að hreyfa sig
aftur að velja sér eitt-
hvað sem þeim finnst
skemmtilegt að gera.
Þá eru mun meiri líkur
á að áframhald verði á
hreyfingunni.
Vís maður sagði það
góða reglu að fara
tvisvar á dag út til þess
að viðra hundinn jafn-
vel þó enginn væri
hundurinn.
Heilsudagar í
Smáralind
Í dag, laugardag, kl.
12–17 og á morgun,
sunnudag, kl. 13–17 fara fram heilsu-
og hvatningardagar Íslands á iði
2002 í Smáralind. Þar munu fulltrúar
frá ÍSÍ og sérsamböndum ÍSÍ verða
á staðnum og dreifa fræðsluefni til
almennings og einnig dreifa mann-
eldisráð, Beinvernd, Hjartavernd,
Geðrækt, Félag íslenskra sjúkra-
þjálfara og Náttúrulækningafélag
Íslands fræðsluefni, bjóða upp á
ýmsar mælingar og veita góð ráð. Þá
verður boðið upp á þétta dagskrá yf-
ir báða dagana, bæði sýningaratriði
frá hinum ýmsu íþróttagreinum og
ekki síður atriði sem fela í sér þátt-
töku gesta og gangandi.
Þarna er tilvalið tækifæri fyrir
fjölskylduna að eiga fróðlegan,
skemmtilegan og heilsusamlegan
dag saman.
Landsmenn eru hvattir til þess að
sameinast í baráttu sinni við sófann.
Stöndum upp og leggjum fjarstýr-
inguna frá okkur. Drífum okkur út
og hreyfum okkur. Ferska loftið bíð-
ur!
Ísland á iði
2002 – baráttan
við sófann!
Hafsteinn Pálsson
Höfundur er formaður almennings-
íþrótta- og umhverfissviðs ÍSÍ.
Hreyfing
Nauðsynlegt er fyrir
alla að hreyfa sig, segir
Hafsteinn Pálsson, til
að bæta heilsuna og
auka vellíðan.