Morgunblaðið - 30.07.2007, Blaðsíða 4
4 MÁNUDAGUR 30. JÚLÍ 2007 MORGUNBLAÐIÐ
FRÉTTIR
Skógarhlíð 18 • sími 595 1000 • www.heimsferdir.is
Stökktu til
Fuerteventura
14. eða 21. ágúst
frá kr. 39.990
Frábært tilboð
Munið Mastercard
ferðaávísunina
Verð kr. 49.990
Netverð á mann, m.v. 2 í herbergi/-
stúdíó/íbúð í viku, 14. ágúst eða í 2 vikur
21. ágúst.
Verð kr. 39.990
Netverð á mann, m.v. hjón með 2 börn,
2-11 ára, í íbúð í viku, 14. ágúst eða í 2
vikur 21. ágúst.
Heimsferðir bjóða frábært tilboð á síðustu sætunum til Fuerteventura í viku 14. ágúst
eða 2 vikur 21. ágúst. Þú bókar og tryggir þér sæti og 4 dögum fyrir brottför færðu
að vita hvar þú gistir. Gríptu tækifærið og tryggðu þér sumarfrí á frábærum kjörum á
þessum vinsæla sumarleyfisstað.
Ath. 21. ágúst 2 vikur á verði 1 viku! Tveggja vikna ferð 21. ágúst á sama verði.
ÚTFÖR Einars Odds Kristjánssonar alþingismanns fór
fram frá heimabyggð hans Flateyri í fögru veðri á
laugardag að viðstöddu fjölmenni. Húsfyllir var í Flat-
eyrarkirkju, auk þess sem athöfnin var sýnd á skjá í
íþróttahúsi Flateyrar þar sem fjölmenni fylgdist með.
Einar var síðan borinn til grafar í Holti í Önund-
arfirði. Kistuberar voru Agnes Bragadóttir, Ágúst Ein-
arsson, Eiríkur Finnur Greipsson, Guðmundur Steinar
Björgmundsson, Hinrik Kristjánsson, Steindór Har-
aldsson, Sturla Böðvarsson og Þórir Guðmundsson.
Einar Oddur Kristjánsson var þingmaður Sjálfstæð-
isflokksins í NV-kjördæmi og hafði setið á þingi síðan
árið 1995. Hann varð bráðkvaddur hinn 14. júlí síðast-
liðinn er hann var í fjallgöngu á Vestfjörðum.
Morgunblaðið/Þorsteinn
Einar Oddur borinn til grafar
Eftir Guðna Einarsson
gudni@mbl.is
NÁTTÚRUFRÆÐISTOFNUN Íslands fær nýtt
húsnæði og er stefnt að flutningi hennar á næsta
ári, að sögn Jóns Gunnars Ottóssonar forstjóra.
Ríkiskaup hafa, fyrir hönd ríkissjóðs, auglýst eft-
ir fullbúnu skrifstofu- og rannsóknarhúsnæði á
leigu fyrir Náttúrufræðistofnun. Húsrýmisþörf
stofnunarinnar er áætluð um 3.500 fermetrar.
„Við erum mjög ánægð, búin að bíða í hálfa öld
eftir þessu,“ sagði Jón Gunnar. Hann sagði hús-
næðismál stofnunarinnar hafa lengi verið til um-
fjöllunar og minnti Jón að um 17 stjórnskipaðar
nefndir hefðu fjallað um málið í gegnum tíðina.
Hann sagði að stofnunin hefði flutt til bráða-
birgða í núverandi húsnæði við Hlemm árið 1958.
Vísindasöfn stofnunarinnar væru nú í geymslum
úti í bæ við óviðunandi aðstæður.
Gert er ráð fyrir að nýja húsnæðið hýsi alla
reglulega starfsemi Náttúrufræðistofnunar og
stór hluti húsnæðisins mun fara undir vísinda-
söfnin. Þau geyma yfir þrjár milljónir muna. Vís-
indasöfnin verða aðgengilegt fræðimönnum og
námsmönnum til rannsókna. Skv. lögum um
Náttúruminjasafn Íslands, sem sett voru í mars
sl., mun sú stofnun standa að sýningarsafni nátt-
úruminja fyrir almenning. Því er ekki gert ráð
fyrir sýningarsal náttúruminja fyrir almenning í
nýju húsnæði Náttúrufræðistofnunar.
Núverandi aðstaða Náttúrufræðistofnunar
hefur á margan hátt reynst ófullnægjandi.
Skemmst er að minnast þess þegar eigendur
frystiklefa, sem Náttúrufræðistofnun hafði á
leigu, köstuðu meira en 2.000 fuglasýnum, smá-
hval og ýmsum minni sýnum eftir að rafmagn fór
af klefanum á liðnu hausti. Þá myndaðist mikill
raki í sýningarsölum náttúrugripasafnsins þegar
hitalögn sprakk og vatn lak á milli hæða í desem-
ber sl.
Samkvæmt auglýsingu Ríkiskaupa er gert ráð
fyrir að húsnæðið verði tekið á langtímaleigu,
fullbúið til notkunar, án lauss búnaðar. Gerð er
krafa um staðsetningu á höfuðborgarsvæðinu í
snyrtilegu umhverfi og sett það skilyrði að næsta
umhverfi hússins sé öruggt, þ.e. laust við flóða-
hættu eða sjávarágjöf, hæfilega fjarri þungum
umferðaræðum, og að starfsemi í næsta nágrenni
við húsið fylgi lágmarks áhætta, t.d. vegna elds
eða sprenginga. Gott aðgengi og næg bílastæði
eru nauðsynleg. Í auglýsingunni segir að vel
komi til greina að bíða eftir húsnæði, sem byggja
þurfi frá grunni, verði það talið gefa hagstæðustu
lausn. Leigutilboð eiga að berast í síðasta lagi 22.
ágúst næstkomandi.
Nýtt náttúrufræðihús
Stefnt er að flutningi Náttúrufræðistofnunar Íslands í nýtt húsnæði árið 2008 og
verða þar skrifstofur og vísindasöfn stofnunarinnar undir einu þaki
Í HNOTSKURN
»Náttúrufræðistofnun á rætur að rekjaaftur til ársins 1889 þegar Hið íslenska
náttúrufræðifélag var stofnað.
»Hjá stofnuninni starfa rúmlega 50manns við margvíslegar rannsóknir og
vöktun á náttúru landsins.
»Stofnunin sinnir einnig ráðgjöf umlandnotkun og nýtingu náttúruauðlinda
sem og fræðslu til skóla og almennings.
EGGERT Kjartansson, fram-
kvæmdastjóri Múlavirkjunar ehf.,
kveðst sjálfur hafa vakið athygli op-
inberra aðila á misræmi í gögnum
varðandi Múlavirkjun á Snæfellsnesi.
Það kveðst Eggert hafa gert eftir að
hann tók við sem framkvæmdastjóri
15. ágúst 2005.
Eftir að Eggert tók við sem fram-
kvæmdastjóri kveðst hann hafa þurft
að byrja á að afla sér gagna og m.a.
óskað eftir að fá virkjanaleyfið sent
frá Orkustofnun. Það barst í byrjun
október 2005. Hann kveðst strax hafa
séð misræmi milli virkjanaleyfisins og
skipulagsgagnanna og vakið athygli á
því á tveimur fundum með fulltrúum
Skipulagsstofnunar, Umhverfisstofn-
unar, Orkustofnunar og iðnaðarráðu-
neytisins. Síðari fundurinn var hald-
inn í apríl 2006.
Eggert kveðst ekki kunna skýr-
ingu á misræmi gagnanna. Hann
kann heldur enga skýringu á því
hvers vegna gögn varðandi virkjunina
bárust ekki á milli stofnana sem fjöll-
uðu um málið. Hann benti á að gögn
Skipulagsstofnunar væru t.d. opinber
og öllum aðgengileg á Netinu.
Lengi vitað
af misræmi
í gögnum
Framkvæmdastjóri
benti á misræmið
RÁÐIST var á konu á þrítugsaldri í
miðbæ Reykjavíkur aðfaranótt
sunnudags. Samkvæmt upplýs-
ingum frá lögreglunni í Reykjavík
komu upp deilur í röð fyrir utan
skemmtistaðinn Kaffi Sólon í Banka-
stræti og enduðu þær með því að
þrjár konur um tvítugt réðust á þá
fjórðu. Sparkað var í konuna og beit
ein árásarkvennana hluta af eyra
konunnar af. Var hún flutt á slysa-
deild eftir árásina og hefur nú geng-
ist undir aðgerð á eyranu. Þegar
lögreglan kom á staðinn voru árás-
arkonurnar farnar en tókst þó að
handsama eina þeirra. Henni var
sleppt eftir yfirheyrslu.
Keyrt yfir barn
FIMM ára barn varð undir bíl á
Vopnafirði á laugardaginn. Barnið
virtist illa slasað og var sent með
sjúkraflugi til Reykjavíkur en lög-
reglan á Egilsstöðum segir betur
hafa farið en á horfðist og mun
barnið vera á leiðinni heim í dag.
Ölóður maður
réðst á konu sína
LÖGREGLAN á Hvolsvelli var köll-
uð út um þrjúleytið aðfaranótt
sunnudags vegna ölóðs manns í Bás-
um á Goðalandi. Maðurinn hafði ver-
ið til verulegra vandræða frá því
fyrir miðnætti, hafði ráðist á konu
sína og ógnað mjög öðrum gestum.
Maðurinn var stoppaður af lögreglu
á Þórsmerkurleið á leið burt úr Bás-
um en í ljós kom að hann var bæði
mjög ölvaður og ökuréttindalaus.
Manninum var sleppt úr haldi í gær-
morgun. Hann var einn af fjórum
sem stöðvaðir voru þá nótt og kærð-
ir fyrir akstur undir áhrifum.
Bitið í eyra
konu í miðbæ
Reykjavíkur
MANNI á fertugsaldri var bjargað
úr sjó í Keflavík á laugardagskvöld
eftir að hafa synt nærri 300 metra.
Lögreglan á Suðurnesjum segir
manninn hafa verið í miklu upp-
námi og harðneitað að koma í land.
Sérsveitarmaður, ásamt lögreglu-
manni og slökkviliðsmanni, synti á
eftir honum og sótti bátur björg-
unarsveitarinnar Suðurness mann-
inn sem var að niðurlotum kominn
og mjög kaldur. Hann var fluttur á
Heilbrigðisstofnun Suðurnesja en
fór heim á sunnudagsmorgun.
Björgunarskipið Vörður varð
fyrir barðinu á skemmdarvörgum
nú um helgina í Sandgerði, að því
er segir á fréttavef vf.is. Skemmd-
arvargarnir mökuðu smurfeiti víða
um björgunarskipið og tæmdu úr
tveimur duftslökkvitækjum inni í
skipinu og yfir björgunarbát.
Skemmdarverk
og sjósund
SAMTÖKIN Saving Iceland krefjast
þess að fréttastofa Ríkissjónvarps-
ins birti sannanir þess efnis að mót-
mælendur þiggi fé fyrir mótmæli og
handtökur. Hinn 26. júlí var sagt frá
því í kvöldfréttum Ríkisútvarpsins
að traustar heimildir væru fyrir því
að mótmælendur fengju peninga-
greiðslur fyrir að láta handtaka sig.
Í fréttatilkynningu frá samtök-
unum segir að Saving Iceland krefj-
ist sönnunargagna og fari fram á
afsökun og leiðréttingu fréttarinn-
ar, auk þess sem skorað er á heim-
ildarmann fréttastofu að gefa sig
fram.
Einnig segir í tilkynningu: „Að
lokum vill Saving Iceland benda á
að hefði RÚV unnið heimavinnuna
sína betur hefði fréttastofan fundið
grein frá 19. júlí á www.savingicel-
and.org þar sem greint er opinskátt
frá því hvernig samtökin eru fjár-
mögnuð og í hvað þeim fjármunum
er eytt.“
Krefja RÚV
um sannanirKRISTINN Þorleifur
Hallsson óperusöngvari
andaðist á Hrafnistu í
Hafnarfirði aðfaranótt
28. júlí sl., 81 árs.
Hann var fæddur 4.
júní 1926 í Reykjavík,
sonur hjónanna Halls
Þorleifssonar yfirbók-
ara og Guðrúnar
Ágústsdóttur söng-
konu. Kristinn hóf tón-
listarnám við Tónlistar-
skólann í Reykjavík
1937. Hann brautskráð-
ist frá Verzlunarskóla
Íslands 1945.
Kristinn fór til náms við Konung-
lega tónlistarháskólann í London
(Royal Academy of Music) 1951 og
lauk þaðan burtfararprófi og Licen-
ciate-prófi 1954. Hann tók þátt í tón-
leikum frá 1945 og í óperusýningum í
Þjóðleikhúsinu og víðar, kom fram á
fjölda tónleika hér á landi og erlendis
m.a. í Evrópu, Ameríku og Asíu.
Hann fór m.a. í söngferðir sem ein-
söngvari karlakóra.
Kristinn stundaði
tónlistarkennslu frá
1954 og vann við skrif-
stofustörf að undan-
skildum námsárunum
erlendis. Hann var
ráðinn stjórnarráðs-
fulltrúi við mennta-
málaráðuneytið 1970.
Kristinn var lengi í
forystu Nemendasam-
bands VÍ, sat í stjórn
Félags íslenskra ein-
söngvara og einnig Fé-
lags íslenskra leikara
og var í stjórn Anglia.
Hann var sæmdur Riddarakrossi
fálkaorðunnar 1. janúar 1978. Ævi-
saga hans, Góðra vina fundur, kom
út 1997 og tvöfaldur geisladiskur
með einsöng hans, Kristinn Hallsson
bassbaritone, kom út 2002.
Eiginkona Kristins var Hjördís
Þorbjörg Sigurðardóttir (d. 1983).
Eignuðust þau fjögur börn og lifa
þrjú þeirra föður sinn.
Andlát
Kristinn Hallsson