Sjómannablaðið Víkingur - 01.06.1995, Blaðsíða 46

VÍKINGUR
Eftirlitshlutverk Siglingamálastofnunar með
björgunarbúnaði um borð í skipum:
99,5%
gúmmíbj örgunarbáta
í lagi við skoðun
við allar hafnarvigtir. Við höfum feng-
ið frá henni upplýsingar um hvaða
skip hafa landað afla og síðan berum
við þessar upplýsingar saman við lista
okkar yfir skip með haffærisskírteini.
Þetta hefur dugað mjög vel og nú fyrir
skömmu settum við farbann á fleiri
skip en nokkru sinni áður vegna þess
að við fengum upplýsingar um skip
sem lönduðu afla án þess að vera með
haffæri.“
Hefur þaðfarið í vöxt að skip séu án
haffœrisskírteina ?
„Ég segi það nú ekki, því það var
mikið um það áður með minnstu bát-
ana en þó er enn alltof mikið um að
skip freistist til að sigla án leyfis. Við
höfum þó möguleika á að fylgjast
betur með þessu en áður bæði með
skyndiskoðunum og eins með tölvu-
tengingunni við Fiskistofu.“
Hver er helsti slysavaldurinn um
horð í íslenskum skipum ?
„Það er líklega eldsvoði. Við höfum
verið að taka sama tjónið sem hefur
orðið vegna bruna. Við vorum fyrsta
þjóðin sem setti brunaaðvörunarkerfi í
Eitt veigamesta hlutverk Sigl-
ingamálastofnunar er aó
fylgjast meS ásigkomulagi
björgunarbúnaðar um borð í
skiþum íslenska flotans. Páll
Quðmundsson hefur yfirum-
sjón með þessu eftirliti hjá
stofnuninni og blaðamaður
Víkings rœddi við Pál um
tilhögun eftirlitsins, ástand
björgunurbúnaðar, sér í lagi
gúmmibjörgunarbáta, og
margt fleira er viðkemur
björgunarmálum.
Að sögn Páls beinist skoðun Sigl-
ingamálastofnunar á skipum aðallega
að þremur þáttum; að boli skipsins,
vélbúnaði og almennum öryggisbún-
aði. Hvert fyrir sig er skoðað árlega
með þeirri undantekningu að bolur
stál- og plastskipa er skoðaður annað
hvert ár að öllu jöfnu.
Að skoðun lokinni eru oftast nær
gerðar einhverjar athugasemdir og
síðan er það metið í hverju tilfelli fyrir
sig hvort viðkomandi skip fái haf-
færisskírteini áður en bætt hefur verið
úr ágöllum. Oftast er gefinn ákveðinn
tímafrestur til að koma hlutunum í lag
og haffærisskírteinið þá aðeins gefið
til bráðabirgða.
Siglingamálastofnun hefur í
auknum mæli framkvæmt skyndi-
skoðanir, að sögn Páls. „Þá sendum
við menn á hafnir landsins ásamt
viðurkenndum skoðunarmanni frá
viðkomandi svæði sem taka á móti
skipunum þegar þau koma að landi.
Þarna er yfirleitt ekki um almenna
skoðun að ræða heldur eru tekin fyrir
atriði sem grunur leikur á að ekki séu
í lagi eins og t.d. hafði komið fram við
síðustu almennu skoðun. I dag
gangast um það bil þrjátíu prósent af
skipum flotans undir skyndiskoðun á
ári hverju. Skyndiskoðun er nauðsyn-
leg og veitir mikið aðhald. Komi t.d. í
ljós að ekki hafi verið bætt úr ágöllum
sem komið höfðu fram við almenna
skoðun er viðkomandi skip umsvifa-
laust svipt haffærisskírteini.
Við höfum átt gott samstarf við
Fiskistofu sem nýlega var tölvutengd
46