Svart á hvítu - 01.06.1978, Blaðsíða 20

Morð á einfaldri aðdáun
Spjallað við Robert Filliou
Eggert Pétursson
Ingólfur Arnarsson
Steingrímur Eyfjörð Kristmundsson
Örn Daníel Jónsson
Robert Filliou er fæddur árið 1926, í Suður Frakklandi,
þar sem hann bjó þar til hann fluttist til Bandaríkjanna
árið 1946. Þar vann hann um tíma sem verkamaður hjá
Coca Cola en fór síðan í UCLA í Californíu og lagði
stund á hagfræði. Eftir fimm ára dvöl í Los Angeles varð
hann bandarískur ríkisborgari. Síðar fór hann til Kóreu á
vegum Sameinuðu Þjóðanna til að vinna að uppbygg-
ingu Kóreu að hann hélt, en það reyndist aðeins vera
Suður Kórea, þar eð engin leið var að komast norður.
Við þetta vann hann til ársins 1954, en þá „droppaði
hann út“ eins og sagt er, og hefur unnið að listsköpun
síðan. Filllou var staddur hér á landl í febrúar s. I. á
vegum Myndlista- og Handíðaskóla fslands, en hann var
þá leiðbeinandi í Nýlistadeild skólans. Við spurðum
hann að því hversvegna hann hefði gerst listamaður.
F. Þegar ég var ungur, svona um tvítugt, þá hafði ég
áhuga á Ijóðagerð, og hjá Coca Cola hafði ég næði til að
hugsa yfir vélunum. Þá ákvað ég að gera ekkert í því fyrr
en ég yrði þrítugur. Þegar maður er um tvítugt finnst
manni langt í þrítugt. Mér þótti ég ekki hafa neitt að segja
eða a. m. k. kæmist ég að því hvað ég hefði að segja
einfaldlega með því að gera eitthvað. Ég hafði engar
áætlanir um að fara í háskóla. Það var bara tilviljun að ég
fór í hagfræði, ég hafði áhuga á þjóðfélagsmálum, og
fólk í kringum mig talaði um Marxisma, og ég fékk
mikinn áhuga á þriðja heiminum og hungurvandamálinu.
Smám saman varð mér Ijóst að ég yrði ekki aðeins að
vinna fræðilega að þjóðfélagsmálum, heldur yröi ég að
snúa mér að þeim þjóöfélagsmeölimi sem ég þekkti best,
og það var ég sjálfur. Þá hætti ég. ( þjóðfélagsmálum er
alltaf til staðar vandamálið hvernig á að fara frá hinu
almenna til hins einstaka, maður breytir ekki þjóð-
félaginu nema með því að breyta einstaklingnum, hvort
kemur á undan, hænan eða eggið? Svo ég hætti störfum
og fór að skrifa leikrit. Ég hef alltaf haft áhuga á leikritum.
18