Birtingur - 01.04.1954, Blaðsíða 3
„Hann er
alls staðar nærri
þessi islenzki tónn“
Rabbað víð frú Jórurwí Víðar
Frú Jórunn Viðar efndi til píanótónleika í
Austurbæjarbíói þriðjudaginn 9. marz s.l.
Brynjaður því tillitsleysi sem fréttanösum er
áskapað arkaði tíðindamaður Birtings heim til
listakonunnar að Laufásvegi 35 daginn fyrir
tónleikana og bað um viðtal.
— Ég er hversdagslegasta manneskja undir
sólinni og hef aldrei lifað neitt sem í frásögur
sé færandi, segir frú Jórunn þegar við erum
setzt andspænis hvort öðru við stofuborðið og
kaffi komið í bollana.
— Þér eruð fædd í Reykjavík?
— Já, hérna á Laufásvegi 35 og komin af
innfæddum reykvíkingum í 9. lið. Annars var
afi minn, Indriði Einarsson, vanur að kalla sig
norðlending.
Fyrr en varir erum við komin út í ættfræði,
algengasta umræðuefni íslendinga þegar veðr-
inu sleppir. Einar faðir frú Jórunnar var sonur
Indriða Einarssonar, skálds, en tók sér ættar-
nafnið Viðar. Hann var söngmaður góður —
einn af stofnendum kvartettsins Fóstbræður
sem varð vísir karlakórsins með sama nafni.
Systkini Einars og systkinabörn mörg hafa orð-
ið þjóðkunnir leikarar eins og alþekkt er. Móð-
ir Einars Viðar var Marta María dóttir Péturs
Gudjohnsen, organleikara í dómkirkjunni.
Móðir Jórunnar er frú Katrín Viðar, sem flest-
ir reykvíkingar kannast við. Systir Katrínar
Viðar, frú Ásta Norðmann, hefur lengi iðkað
og kennt dans, samið dansa og komið upp sýn-
ingum í Reykjavík. Kristín systir hennar var
gift Páli ísólfssyni, tónskáldi — móðir þeirra
Þuríðar, söngkonu, og Einars. leikara. Óskar,
bróðir þeirra Norðmann-systra, er kunnur
söngmaður — og annar bróðir þeirra, Jón
Norðmann, stundaði nám í píanóleik í Þýzka-
landi á stríðsárunum fyrri og hélt hljómleika
hér í höfuðstaðnum, en dó ungur úr berklum.
— Svo þér eruð trúlega fædd með tónlist í
blóðinu? segi ég.
— Það er ég ekki viss um, segir frú Jórunn
— en ytri aðstæður hafa í þessum efnum verið
mér hliðhollari en mörgum öðrum. Mamma
spilar á píanó og hefur kennt píanóleik frá því
ég man eftir mér. Þegar pabbi dó — ég var þá
fjögra ára — setti hún á stofn hljóðfæraverzl-
un, og þar hlustaði ég á fjölda af góðum hljóm-
plötum. Mér er sagt að þriggja ára gömul hafi
ég leikið öll lög eftir eyranu með viðeigandi
skómakarabassa, en það er svosem ekkert
BIRTINGUR
19