Litli Bergþór - 01.04.2009, Blaðsíða 24
Logi 50 ára
Þann 21. mars sl. var haldin mikil afmælishátíð
í Aratungu. Tilefnið var 50 ára afmæli
Hestamannafélagsins Loga og 80 ára afmæli
Kvenfélags Biskupstungna. Einnig kom að hátíðinni
leikdeild Umf. Bisk. en þessi þrjú félög hafa
undanfarin ár haldið sameiginlega árshátíð sem alltaf
hefur tekist með miklum ágætum.
A tímamótum sem þessum hugsar maður
með þakklæti til þess framsýna hóps fólks sem
kom saman í Barnaskólanum í
Reykholti þann 22. febrúar 1959 og
stofnaði hestamannafélagið Loga.
Aðalhvatamaðurinn að stofnun
félagsins og fyrsti formaður þess,
var séra Guðmundur Oli Olafsson
þá búsettur á Torfastöðum. Hafði
hann nokkru fyrir stofnfundinn
boðað nokkra sveitunga sína
á undirbúningsfund heim að
Torfastöðum til að kanna hvort
áhugi væri fyrir svona félagsskap
í Tungunum. Séra Guðmundur Oli
gegndi formannsstöðunni í 10 ár
en alls hafa 11 manns gegnt því
embætti.
Fljótlega eftir stofnun félagsins
var farið að skima eftir félagssvæði
og að endingu var það Sveinn
Kristjánsson á Drumboddstöðum
sem bauð félaginu land til leigu
undir félagssvæði. Sveinn bauð vel,
því Hrísholtssvæði er með fallegri
svæðum í Tungunum, birkigróin
áhorfendabrekkan í austri og
tignarlegur fjallgarðurinn í vestri.
Mikil uppbygging hefur átt sér stað
á þeim 50 árum sem liðin eru síðan
menn öttu fyrst saman gæðingum
sínum í Hrísholti.
Þar er góður hringvöllur, stórt gerði sem nýtist
vel undir reiðkennslu, fínt hesthús og sennilega
einn glæsilegasti dómpallur landsins svo ekki sé nú
minnst á veitingahúsið Logavelli sem alltaf stendur
fyrir sínu. Allt var þetta byggt í sjálfboðavinnu og
við erum hvergi nærri hætt að gera svæðið okkar
sem best.
Þó við eigum orðið hlut í stórglæsilegri reiðhöll
á Flúðum með vinum okkar í hestamannafélaginu
Jóhann Pétur og Freydís tóku á móti gestum á ballið. Ljósm. SS
Litli Bergþór 24