Sveitarstjórnarmál - 01.03.2000, Blaðsíða 52
FRÁ LAN DSHLUTASAMTÖKUNUM
Aðalfiindur Eyþings 1999
haldinn í Grímsey 19. og 20. águst
Pétur Þór Jónasson framkvœmdastjóri
Aðalfundur Eyþings var haldinn í
félagsheimilinu Múla í Grímsey 19.
og 20. ágúst og var þetta 7. aðal-
fundur samtakanna. Meginmál
fundarins auk venjulegra aðalfund-
arsstarfa var aðgerðaáætlun fyrir
Eyþing og í tengslum við hana var
umfjöllun um byggðamál og starf-
semi landshlutasamtaka sveitarfé-
laga. Þá var til umræðu og af-
greiðslu á fúndinum samstarfsáætl-
un fyrir Eyþing og Samband sveit-
arfélaga í Austurlandskjördæmi
(SSA) sem tekur mið af væntanlegri
kjördæmabreytingu.
Talsverðrar eftirvæntingar gætti
meðal þingfulltrúa og gesta þegar
lagt var upp í for á fundarstað, en
margir voru að fara í fyrsta sinn til
Grímseyjar og leggja upp í 3,5 klst.
siglingu með Grímseyjarferjunni
Sæfara. Eftir að siglt var út úr
mynni Eyjafjaröar fengu sæfaramir
að finna fyrir kröftugum hliðarvelt-
ingi og ekki laust við að sumir væru
orðnir nokkuð fölir, þegar lagst var
að bryggju. Stjórnin ásamt fram-
kvæmdastjóra fór að sjálfsögðu með
flugi til Grímseyjar um morguninn
og tók glaðbeitt á móti sæfömnum
þegar þeir stigu í land. Þar sem
gistiheimili eyjarinnar rúmaði ekki
nema lítinn hluta fúndarmanna, auk
þess sem nokkrir gistu í félagsheim-
ilinu, var bmgðið á það ráð að gera
úr ferðinni útilegu og var samið við
tjaldvagnaleigu að koma upp að-
stöðu. Það var gert af miklum
myndarbrag og var slegið upp búð-
um við sundlaugina.
Fundarstjórar voru þau Vilborg
Gunnarsdóttir, bæjarfúlltrúi á Akur-
eyri, og Kristján E. Hjartarson, bæj-
arfulltrúi í Dalvíkurbyggð.
Kristján Þór Júlíusson, formaður
stjórnar Eyþings, bauð menn vel-
komna til fundarins og ræddi í
ávarpi sínu m.a. þá miklu búsetu-
röskun sem við horfúmst í augu við
og það viðfangsefni fúndarins að ná
samstöðu um aðgerðir til að styrkja
búsetuskilyrði á starfssvæðinu.
Ávörp gesta
Halldór Blöndal flutti ávarp fyrir
hönd þingmanna kjör-
dæmisins, sem ailir
sátu þingið. Hann
fagnaði því að Gríms-
ey skyldi hafa verið
valin sem fúndarstaður
og ræddi m.a. um áhrif
nýrrar tækni á byggð-
arþróun og að áherslu
þurfi að leggja á að
skilyrði til atvinnu-
rekstrar séu ekki lakari
á landsbyggðinni en á
höfuðborgarsvæðinu.
Þá sagði hann að efla
þurfi Eyjafjarðarsvæð-
ið, þar sem það er
mesta þéttbýlissvæðið
fyrir utan höfuðborg-
arsvæðið og geti skap-
að mótvægi við það.
Vilhjálmur Þ. Vil-
hjálmsson, formaður
Sambands íslenskra
sveitarfélaga, flutti
fundinum kveðju
stjómar þess og þakk-
aði gott samstarf.
Hann ræddi um
breytta kjördæmaskip-
an og taldi að hún
þyrfti ekki að hafa
mikil áhrif á samstarf sveitarfélaga,
nema þá helst að styrkja það. Næstu
verkefúi verði að endurskoða tekju-
stofna sveitarfélaga i ljósi aukinnar
þjónustu á vegum sveitarfélaga.
Hann rakti síðan ýmis atriði í skatta-
lögum sem hafa áhrif í þá átt að rýra
tekjur sveitarfélaga. Að lokum
ræddi hann hlutverk sveitarfélaga
og taldi brýnt að hlutverk þeirra og
verkefni verði skilgreint til lengri
tíma talið.
„Gott er að hafa fast land undir fótum.“ Vilborg Gunnars-
dóttir, bæjarfulltrúi á Akureyri, við komuna til Grímseyjar.
Á eftir henni niður landganginn kemur dr. Ingi Rúnar Eð-
varðsson, dósent við Háskólann á Akureyri.
46