Málfríður - 15.10.2014, Blaðsíða 9

Dagana 21.–24. maí 2014 sátu undirritaðar vinnu-
stofu á vegum LACS verkefnisins í Graz, Sigurborg
sem fulltrúi stjórnar verkefnisins og formaður NBR
– Nordic Baltic Region, norræna svæðissambandsins
innan FIPLV og Brynhildur Anna sem formaður STÍL.
Vinnustofuna sátu formenn eða fulltrúar landssam-
taka tungumálakennara. Okkur er það ljúft og skylt að
kynna LACS verkefnið fyrir félögum í STÍL til þess að
sem flestir geti nýtt sér það fjölbreytta efni og tengsl
sem í boði eru fyrir tilstilli Alþjóðasamtaka tungumála-
kennara, norrænu samtakanna og Nýmálasetursins í
Graz.
Hvað er LACS?
LACS, sem nú er á öðru af tveimur fjögurra ára tíma-
bilum, er ætlað að vekja athygli á þeim fjölmörgu
verkefnum sem Nýmálasetrið í Graz hefur sett á lagg-
irnar og í boði eru á hverjum tíma og hvetja fagfólk
til að taka þau upp og aðlaga eigin vinnuumhverfi til
að auðga og bæta nám og kennslu tungumála, hvert í
sínu landi.
Tilgangur — Markmið
Meginmarkmið LACS er að stuðla að virkari sam-
vinnu milli alþjóðlegu kennarasamtakanna (FIPLV) og
Nýmálasetursins (ECML) til að fagfólk í tungumála-
kennslu eflist í starfi með betra aðgengi að hagnýtri
kennslufræði og aðferðum við kennslu og nám tungu-
mála, auk leiða við stefnumótun í kennslu tungumála
og gerð námskrársniða sem hæfa 21. öldinni. Allt starf
Nýmálasetursins byggir á rannsóknum fræðimanna
og reynslu fagfólks sem tekið hefur þátt í samstarfi og
vinnustofum um hin ýmsu verkefni.
Samstarf FIPLV við Nýmálasetrið
FIPLV eru einu alþjóðasamtök tungumálakennara.
Tengsl samtakanna við þúsundir fagfólks, stjórnendur
og stefnumótendur gera það að verkum að FIPLV er í
kjöraðstöðu til að styðja við starfsemi Nýmálasetursins,
bæði við útbreiðslu verkefna og ekki síður við að
greina útbreiðsluna, með aðgengi að stoðkerfum og
starfsháttum í hundruðum aðildarfélaga, sem beint
eða óbeint eru tengd FIPLV. Þannig geta FIPLV og
aðildarfélögin byggt ofan á það sem til er, þar með talið
útbreiðsluaðferðir Nýmálasetursins og stuðla þar með
að sjálfbærni verkefna sem til eru.
Verkefnisteymi LACS
Fulltrúar úr stjórn og aðildarfélögum FIPLV skipa
verkefnisteymið (project coordination team). Lögð er
áhersla á að virkja aðildarfélög FIPLV til þátttöku með
því að þau leggi til upplýsingar af ýmsu tagi og til-
lögur varðandi verkefni Nýmálasetursins og reynslu
af kynningu/notkun þeirra.
MÁLFRÍÐUR 9
Til útskýringar
• Evrópuráðið, The Council of Europe: Stofnað
1949. Starfsáherslur eru lýðræði, mannréttindi
og réttarríkið (http://www.european-council.
europa.eu/home-page.aspx?lang=en).
• ECML, European Centre for Modern
Languages: Nýmálasetrið í Graz (http://www.
ecml.at/). Nýmálasetrið er ein af stofnunum
Evrópuráðsins. Ísland er aðili að Evrópuráðinu.
• LACS, Language associations and collabora-
tive support: Samvinna og stuðningur samtaka
tungumálakennara (http://lacs.ecml.at/).
• FIPLV, Fédération internationale des profess-
eurs de langues vivantes: Alþjóðasamtök
tungumálakennara (www.fiplv.com ).
STÍL og alþjóðasamstarfið
Brynhildur A. Ragnarsdóttir, formaður STÍL og
Sigurborg Jónsdóttir, þýsku- og enskukennari við
Borgarholtsskóla.