Málfríður - 15.10.2014, Blaðsíða 22

Eflaust hafa margir tungumálakennarar heyrt um sum-
arnámskeið Félags dönskukennara. Síðastliðið sumar
var eitt slíkt haldið á Schæffergården í Gentofte eins
og venjan er. Þau Sigurlaug Rúnarsdóttir og Reynir
Þór Eggertsson, dönskukennarar úr Menntaskólanum
í Kópavogi, voru skipuleggjendur námskeiðsins að
þessu sinni.
Morðgáta í kennslustofunni
Mánudaginn 11. ágúst hófst formleg dagskrá. Fyrsti
dagskrárliður var blanda af hópefli og nýjum sjónar-
hornum í bókmenntakennslu. Allt í einu, og öllum að
óvörum, var mættur inn á mitt gólf ungur danskur lög-
reglumaður í fullum skrúða sem skipaði okkur í hópa.
Nú skyldu íslenskir dönskukennarar aðstoða við lausn
morðmáls. Hver hópur fékk afhenta tösku með öllum
þeim gögnum sem rannsóknarlögreglufólk þarf á að
halda. Fljótlega fór nú fólk að gruna að líklega væri
lögreglumaðurinn ekki alveg ekta. Það gat varla verið
að danska rannsóknarlögreglan væri svo illa skipuð að
hún yrði að leita aðstoðar viðvaninga við lausn morð-
mála. Enda pakkaði lögreglumaðurinn ungi fljótlega
saman og við tók vinnustofa í hópum þar sem leitað
var nýrra leiða til að láta nemendur vinna með glæpa-
sögur, eins og t.d. að leysa morðgátur; sem sé problem
based learning.
Skapandi skrif
Eftir hádegi var mættur rithöfundurinn Glenn Ringtved
sem hefur skrifað fjölda barna- og unglingabóka. Sú
bók hans sem hér var gerð að meginumfjöllunarefni
samdi hann í samstarfi við Sanne Munk Jensen. Bókin
heitir Dig og mig ved daggry, hlaut Barnabókaverðlaun
Menningarmálaráðuneytis Danmerkur 2014 og var
einnig tilnefnd til Bókmenntaverðlauna Politiken
sem og Lesendaverðlauna Berlingske þetta ár.
Umfjöllunarefni bókarinnar er sjálfsmorð ungmenna
og spunnust töluverðar umræður um hvort rétt væri
að fjalla um svo viðkvæmt málefni í skólastofunni og
þá með hvaða hætti. Glenn Ringtved sagði frá hinum
ýmsu aðferðum við að skrifa bækur sem svo sannarlega
vakti áhuga viðstaddra: Powerwriting, þ.e. að skrifa og
skrifa án þess að gefa innihaldinu of mikinn gaum í
takmarkaðan tíma og einnig að byrja á að skrifa upp-
haf og endi og fylla síðan inn í, nú eða að skrifa bara
út frá gefnu orði, titli eða persónu, allt saman aðferðir
sem vel má aðlaga kennslustofunni í framhaldsskól-
anum. Til stendur að gera mynd eftir Dig og mig ved
daggry og skoða má auglýsingatrailer fyrir bókina á
YouTube.
Eftir að Glenn Ringtved hafði kvatt hélt hópurinn í
hinar nýju höfuðstöðvar Danmarks Radio, DR-Byen, en
þar var kynnisferð undir heitinu Bag kulissen i DR-byen.
Rafmiðlar í kennslu
Þriðjudagsmorguninn var helgaður rafbókum og
notkun þeirra í kennslu en það voru Hildur Guðrún
Hauksdóttir og Jóhanna Hinriksdóttir sem höfðu fram-
sögu og greindu frá reynslu sinni í MK á sviði rafbóka.
Mjög mikill verðmunur er á verði danskra rafbóka og
hefðbundinna bóka, og eru því rafbækur góður kostur
fyrir nemendur. Í framhaldinu spunnust umræður um
bókmenntakennslu í dönsku á framhaldsskólastigi því
margir skólar hafa hætt að láta nemendur lesa skáld-
sögur og þess í stað eru m.a. lesnar smásögur. Ástæðan
er sú að mjög margir nemendur ráða illa við heila skáld-
sögu og láta sér því nægja að lesa útdrætti á netinu.
22 MÁLFRÍÐUR
Auður Leifsdóttir, dönskukennari
við Kvennaskólann í Reykjavík.
Sumarnámskeið:
Bókmenntakennsla og þróun tölvumiðla
Í garði Konunglega bókasafnsins.