Morgunblaðið - 22.03.2002, Blaðsíða 1

2002
FÖSTUDAGUR 22. MARS BLAÐ C
B L A Ð A L L R A L A N D S M A N N A
ÍSLANDSMEISTARAR Í KRULLU STEFNA Á ÓLYMPÍULEIKA / B2
PÉTUR Marteinsson, landsliðsmaður í knatt-
spyrnu og leikmaður Stoke City, gekkst und-
ir aðgerð vegna brjóskloss í baki í fyrradag
og tókst aðgerðin vel að sögn Chris Moseley
aðstoðarsjúkraþjálfara félagsins. Hann segir
að Pétur verði að fara hægt í sakirnar næstu
3–5 mánuði en stefnt sé að því að búa til æf-
ingaáætlun sem hann geti farið eftir í sumar
og þannig undirbúið sig sem best fyrir næstu
leiktíð. Pétur kom meiddur til Stoke frá
norska liðinu Stabæk um síðustu áramót.
Hann ristarbrotnaði rétt eftir að félagaskipt-
in höfðu verið innsigluð og þegar hann var
rétt kominn af stað að nýju greindist hann
með brjósklos í baki. Hann náði þar með að-
eins að spila þrjá leiki fyrir Íslendingaliðið á
tímabilinu.
Aðgerðin á
Pétri tókst vel
Guðjón sagði að málið ætti sérlangan aðdraganda og væri
ekki skyndiákvörðun eða gert í reiði-
kasti. „Það er einn
blaðamaður Sentinel
sem hefur fylgst með
okkar málum í vetur
og aðrir sem fylgjast
með gangi mála hjá Port Vale og
Crewe. Að mínu mati er blaðið nei-
kvætt í garð þess sem á sér stað í her-
búðum Stoke. Fréttamat ritstjóra
Sentinel gefur ekki rétta mynd af því
sem er að gerast hér. Í sjálfu sér á öll
gagnrýni rétt á sér en það er fyrst og
fremst fréttamatið og hvernig þeir
setja hlutina upp í blaðinu sem gerir
það að verkum að við ætlum ekki að
hafa frekari samskipti við blaðið. Ég
sé enga ástæðu til þess að hjálpa
Sentinel í sinni vinnu þegar þeir skíta
okkur út í tíma og ótíma.“
Guðjón tók sem dæmi að Sentinel
hefði ekki séð ástæðu til þess að fjalla
mikið um það þegar Chris Iwelumo
skrifaði undir samning til tveggja ára
við Stoke. „Það var aðalmálið hjá
Sentinel að ungur leikmaður í liði
Port Vale yrði að öllum líkindum í
byrjunarliðinu í næsta leik. Iwelumo
var ekki áberandi á síðum Sentinel
þrátt fyrir að hann sé markahæsti
leikmaður liðsins og hafi ákveðið að
skrifa undir samning til tveggja ára.
Þetta er aðeins eitt af mörgum
skrýtnum dæmum af fréttamati rit-
stjóra Sentinel.“
„Sýni meiri kjark en
forverar mínir“
Skoðanakannanir á vefsíðum Sent-
inel og Oatcake sem er vefsíða stuðn-
ingsmanna Stoke gefa til kynna að
mikill meirihluti stuðningsmanna
liðsins standi á bak við ákvörðun Ís-
lendingsins. Um 83% þeirra sem tóku
afstöðu á Oatcake styðja Guðjón og
rúmlega 2/3 hlutar styðja Guðjón í
skoðanakönnun staðarblaðsins.
„Það var einn fullorðinn stuðnings-
maður Stoke sem kom og vildi taka í
höndina á mér eftir að tíðindin
spurðust út. Þessi maður vildi votta
mér virðingu þar sem ég hefði sýnt
meiri kjark en forverar mínir í þessu
starfi. Maðurinn sagði að Sentinel
hefði ekki gert neitt annað en að
reyna sverta Stoke City. Ég hef feng-
ið gríðarlega sterk viðbrögð við þess-
ari ákvörðun minni og það er aðeins
fámennur hópur sem vinnur gegn
okkur í þessu máli. Það er sami hóp-
urinn og hefur verið á móti því að Ís-
lendingar kæmust til áhrifa í félag-
inu.“
Þessi ákvörðun mín truflar mig
ekkert og við fáum nú meiri tíma til
þess að einbeita okkur að því sem við
þurfum að gera, en það er að vinna
næsta leik gegn Chesterfield á
heimavelli. Við höfum farið í alla leiki
á tímabilinu með það að markmiði að
sigra og það hvarflar ekki að okkur að
sætta okkur við eitt stig eða minna.“
Mikil viðbrögð frá Íslandi
Meiðsli leikmanna Stoke voru Guð-
jóni ofarlega í huga þegar hann var
inntur eftir væntingum sínum til liðs-
ins á lokakafla keppnistímabilsins.
„Það á ekki af okkur að ganga hvað
meiðslin varðar og þau eru þess eðlis
að ekki er hægt að fyrirbyggja þau. Á
laugardaginn ristarbrotnaði David
Rowson. Brynjar Björn Gunnarsson
hefur verið meiddur. Fyrirliðinn okk-
ar Peter Handyside var rétt komin af
stað eftir meiðsli og þá tábrotnaði
hann. Þetta er gremjulegt sérstak-
lega þar sem ég sá að þegar við vor-
um að keyra á okkar sterkasta liði þá
eru fá lið í deildinni sem standast
okkur snúning. Ég fékk mikið af
skeytum frá Íslandi eftir að leikur
okkar gegn Brighton var sýndur. Þar
sáu allir að við getum spilað hörkufót-
bolta, skemmtilegan og árangursrík-
an. Það býr mikið í Stoke-liðinu og ég
er fullviss um að okkur takist ætlun-
arverkið. Við förum upp í 1. deild í vor
og úrslitin í leikjum okkar ráðast ekki
á íþróttasíðum Sentinel, heldur á
knattpsyrnuvöllum víðsvegar um
England,“ sagði Guðjón Þórðarson.
„Úrslit í leikjum Stoke ráðast ekki á íþróttasíðum Sentinel,“ segir Guðjón Þórðarson
Guðjón Þórðarson, knattspyrnustjóri Stoke City, stendur í stríði við blaðið The Sentinel.
„ÉG fékk hreinlega nóg af fréttamati þeirra sem stýra málum á
íþróttadeild staðarblaðsins The Sentinel. Við hittumst á fundi
þar sem ég tilkynnti þeim á formlegan hátt að ekki yrði um frek-
ari samskipti að ræða við blaðamenn þeirra það sem eftir lifir
keppnistímabilsins og það gildir jafnt um mig sem knatt-
spyrnustjóra, leikmenn og aðra sem starfa hjá Stoke,“ sagði
Guðjón Þórðarson í samtali við Morgunblaðið í gær þegar hann
var inntur eftir ástæðu þess að hann ætlar ekki að tjá sig við
blaðamenn Sentinel það sem eftir lifir keppnistímabilsins.
Eftir
Sigurð Elvar
Þórólfsson
Hef fengið
stuðning
Ég tel mjög gott að fá þennan leiken þar get ég stillt upp sterk-
asta liðinu sem ég hef völ á. Ég fæ
leikmennina sem spila í Þýskalandi
seint inn í undirbúninginn og ein-
hverjir þeirra leikmanna sem spila
þar geta ekki verið með í Hollandi.
En þó að vanti einhverja leikmenn
þá eru leikirnir mikilvægir fyrir þá
leikmenn sem eru á þröskuldinum
og koma til með að leysa af,“ sagði
Guðmundur Þ. Guðmundsson,
landsliðsþjálfari, í samtali við Morg-
unblaðið.
Á mótinu í Hollandi mæta Íslend-
ingar liði heimamanna auk Portú-
gala og Grikkja og segir Guðmund-
ur að þeir leikir komi til með að
verða mjög góður undirbúningur
fyrir leikina við Makedóníumenn.
Guðmundur segist enn vera að bíða
eftir spólu frá leik Makedóníumanna
frá því þeir voru að spila í janúar.
„Ég veit svo sem ekki mikið um
þeirra lið en þó veit ég að þeir eru
að spila júgóslavneskt afbrigði af
3:2:1 vörn og eftir því sem mér
skilst þá hafa þeir ekki tapað
heimaleik í ein þrjú ár. Þessir leikir
við Makedóníu verða erfitt verk-
efni og því er mikilvægt að und-
irbúa liðið af kostgæfni fyrir það.“
Guðmundur segir að æfingar hefj-
ist 10. maí með þeim leikmönnum
sem honum standa til boða og hann
reiknar með að Dagur Sigurðsson
komi fljótlega inn í þann hóp en sem
kunnugt er lauk keppnistímabilinu í
Japan, þar sem hann leikur, um síð-
ustu helgi.
Mæta Grikkjum fyrir
átökin í Makedóníu
ÍSLENSKA landsliðið í handknattleik mætir Grikkjum í leik ytra
þann 29. maí. Það verður síðasti undirbúningsleikur liðsins fyrir
átökin á móti Makedóníu um laust sæti á HM. Grikkir óskuðu eftir
því að fá Íslendinga í heimsókn og mun landsliðið halda til Grikk-
lands eftir æfingamótið í Hollandi sem fram fer dagana 24.-26. maí.
Leikurinn verður háður í Norður-Grikklandi, rétt fyrir utan Þessa-
lóníku og mun íslenska landsliðið æfa í Grikklandi dagana bæði fyr-
ir og eftir landsleikinn og halda svo akandi til Skopje í Makedóníu.
þar semfyrri HM-leikur þjóðanna fer þar fram laugardaginn 1. júní.