Bæjarblaðið - 14.07.1989, Blaðsíða 1

BÆJARBLAÐIÐ
Frjálst og óháð 1. tbl. 1. árg. föstudagur 14. júlí 1989
Ætli enginn sé heima? Fólkið á myndinni er liklegast ekki að kíkja í heimsókn í Vinamynni, held-
ur er það að virða fyrir sér rústir hússins sem hyrjað var að rifa i vikunni. Þetta gamla hús sem lengi
hefur staðið fyriraugum bæjarbúa í Keflavik, hverfur nú af sjónarsviðinu. Ljósm.: ELG.
Bæjarblaðið
— nýtt blað fyrir Suðurnes
Bæjarblaðið sem nú kemur út i fyrsta skipti er
vikulegl frétta og upplýsingarit fyrirSuðurnesin.
Blaðið cr gefið út af Stapaprenti í Njarðvík og
þar sem starfsmenn prentsmiðjunnar sjá sjáifir
um útgáfu þess frá öllum hliðum er hér um hag-
kvæman og ódýran auglvsingarmiðil að ræða
fvrir verslanir og fyrirtæki á Suðurnesjum.
Otvírætt mun Bæjarblaðið hafa töluvert auglýs-
ingargildi, því með birtingu sjónvarpsdagskrár
beggja sjónvarpsstöðvanna er komið handhægt
rit sem fólk handfjatlar alla daga vikunnar.
Erfitt er ad segja fyrir um hér og nú hvaða
stefnu blaðið mun taka við efnisöflun þess, því á
sama hátt er erfitt að segja til um hvað nýfætt
barn muni taka sér fyrir hendur i framtíðinni, er
það vex úr grasi. Fyrst og fremst mun blaðið
miðla upplýsingum og fréttum og siðan verðum
við að sjá til og leyfa hlutunum að þróast. Gullna
reglan segir að menn skuli sníða sér stakk eftir
vexti. Blaðinu mun verða dreift í hús í Keflavík
og Njarðvík en liggja frammi i söluturnum og
verslunum annarsstaðar á Suðurnesjum til að
byrja með.
Blaðið er opið fyrir öllum ábendingum um
efni og fréttum um menn og málefni á svæðinu.
Fréttatilkynningar og upplýsingar um félags-
starfsemi, menningarviðburði, mannfagnaði og
annað i þeim dúr eru vel þegnar, enda er hér um
upplýsingarit að ræða eins og áður sagði. Við
vonum að fólki muni falla þessi nýbreytni vel í
geð og hjálpa okkur að byggja upp gott, fróðlegt
og skemmtilegt blað sem allir geti nýtt sér, þvi
hér er um frjálst og óháð blað að ræða. Móttaka
efnis, tilkynninga og auglýsinga er i Stapaprenti,
Brekkustíg 39, Njarðvík, sími 14388.
Breskir snóker-
kappar með nám-
skeið í Keflavík
Þessa vikuna hafa tveir breskir snóker-
snillingar verið með námskeið fyrir byrj-
endur jafnt sem lengra komna á Knatt-
borðstofu Suðurnesja. Þeir heita Troy
Shaw og Oliver King. Að sögn Barkar
Birgissonar, eiganda Knatborðstofu Suð-
urnesja var þátttaka í námskeiðinu mjög
góð enda hér um mjög hagnýta og góða
reynslu að ræða fyrir þátttakcndur. Sagði
Börkur að vel gæti komið til greina að
endurtaka þetta á næstkomandi vetri ef
nægúr áhugi yrði meðal snókermanna á
Suðurnesjum.
Til hamingju
Biggi!
Þann 14. júlí fyrir nákvæmlega hálfri öld
siðan var Birgir Guðnason borinn og
barnfæddur í þennan heim. Fypr honum
lá að verða atorkusamur athafnamaður
og málarameistari með meiru. Birgir
hefur i rúm 20 ár rekið BG fyrirtækið og
undanfarin misseri hefur hann byggt upp
stórbyggingu í Grófinni, Keflavik þar
sem fjöldi fyrirtækja hefur aðsetur í dag
og þar á meðal Ivö fyrirtæki Birgis. Birgir
heldur upp á 50 ára afmæli sitt í kvöid i
góðra vina hópi og verða versluhöldin í
Grófinni.
Bæjarblaðið óskar Birgi Guönasvni til
hamingju með daginn.
Kær kveðja:
Útgefendur
Bæjarblaðið
— lesió sjö daga vikunnar