Tíminn - 06.06.1951, Blaðsíða 4

«.
TfMINN, miðvikudaginn 6. júní 1951.
123. blað.
BÓKAÚTGÁFA MENNINGARSJÓÐS
OG ÞJÓÐVINAFÉLAGSINS
Ný félagsbók
DANMÖRK (Lönd og lýðir) eftir Kristinn Ármanns-
son yfirkennara, er komin út. Bók þessi skiptist í 3
meginkafla, sem fjalla um landið, þjóðina og einstaka
landshluta og merkisstaði. í henni er einn sérstakur
mjög fróðlegur kafli um samskipti íslendinga og Dana.
í bókinni eru alls 155 myndir, m.a. ýmsar myndir,
sem hafa sérstakt sögulegt gildi fyrir íslendinga, eins
og t.d. myndin af Östervoldgade 12, þar sem Jón Sig-
urðsson átti heima. Bókin er 272 bls. að stærð eða ná-
lega þriðjungi stærri en bækurnar um Noreg og Sví-
þjóð, sem áður hafa komið út í þessum bókaflokki.
Aðrar félagsbækur í ár verða Þjóðvinafélagsalmanakið
1952, Sögur eftir austurriska skáldið Stefán Zweig,
Andvari 1951 og Alþingisrímurnar. Árgjaldið, sem fé-
lagsmenn fá þessar 5 bækur fyrir, er 50 kr .eða 14 kr.
hærra en s.l. ár. Hækkun þessi var óhjákvæmileg vegna
hins gífurlega aukna útgáfukostnaðar, t.d. hefir pappír-
inn hækkað meira en til helminga frá því í fyrra.
Félagsbækurnar verða nú stærri að arkatölu heldur en
s.l. ár og eykur það að sjálfsögðu einnig útgáfukostn-
aðinn. — Vegna hins lága félagsgjalds undanfarin ár
er nú fjárhagur útgáfunnar fremur erfiður. — Félags-
menn eru því vinsamlegast beðnir að vitja sem fyrst
hinnar nýju bókar um Danmörku og greiða um leið
félagsgjaldið 1951, enda er það nú allt fallið í gjald-
daga. — Gerið svo vel að athuga: Um leið og þér borg-
ið 50 kr. árgjald, borgið þér í einu allar fimm félags-
bækur þessa árs. Eins og áður verður hægt að fá sumar
bókanna í bandi gegn aukagjaldi.
Frestið ekki ;ið gera þessi kostakjör
Nýir félagsmenn geta enn fengið allmikið af eldri
félagsbókum, alls um 50 bækur fyrir 226 kr. Meðal
þessara bóka eru úrvalsljóð islenzkra skálda, almanök
Þjóðvinafélagsins, Heimskringla, erlend skáldrit og
myndskreyttar landafræðibækur um Noreg og Sví-
þjóð. — Þann 1. okt. n. k. mun verð sumra þessara
bóka hækka, ef eitthvað verður þá óselt af þeim. Frestiö
því ekki að gerast félagar og tryggja yður þar með eigu
legt heimilisbókasafn við vægu verði.
Bækur uin íþróttir
Handknattleiks- og körfuknattleiksreglur ÍSÍ (ný
útgáfa) kr. 10, Glímúlög ÍSÍ kr. 5, Sundreglur kr. 12,50,
Tennis- og badmintonreglur kr. 5, Vaxtarrækt kr. 10,
Leikreglur í frjálsum íþróttum kr. 10, Knattspyrnu-
bókin kr. 12,50, Knattspyrnulög kr. 10. Árbækur í-
þróttamanna 1942—’48 kr. 105 llar bækurnar. — Sund,
kennslubók Jóns Pálssonar, kr. 30 og Frjálsar íþróttir,
hin nýja handbók eftir Þorstein Einarsson og Stefán
Kristjánsson, kr. 45.
Ýmis forlagsrlt
Fögur er foldin, erindasafn dr. Rögnvaldar Péturs-
sonar; Saga íslendinga, 4.—7. b. (pantanir á skinnbandi
teknar); Leikritasafn Menningarsjóðs (áskriftarverð
kr. 30); Búvélar og ræktun (síðustu eintökin hafa nú
verið bundin); Bréf Stephans G.; Ilíons- og Odys-
seifskviða.
Bókabúð Mennin^arsjóðs.
\
annast aðalútsölu Útvarpsblaðsins, eina blaðsins í land-
inu, sem sérstaklega fjallar um útvarpsmál. — Það
birtir dagskrá Ríkisútvarpsins og kynnir hana, flytur
viðtöl við útvarpsmenn og myndir af þeim, gaman-
þætti, raddir hlustenda o.m.fl. — Áskrifendur geri svo
vel að greiða áskriftargjaldið til næsta umboðsmanns
eða senda það beint til aðalútsölunnar. — Eldri ár-
gangar Útvarpstíðindanna fást við mjög vægu verði.
— Bókabúðin hefir einnig til sölu fjölbreytt úrval bóka
frá ýmsum útgefendum, m.a. Nýtt söngvasafn, Sturl-
ungu, I.—II. (sérstakt verð fyrir félagsmenn), Ritsafn
Jóns Trausta, Passíusálmana, ársritið Breiðfirðing,
Öldina okkar og Garðagróður.
Sendum bækur gegn póstkröfu. — Umboðsmenn um
land allt. — Bókabúð og skrifstofa að Hverfisgötu 21.
Símar: 80 282 og 3652. Pósthólf 1043.
Stefán Pétursson
við dyr leyndar-
dómanna
Alþbl. er með ýmsar full-
yrðingar um verðlagsmál í
gær og víkur þar ýmsum orð-
um að mér. Þeim Stefáni Pét-
urssyni og Helga Sæm. finnst
ég vera státinn af litlu, þegar
ég tala við þá háu herra. Með
fullri hógværð langar mig þó
til að ávarpa hátignirnar lít-
illega.
Meinti Alþbl. nokkuð af!
því, sem það sagði aftur og j
aftur í síðasta mánuði, aðj
vísitöluuppbót á laun væri
engin kauphækkun, heldur
aðeins sjálfsögð ráðstöfun
til að halda óbreyttu kaupi?
Þessu óska ég að verði svar-
að ákveðið með jái eða neii.
Verði svarið já spyr ég
aftur.
Hvaða rök liggja til
þess að lækka tekjur bænda
með því að synja þeim um
vísitöluhækkun til hálfs á
við það, sem launþegar hafa j
fengið siðan verðlag mjólk-
ur var ákveðið í haust?
Svari Alþbl. hins vegar
fyrri spurningunni neitandi
mun ég ekki sjá ástæðu til að
ergja þessa menn með fleiri
spurningum.
Svo ætla ég þá að veita
hinum margfróðu mönnum
við Alþýðublaðið litla fræðslu
ef þeirra lítillæti kynni að
þiggja slíkt af einum fávísum
„malbiksbónda.“
Gert er ráð fyrir að nýtt
hrossakjöt komi á markað í
þessum mánuði, enda er sum-
arslátrun hrossa engin ný-
lunda, — jafnvel ekki slátr-
un í júni. Stefán Pétursson
má ómögulega taka horfell-
issögur úr Þjóðvilja Magnús-
ar Kjartanssonar svo bók-
staflega, aö hann haldi að
allur hrossastofninn sé gjör-
fallinn. Stóðhross eru yfir-
leitt vel fram gengin og um
sóistöður hafa þau tekið full-
um sumarbata.
Kjötverð það, sem auglýst
hefir verið nú síðast, er sum-
arverð, en eins og flestir vita,
er sumarverð jafnan hærra
en haustverðið. Og nú skal
„malbiksbóndinn“ ljúka upp
dyrum leyndardómanna fyr-
ir Stefáni Péturssynf og segja
honum á hverju það byggist.
Það er nefnilega svo, að
lömb og kálfar og trippi
stækka með aldrinum eftir
þvl sem lengra líður á sum-
ar. Hins vegar ganga þessar
skepnur yfirleitt sjálfala á
sumrin, svo að eldi þeirra
þann tíma kostar eigandann
lítið. Fáir bændur myndu því
fara að slátra fyrir Stefán
Pétursson á miðju sumri eða
fyrr, ef þeir fengju ekki meira
verð fyrir hvert kg. en í sept-
emberlok. Bændur vilja nefni
lega fá jafnmargar krónur
fyrir kálfinn í júní og í sept.
eða október og til þess þurfa
þeir fleiri krónur fyrir hvert
kg. af því að þau eru færri
Ef til dæmis 10 kg. í júní eiga
að kosta jafnmiklð og 15 kg.
í september, þá þarf hvert kg.
í júní að vera dýrara. Þetta
vona ég að Stefán Pétursson
skilji, ef hann gefur sér næði
til að hugsa um það í góðu
tómi.
Svo ætla ég þá ekki að þessu
sinni að þreyta hin fagur-
tignu Alþýðublaðshöfuð með
því að nefna fleiri atriði. Það
er léttast til skilnings að taka
ekki of margt fyrir í einu.
H. Kr.
Bóndi sendir mér pistil þann,
sem hér fer á eftir:
„Furðuleg þykja mér viðbrögð
verkalýðsblaðanna við mjólkur-
hækkuninni. Bæði þessi blöð
hafa margsinnis lýst því yfir,
að kröfur launþega um vísitölu
uppbót væri aðeins barátta fyrir
óbreyttu kaupi og til þess ættu
þeir helgan rétt. Þá hélt ég, að
bændur ættu líka „helgan rétt“
á „óskertum launurn" fyrir sína
vinnu. En það er nú eitthvað
annað, en verkalýðsblöðin fall-
ist á það, — hvað þá að þau
beiti sér fyrir því. Þau segja
þvert á móti, að það sé árás á
lífskjör alþýðunnar í landinu, að
laun mannanna eru ekki enn
skert í hlutfalli við launatekjur
annarra.
Hvernig á nú að skilja þetta?
Varla geta blaðamennirnir ver
ið svo nautheimskir, að þeir
skilji það ekki, að almenn verð
hækkun nær til bænda eins og
annarra. Stígvél bóndans og ann
ar fatnaður, kornvörur, kaffi og
sykur hækkar allt í verði hjá
honum eins og öðrum. Reksturs
vörur hækka líka eins og engu
síður. Ætti þá bóndinn einn
manna að taka á sjálfan sig
þessa hækkun og búa þannig við
kjararýrnun þegar aðrir fá fleiri
krónur, svo að þeir haldi „ó-
breyttum launum“?
Jafnvel þó að blaðamenn
væru nú svo heimskir, að þeim
finndist þetta eðlilegt, þá eiga
þeir menn yfir sér. Það þarf
enginn að segja mér, að Einar
Olgeirsson, Ásmundur á Reyðar-
á, Ásgeir Ásgeirsson og Stefán
Jóhann séu þau erkinaut að
skilja þetta ekki. En hvað veld-
ur þá?
Mér er að detta í hug að þess-
ir flokkar séu orðnir langþreytt
ir á fylgisleysi sínu í sveitum
og ætli nú að vinna nýja sigra
i Reykjavik og öðrum kaupstöð
um þá með því að hefja kross-
ferð gegn bændum. Nú myndi
eiga að telja launþegum trú um
það, að bændurnir séu einhverj
ir arðræningjaf og forréttinda-
stétt, en ekki alþýðustétt, sem
á að eiga samstarf og hafa sam
ráð við aðrar alþýðustéttir um
að ákveða kjör sín. Bændur,
verkamenn og sjómenn eiga í
félagi að ákveða kjör sín í fullu
samstarfi.
Þá, og þá fyrst, verður hér
farsæl alþýðustjórn og alþýðu-
lýðveldi, ef svo mætti segja. En
þessir eitruðu labbakútar, sem
bera róg milli bænda og verka-
manna, eru sannarlega sárgræti
legar eiturplöntur.
Ekki trúi ég því, að þessir
flokkar verði svo djarfir að
bjóða fram við aukakosningarn
ar í Mýrasýslu? Mýrasýsla er
hreint landbúnaðarhérað. Þó að
Borgarnes sé að vísu myndarlegt
þorp, lifir það á verzlun, sam-
göngum, iðnaði og annarri þjón
ustu fyrir landbúnaðinn. Þess
vegna hafa Borgnesingar góða
aðstöðu til að skilja bændur og
menn finna meiri þörf á öðru
en borgarastyrjöld við þá.
Ég held það sé ómögulegt, að
flokkur Þjóðviljans og Alþýðu-
blaðsins fái meðmælendur í
Mýrasýslu í sumar, slíkan ó-
þokka sem blöðin hafa sýnt mál
um bændanna. Og það er strax
nokkur ávinningur, fyrst hugar
farið er svona, að þeir hagi sér
þá svo hispurslaust, að þeir þori
ekki að sýna sig í sveitum".
Fáu hefi ég hér við að bæta.
Ég held nú samt að Alþbl. hafi
skýrt frá því, að Aðalsteinn Hall
dórsson ætti að vera frambjóð
andi Alþfl. í Mýrasýslu. Hitt
má vel vera eins og bóndi spá-
ir, að sú ferð sé honum forsend-
ing, og hann fái enga meðmæl-
endur. Vel get ég fallizt á það,
að engin ástæða sé til þess, að
sveitahérað leggi sendimönnum
Þjv. og Alþbl. til meðmælendur.
Það væri þá ef þeir fengju víxil
hjá íhaldinu með uppáskrift
sinna húsbænda, í von um að
eitthvað reittist þá af Andrési
Pétri til léttis. — En við sjáum
til.
Starkaður gamli.
Aðalfundur
Útvegsbanka íslands
verður haldinn í húsi bankans í Reykjavík föstudag-
inn 15. júní, kl. 2 e. h.
DAGSKRÁ:
1. Skýrsla fulltrúaráðsins um starfsemi Útvegsbankans
siðastliðið starfsár.
2. Framlögð endurskoðuð reikningsuppgerð fyrir árið
1950. | .
3. Tillaga um kvittun til framkvæmdastjórnar fyrir
reikningsskil.
4. Kosning tveggja endurskoðunarmanna.
5. Önnur mál.
Aðgöngumiðar að fundinum verða afhentir í skrif-
stofu bankans frá 11. júní n. k. og verða að vera sóttir
í síðasta lagi daginn fyrir fundinn. Aðgöngumiðar verða
ekki afhentir nema hlutabréfin séu sýnd. Útibú bank-
ans hafa umboð til að athuga hlutabréf, sem óskað er
atkvæðisréttar fyrir, og gefa skilríki um það til skrif-
stofu bankans.
Reykjavík, 1. maí 1951
F. h .fulltrúaráðsins
Stefán Jóh. Stefánsson
Lárus Fjeldsted