Alþýðublaðið Sunnudagsblað - 20.08.1939, Page 6

6
ALÞÝÐUBLA
HEIMILIÐ, KONURNAR OG BÖRNIN
Fiskur.
Þegar þér kaupið fisk, skuluð
þér gæta þess, að hann sé góður.
Nýr fiskur er fastur í sér með gljá-
andi roð, tálknin rauð og góð lykt
af honum.
Um leið og þér komið heim með
fiskinn, skuluð þér slægja hann,
en skola hann svo seinna. Áður
hélt fólk, að bragð og næringarefni
hyrfu úr fiskinum þegar hann
væri lagður í bleyti í kalt vatn, en
það hefir komið í ljós, að þetta er
ekki rétt. Þegar fiskur er lagður í
kalt vatn, verður hann aðeins fast-
ari í sér.
Steiktur fiskur með persille er
búinn til þannig: Þegar búið er að
hreinsa hann, eru beinin tekin úr,
vel hreinsað persille látið á milli
flakanna, síðan er hann skorinn í
smábita eins og venjulega og segl-
garni vafið um hvern bita, þeim
er síðan núið upp úr eggjarauðu
og muldum tvíbökum og steiktir í
smjöri.
Gufusoðinn fiskur er einnig á-
gætur matur. Fiskurinn hreinsað-
ur, skorinn í stykki, lagður á
smurðan gatabotn, sem látinn er í
pott með sjóðandi vatni. Soðinn
þangað til hann er meyr.
Fyrirtaks skápur í sumarbú-
staðinn.
Þessi skápur er mjög þægilegur
í sumarbústað eða þar, sem ekki
er rúmgott. Það má ekki aðeins
geyma í honum allan borðbúnað,
heldur er hurðin þannig útbúin, að
það má slá henni upp og nota hana
sem borð.
— Er læknirinn, sem þú ætlar að
giftast, ríkur?
— Auðvitað! Hélstu að ég gifti
mig vegna heilsunnar?
Góður réttur í sumar-
hitanum.
Látið hálfan, kaldan kjúkling á
stórt salatblað ásamt eggi og tóm-
at. Berið svo með egg, tómata,
grænar baunir og asparges í ma-
yonnaise.
Nýtízku höfuðbúnaðir.
Hér eru tveir höfuðbúnaðir, sem
eru mjög þægilegir á ferðalögum
og í sumarfríum. Að ofan er húfa
búin til úr grófu netagarni, þér
getið hvort sem þér viljið heklað
hana eða fílerað sjálfar, síðan drag-
ið þér silkiband í jaðarinn og bind-
ið í lykkjur upp á höfðinu.
Að neðan sést flétta, sem þér
getið líka mjög vel búið til sjálfar
með litlum kostnaði, til þess þurfið
þér aðeins þrjú bönd. sem þér get-
ið faldað úr afgöngum eða
keypt tilbúin, hafið þau sitt með
hvorum lit, t. d. rautt, blátt og
hvítt eða eins og á bezt við kjólinn.
Þegar þér eruð búnar að flétta
þetta vandlega saman, skuluð þér
leggja fóður undir og sauma það
svo saman á endunum, svo að þeir
verði eins og gjörð. Þetta er svo
haft yfir hárinu allt í kring, en
ekki undir því að aftan eins og
venjuleg hárbönd.
Bláberjasýróp.
Saft af bláberjum er soðin við
góðan hita, þar til sýrópið fæst.
Gott er að láta skafinn börk af
sítrónu í sýrópið rétt áður en það
er tekið af eldinum. Eins má láta
lítið eitt af sítrónusýru eða blanda
í saftina sítrónusafa.
Sykursýróp.
Sýróp má búa til úr sykurlausn.
Er þá bætt í sykurinn ávaxtakrafti
(essens) og ávaxtalitir notaðir eftir
þörfum, eins sýrur. Eplasýra, sí-
trónusýra, vínsýra. Börkur af sí-
trónum er ágætur, eins saftin.
Þetta ætti að vera nægilegt yf-
irlit yfir sýróp. Svo getur hver og
einn breytt því eftir geðþótta og
notað þær saftir, sem bezt henta.
Sykurlausn.
2V2 kg. strausykur — 3 1. sjóð-
andi vatn.
Sykur og vatn er soðið saman
yfir góðum eldi (við hæga suðu er
hætt við að sýrópið verði guit).
ílátið þarf að vera svo stórt, að
ekki sé hætt við að sykurinn sjóði
upp fyrir. Sykur, sem sezt á hlið-
arnar á ílátinu, er strokinn jafnóð-
um niður með bursta, sem vættur
er í köldu vatni. Þetta er nauð-
synlegt, því þessi sykur getur or-
sakað kristallsmyndun (kreper-
ingu), ef hann er látinn eiga sig.
Þegar sýður upp í pottinum, er
hann tekinn af eldinum og óhrein-
indin veidd ofan af sykrinum með
skeið. Ef suðan er mjög mikil, má
minnka hana með því að hella of-
urlitlu köldu vatni í pottinn. Þetta
þarf þó að gera varlega. því syk-
urinn ólgar töluvert við vatnið.
Þegar búið er að endurtaka þetta
nokkrum sinnum og veiða óhrein-
indin burt um leið, verður sykur-
inn næstum hreinn, og er til-
búinn til notkunar.
« r *
i Yms góö ráö tyrir |
4 ’
húsfreyiunat |
Ef þér eigið gamalt langsjal, get-
ið þér búið yður til fyrirtaks nátt-
treyju aðeins með því að sauma
það saman á endunum svo það
myndi ermar.
Jakkar og yfirhafnir á börnum
slitna mjög fljótt á olnbogunum.
Þér skuluð því um leið og þér
saumið flíkina sauma bætur á oln-
bogana á úthverfunni, þeir endast
þá helmingi lengur.
Þegar svartir frakkar og kápur
eru orðin grá og snjáð kringum
hnappagötin, skuluð þér fá yður
svarta litarplötu, leysa hana upp í
vatni og nudda vel hina slitnu
staði.
Silfur, kopar og messing verður
fagurgljáandi ef þér nuddið það
með hreinni rýju með hveiti í, þeg-
ar þér hafið fægt það. Reynið svo
næst að hafa aðeins hveitið og sjá-
ið hve fagurt það verður, án þess
þér séuð alltaf að nudda það. Plett-
hluti er einnig mjög gott að hreinsa
á þennan hátt, því hin þunna silf-
urhúð fer fljótt af sé gert mikið að
því að nudda þá.
Bezt er að þvo ullarteppi þann-
ig: Látið 2 matskeiðar af salmíaki
í hverja fötu af vatni, látið teppin
liggja í bleyti yfir nóttina, gutlið
þeim vel til í vatninu, en nuddið
ekki, skolið þau úr mörgum vötn-
um, látið allt vatnið renna vel af
áður en þér hengið þau til þerris.
Vindið ekki. Ullarteppin verða
mjúk og falleg og haldast eins og
ný í mörg ár.
Fallegir olnbogar.
Svo að þér ekki fáið Ijóta húð
á olnbogana af borðinu þegar þér
sitjið við lestur, skuluð þér stinga
þeim í sítrónubörk, það gerir húð-
ina mjúka og fína.