Vísir - 11.06.1928, Blaðsíða 3
V F S ! R
Trúlofun
sína opinberuðu í gær, ungfrú
Guðný Árnadóttir, Nýlendugötu 15
og Ólafur Hannesson, vélsmiður,
sama stað.
Síra Stefán Björnsson
á Hólmum og frú hans og son-
ur voru meðal farþega á Esju, sem
hingað kom í gærniorgnu.
Bifreið í Mýrdal.
Um næstsíðustu helgi fór Óskar
Sæmundsson frá Garðsvika á bif-
reið austur til Mýrdals. Hefir hann
í hyggju, að nota bifreiðina til
flutninga um Mýrdalssand og bygð-
ina í Mýrdal, eftir því seni verða
má. Fjórir hestar drógu bifreiðina
yfir Þverá undan Miðkoti í Fljóts-
hlíð. Tókst ])að greiðlega.
Ræðismaður Frakka
bauð Galaisförunum og stjórn I.
R. til veglegrar veislu síðastliðið
laugardagskveld.
í. R.
Calais-kvenflokkurinn sýnir fim-
leika á íþróttavellinum annað kveld
kl. 9. Þar verður áreiðanlega mann-
kv'æmt.
Olíuskip
kom í fyrrinótt kl. 2, nteð 1600
smálestir af olíu í geymum til Olíu-
verslunar íslands. Olíunni var dælt
i nýju geymana hér við höfnina,
og var því lokið kl. 2 í gær, en
skipið fór í morgun.
Lyra
er væntanleg hingað í kveld um
kl. 10.
70 ára reynsla
og vísindalegar rannsóknir
tryggja gæði kaffibætisins
enda er hann heimsfrægur
og hefir 9 s i n n u m hlot-
ið gull- og silfurmedaliur
vegna framúrskarandi gæða
sinna.
Hér á landi hefir reynslan
sannað að VERO er miklu
betri og drýgri en npkkur
annar kaffibætir.
Notið að eins V E R O.
pað marg borgar sig.
í heildsölu hjá
HALLDÓRI EIRÍKSSYNI
Hafnarstæti 22. Reykjavík.
„Box“-skeyti.
Fréttastofan hefir fengið neðan-
skráð skeyti, sem Ólafur Guð-
mundsson á Felli í Árneshrepp í
Strandasýslu fann sjórekið þar 24.
maí:
„13. maí 1928. Erum staddir 15
mílur N-V. af Kögri. Allir friskir.
27 menn um borð. Finnandi geri
svo vel að gera fréttastofu Reykja-
vikur viðvart, hvar boxið rekur.
E.s. Draupnir."
Síra Ragnar E. Kvaran
prestur Sambandssafnaðar i
Winnipeg, hefir sagt söfnuðinum
upp þjónustu sinni, að því er segir
í Lögbergi, frá næstkomandi októ-
bermánuði að telja. — (F.B.).,
Fyrsti lúterski söfnuður
i Winnipeg á hálfrar aldar af-
mæli á þessu ári, og stendur til að
minnast þess með hátíðahaldi. Hef-
ir nefnd verið kosin til þess að
gangast fyrir því, og er prestur
safnaðarins, Dr. B. B. Jónsson, for-
maður hennar. — (FrB.).
Skoskir knattspyrnumenn.
Nýlega hefir verið ákveðið, að
fá hingað erlendan knattspyrnu-
flokk í sumar, til þess að keppa við
félögin hér. Fr það úrvalslið úr
knattspyrnufélögum 4 háskóla i
Skotlandi. Verða þeir gestir knatt-
spyrnufélaganna meðan þeir dvelj-
ast hér, og eiga að keppa í 6 kapp-
leikum. Fá félögin alt, sem inn
kemur, til að standast kostnaSinn.
Skotarnir koma með Gullfossi 9.
júlí og dveljast hér í 10 daga, og
fara aítur með sama skipi 20. júlí.
— í. S. í. og knattspyrnuráðið eru
nú að ganga frá fullnaðarsamning-
um og á morgun verður skipuð sér-
stök móttökunefnd. — Knatt-
spyrnufélögip hér munu hafa full-
an hug á að standa sig betur en
þegar Skotarnir voru hér síðast,
1922. Knattspyrnu-íþróttinni hefir
áreiðanlega farið hér mikið fram
síðan, og ef félögin æfa sig vel,
má búast við góðum árangri.
Sambandsþing S. í. S.
verður háð hér þessa viku og
komu margir fulltrúar á Esju í
gær. í morgun komu þeir alþingis-
mennirnir Ingólfur Bjarnarson og
Einar Árnason á Eyrarlandi frá
Borgarnesi. Höfðu ])eir farið ríð-
andi að Svínavatni í Svínadal, en
ekið þaðan í bifreið til Blönduóss
og þaðan suður í heiðarsporð á
Holtavörðuheiði. Gengu þaðan að
Hvammi í Norðurárdal og þaðan í
bifreið til Borgarness. Höfðu þá
farið um 200 km. í bifreið. Líður
nú óðum að því, að fara megi í
biíreið úr Borgarnesi og alt norð-
ur í Bólstaðarhlíð, vestan Vatns-
skarðs.
Að Álafossi
var gestkvæmt i gær, á móti því,
er Sigurjón Pétursson stofnaði þar
til. Var giskað á, að þar mundi
saman komið hátt á annað þúsund
manns. — Mótið hófst, eins og
auglýst var, með ræðuhöldum,
hljóðfæraslætti og söng. Síðan voru
sýndar leikfimisæfingar og sund-
íþróttir. Syntu ])ar bæði konur og
karlar, þar á meðal 5 ára gömul
stúlka, Jóhanna, dóttir Erlings
Pálssonar. Að lokum var leikinn
sundknattleikur og keptu þar sund-
félagið „Ægir“ og glímufélagið
„Ármann“. Bar „Ármann“ sigur úr
býtum, með 2:1, en „Ægir“ var
einum manni liðfærri. Er leikur
þessi mjög skemtilegur. Að verð-
launum hlaut „Ármann“ fagurlega
útskorinn bikar, eftir Ríkarð Jóns-
son, gefinn af Pétri Sigurjónssyni.
Litla sundstúlkan hlaut silfurskeið
fyrir sín afrek. — Mótið var hið
ánægjulegasta, enda stofnað til
þess af mikilli rausn, sem vænta
mátti af Sigurjóni Péturssyni.
Enginn síldarafli
á Siglufirði í fyrri nótt og varla
vart nóttina þar á undan.
Snjóað hafði
niður í sjó í Eyjafiði í fyrri nótt.
Þá var svo mikið frost á Holtá-
vörðuheiði, að klaka lagöi á steina
i lækjum.
Skím og vígsla
kappróðrabátanna fer fram í
kvöld kl. 8V2, úti við sundskála. Þar
verður einnig sundsýning, er þeir
stjórna Jón og Ólafur, sundkenn-
arar. Bátar ganga frá steinbryggj-
unni. Öll börn fá ókeypis aðgang,
en fullorðnum verða seld merki á
fimtíu aura, og skoðast það í raun
og veru ekki sem aögöngueyrir,
heldur sem skírnargjöf til bátanna.
Ennþá vantar þó nokkuð til þess
að borga þá, og það sem þeim til-
heyrir, fyrir utan það, að sund-
skálinn er alt af í fjárþröng. Bát-
ánir eru nýr liður í íþróttasögu
þessa bæjar, og ekki sá ómerkasti,
því varla er það vansalaust, fyrir
þjóð, er á sjómannastétt sem taliu
er sú ágætasta í heimi, að geta sér
ekki einnig frægð fyrir róður. —
Þeir, sem ætla að íá bátana lánaða
til róðraræfinga í sumar, ættu að
gefa sig fram í kveld.
II. M. F. Velvakandi
heldur fund í kveld kl. 9 í Iðnó,
ttl að ráSa til lykta þýSingarmiklu
stórmáli fyrir félagið.
Barnaheimili í sveit.
Tvær konur hér í bæ hafa í
hyggju að stofa barnaheimili í sveit
í sumar, ef nægileg þátttaka fæst.
Þær hafa fengið loforð íyrir hús-
inu Haga skamt frá Ölfusárbrú og
geta þar haft 30—40 börn. Ætlast
er til að heimilið taki til starfa 1.
júlí og verður tekið á móti börn-
um, sem eru 6—12 ára gömul. —
Börnunum verður kent ýmislegt og
séð um, að þau hafi það gagn og
])á gleði áf sumardvölinni, sem
framast má verða. — Allar nánari
uppl.. um þetta efni geta menn
fengið hjá Metúsalem Stefánssyni,
búnaðarmálastjóra, sem hittist á
skrifstofu Búnaðarfélagsins alla
virka daga kl. 10—7 eða í Berg-
staðastræti 17. — Æskilegt væri, að
foreldrar gæfi sig sem allra fyrst
fram.
HjartHS smjörlíkíð
er vlnsælast.
Bökarfregn.
Johannes Jörgensen: Den hel-
lige Katerina af Siena. Gyl-
dendalske Boghandel 1928.
Góð bók, sem er lesin með at-
hygli og ihugun, göfgar sálu sér-
hvers manns, og glæðir hjá hon-
um ást á öllu hinu góða.
Fátt hefir jafn mikil áhrif á
imyndunarafl mannsandans eins
og bókalesturinn; hann þenur út
sjóndeildarhringinn og gefur
mönnum kost á, að kanna hyldýpi
bugsananna, eða lyfta sér með hin-
um arnfleyga anda höfundarins
upp i v'rðblámans ómælisveldi, þar
sem alt er hjúpað töfraljóma hill-
inganna. Iin til þess að geta haft
þannig löguð áhrif, þarf bókin að
vera í hverri einustu linu þrungin
af stilsnild og frásagnarlist. Þess
vegna ættu ritsnillingar að hafa
það hugfast, þegar þeir rita, að í
raun og veru eru þeir að skrifa
bindandi lögmál fyrir lesendurna,
og að þar af leiðandi er það skylda
þeirra, að skrifa að eins eitthvað
gott og göfgandi og sem að gagni
má verða.
Eina slíka bók hefir hinn frægi
danski rithöfundur, Johannes Jör-
gensen, nýlega lokið við. Eg á v.ið
æfisögu hinnar heilugu Katrínar
frá Siena, sem er einhver hin ein-
kennilegasta kvenvera sem sögur
fara af. Heilög Katrín er fædd
um miðja 14. öld, af góðum og
guðhræddum foreldrum; hún var
23. barn foreldra sinna, en þar sem
ómegðin var svo mikil, naut hún
engrar mentunar, og var snennna
látin vinna eftir því ,sem kraftar
hennar leyfðu. Þrátt fyrir strit og
erfiði daglega lífsins, var hugur
hennar og hjarta ávalt gagntekið
af þrá eftir sínu himneska föður-
landi, og þegar hún var orðin
nægilega þroskuð, gekk hún í
reglu hins heilaga Dominikusar,
til þess að geta algerlega helgað
sig guðsdýrkun, með bænum, föst-
um og góðverkum.
Bráðlega fór hún að vekja á sér
athygli fyrir heilagleik sinn, og
menn skiftust í 2 flokka um hana,
í öðrum voru aðdáendur hennar,
en í hinum mótstöðumenn, sem
sögðu „að hinar merkilegu vitran-
ir hennar, væru ekkert annað en
ímyndun eða máske fyrir fulltingi
illra anda, sem hún væri í sam-
bandi við“. „Hinar löngu og
ströngu föstur, sem hún leggur á
sig“ sögðu þeir, „eru ekkert annað
en blekking; hún neytir áreiðan-
lega matar, þegar enginn sér til“.
Kraftaverkum gat hún einnig af-
rekað fyrir mátt bænarinnar. Ein-
kennilegt var það, þegar hinir
skæðustu óvinir hennar, sem oft-
ast voru lærðir menn, komu til
h.ennar og ætluðu að flækja haiia í
neti vandasamra spurninga, þá
urðu leikslokin þau, að hún varð
sigurvegarinn, og ]>eir sem höfðu
ákært hana harðast, urðu nú hinir
ákveðnustu fylgismenn hennar.
Á þessum tímum var hin méista
óöld innan kirkjunnar. Allmargir
klerkar og kennimenn höfðu látið
jarðneskar unaðssemdir leiða sig í
villu og vanhelgað köllun sína.
margir fundu þetta vel, en enginn
var nægilega þrekmikill, að sýn.a
þá rögg af sér, sem við þurfti, til
aö koma þessu í lag. Páfinn var í
Avignonar-útlegðinni og hafði
mjög erfiða aðstöðu; í öllum átt-
um voru furstar, konungar og
keisarar, sem vildu koma viniun
sínum og ættingjum í hin æðstu
kirkjulegu embætti, og einmitt af
þessari orsök stafaði öll sú ógæfa,
sem dundi yfir kirkjuna á þessum
timum. En þegar neyðin var stærst
var hjálpin næst, þá kom Katrín
til sögunnar. — Höfundinum tekst
mætavel að lýsa því, hvernig hinni
fátæku Nunnu tekst snildarlega að
leysa hið vandasama hlutverk af
bendi, að tala svo um fyrir kirkju-
furstunum, að þeir sneru hryggir
í huga heim til föðurhússíns
Rómaborgar, sem sannarlega var
þurfandi fyrir komu þeirra, því að
ekki einungis andlegum málefnum.
heldur einnig tímanlegfum hags-
munu.ni hafði hnignað tilfinnan-
lega þar, þau 50 ár, sem páfinn var
í Avignon.
Bókin er ljómandi skær stjarna
á himni danskra bókmenta, sálar-
lífslýsingar eru hrífandi, hugsunin
skýr, frásögnin nákvæm, auðskilíð
og smekklegt mál.
Bsk þessi verðskuldar að vera
lesin rækilega. Sá lestur mun án
efa hafa gott eitt í för með sér.
Steinn K. Steindórsson.