Vísir - 16.04.1940, Blaðsíða 1

Vísir - 16.04.1940, Blaðsíða 1
Rítstjóri: Kristján GuðEaugsson Skrifstofur: Félagsprentsmiðjan (3. hæð). Ritstjóri Biaðamenn Augiýsingar GJaidkeri Afgreiðsia Simi: 1660 5 iínur 30. ar. Reykjavík, þriðjudaginn 16. apríl 1940. 87. tbl. Norðmenn yfirge ngsvuiger, Þýskt herlið á norsk- s æ n s k u landamærunum. Einkaskeyti frá United Press. London á hádegi. Fregnir frá Stokkhólmi herma, að samkvæmt tilkynningum frá opinberum frétta- stofum hafi Norðmenn hörfað frá Kongsvinger í gærkveldi. Það var yfirmað- ur norska herliðsins, Sander, sem tók ávörðun um að yfirgefa borgina, eftir að hörð orusta hafði staðið. Samgöngur á járnbrautinni um Noreg til Svíþjóðar hafa jtruflast. I öðrum fregnum segir að orusta standi yfir milli Trondheim og Hagra. Þjóðverj- ar eru i útjaðri bæjarins Hagra milli Trondheim og Storlien. Komu þeir þangað í járii- brautarlest frá Trondheim. Norðmenn hafa tekið sér stöðu Í0 kílómetrum austan við bæinn Hell. Þjóðver jum hefir ekki enn tekist að brjóta viðnám Norðmanna á bak aftur. Mann- tjón í liði Norðmanna er furðulega lítið. Ekkert er kunnugt um manntjón Þjóðverja. Frá sjónarmiði verja. I "*" Blaðið Daily Herald segir í dag, að breskt og horskt herlið hafi byrjað samvinnu í Narvik. f öðrum fregnum segir, að Bretar hafi sett lið á land fyrir sunnan Narvik, til þess að koma í veg fyrir að Þjóðverjar geti komið sér fyrir þar. Eftir þessu að dæma hefir eitthvað af liði Þjóðverja í Narvik komist undan. Þá hafa verið birtar fregnir um það, að f jölda mörg skip haf i verið tekin til flutninga til Noregs, og á leið- rfa inni þangað sé stöðugur straumur skipa með birgðir, hergögn og herlið, til þess að efla lið Breta í Noregi. í fyrri fregnum segir svo: _ Herlið Þjóðverja er nú talið vera að eins 16 kílómetra frá Kongsvinger og virðast þeir leggja mikla áherslu á, að sækja fram til sænsku landamæranna. Á einum stað er sagt, að Þjóð- verjar hafi verið svo nálægt landamærunum, að þeir skutu yfir þau. Komu þá Svíar og settu upp flögg, til þess að gefa Þjóð- verjum augljós merki um, að þarna væri sænskt land, og drógu Þjóðverjar sig þá í hlé. Heiftarlegir bardagar hjá Skarnes. Fregnir frá Stokkhólmi herma, að miklir bardagar standi yfir hjá Skarnes, um 15 km. fyrir vestan Kongsvinger. Hafa Þjóðverjar notað þá að- ferð að sækja fram í smáflokk- um, sem fara mjög hratt yfir, á bifhjólum eða í bifreiðum, og eru þeir búnir vélbyssum og hraðskotabyssum, handsprengj- um o. s. frv. Norsku hersveitirnar hafa safnast saman milli Nysen og Kongsvinger. Þjóðverjar sækja fram samkvæmt skipulegri, ná- kvæmlega undirbúinni á- ætlun, og virðist markmið- ið að ná öllu héraðinu Aust- fold á sitt vald, og slíta þannig sambandinu við Sví- þjóð í þessum hluta lands- ins. Nálægt Björkebak, þar sem Þjóðverjar sóttu fram, gerðu Norðmenn tilraun til þess að stöðva þá, með ákafri skothríð, en tókst ekki. Tilraun þeirra til l>ess að sprengja upp brú eina áður en Þjóðverjar kæmi, mis- hepnuðust af þvi að Þjóðverjar fóru hraðar yfir en Norðmenn ætluðu. Þjóðverjar hafa tekið eina landamærastöð og tollstöð og hinum sænsku landamæra- og tollvörðum var sagt, að hin norska stöð væri nú þýsk. Nýr boðskapur frá Hákoni konungi. Hákon konungur hefir í nýj- um boðskap til þjóðarinnar hvatt hana til þess að vinna ein- huga fyrir sjálfstæði landsins og frelsi þjóðarinnar. Hann kveðst ekki vita hvar hann verði á morgun eða ríkisstjórnin, og endurtekur ásakanir sínar í garð Þjóðverja. Stöðugum loft- árásum hefir verið haldið uppi á þá staði, þar sem grunur hef- ir verið um að konungurinn væri, og skotið af vélbyssum á fólkið, auk þess sem varpað er sprengikúlum og íkveikju- sprengjum á þorpin. Quisling farinn frá. Þjóðverjar hafa nú losað sig við Quisling majór, sem mynd- aði leppstjórn i Oslo, eftir að Þjóðverjar tóku borgina. Mun mestu valda, að hann hefir lítið sem ekkert fylgi, og bera menn lítt traust til hans. Hefir nú ver- ið myndUð stjórnarnefnd, sem, stjórnar á þvi svæði, sem Þjóð- j verjar hafa tekið. I. Ghristen- sen fylkisstjóri i Akershus er formaður riefndarinnar. Narvik aftur í höndum Norðmanna. Það var tilkynt i Noregi í gær, að Narvik hefði verið tek- in á ný. Er hún nú í höndum Breta og. Norðmanna. Voru Þjóðverjar hraktir úr borginni og í fang norsku hersveitanna, sem tekið höfðu sér stöðu í f jöll- unum í nánd við borgina. Nokkrir Þjóðverjar komust til sænsku landamæranna og voru kyrrsettir. Mikil og skjót hjálp. I tilkynningu norsku stjórn- arinnar i gær segir, að hjálp sú, sem, Bandamenn hafi lofað Noregi sé þegar farin að berast og sé hin myndarlegasta. Við- tækar ráðstafanir hafa verið gerðar til sem nánastrar sam- vinnu við Bandamenn. Norskir hafnsögumenn hafa nú tekið við störfum til leiðbeiningar á norsku herskipunum og norsk- ir yfirforingjar hafa byrjað viðræður í London við bresku herstjórnina. Það er ekki búist við, að kunngert verði fyrr en eftir 1 -—2 daga, hvar Bretar hafi sett lið á land i Noregi og sennilega verður því haldið leyndu af hernaðarlegum ástæðum hversu mikið þetta lið er. í þýskum fregnum er lögð á- hersla á það, að Oslo, Bergen, Stavanger og Trondheim séu í höndum Þjóðverja, en allar þessar borgir séu hernaðarlega mikilvægar, og er einkanlega lögð áhersla á það, að nú sé styttra til árása á Bretland fyrir Þjóðverja, þar sem þeir hafi flugstöðvar í Vestur-Noregi, og standi miklu betur að vígi til loftárása á alla strandlengjuna frá Thames-ósum til Orkneyja. Bretar tala mikið um, mistök Hitlers, segir í hinum þýsku fregnum, en það hefir áunnist, að Þjóðverjar hafa tekið þessa mikilvægu staði, og munu Bret- ar vel gera sér Ijóst hversu mik- il hætta þeim nú er búin, þótt þeir drepi ekki á þessi atriði. Eins er gert lítið úr því í þýsk- um tilkynningum, að það sé hernaðarlega mikilvægt, að Bretar hafi sett her á land í Noregi, því að það hafi verið i Norður-Noregi, en þeir geti ekki notað þetta herlið gegn Þjóð- verjum í Vestur-, Suður- og Austur-Noregi, þar sem Þjóð- verjar haldi öllu, sem þeir hafi tekið, og séu sem óðast að friða landið. 1 Suður-Noregi, segir í þýsk- um fregnum, hafa 158 norskir yfir- og undirforingjar og 10.000 hermenn lagt niður vopn, eftir stutta viðureign við Þjóðverja. Þjóðverjar hafa tek- ið 36 fallbyssur af Norðmönn- um. Þá segir í þýskum fregnum, að skotnar hafi verið niður nokkrar flugvélar fyrir Bretum. Vaxandi hætta við þátt- töku fleiri þjóða í stríðinu Vaxandi ókyrð í Ðónár- og Balkanrikjum. EINKASKEYTI frá United Press. London í morgun. Óttinn við að styrjöldin breiðist út til fleiri landa magnast stöðugt, og gætir vaxandi ókyrðar í Dónár- og Balkanlöndum. I fyrsta lagi veldur það áhyggjum, að Italir auka herflutninga sína til Albaníu, en auk þess eru Þjóðverjar farnir að bera fram kröfur sem grunsamlegar þykja, þ. e. þeir vilja hafa einir lög- regluvald á Dóná, en Dónárrikjaþjóðirnar vilja haldá þeirri venju, sem fylgt hefir verið, að hver þjóðin um sig bafi lögreglu- eftirlit alt á sínu svæði. Nasistar í Júgóslavíu hafa sig mjög í frammi að undanförnu. Fyrir skömmu bárust fregnir um, að nasistar hefði farið um göturnar í Belgrad í bílum og varpað út flugmiðum, með sví- virðingum um Breta. Nú er svo komið, að ríkisstjórn Júgóslaviu hefir neyðst til þess að grípa til nýrra ráðstafana til þess að klekkja á nasistum, sem hafa sig stöðugt meira i frammi. Hafa margir menn verið handteknir víða um land, aðallega í Belgrad, og hefir sannast að sumir þeirra hafa staðið i sambandi við þýsku leynilögregluna. Búmenar telja ófriðarhættuna færast stöðugt nær og hafa þeir gripið til þess ráðs að stöðva útflutning á olíu i bili, eða meðan þeir eru að safna nægum birgðum á alla hernaðarlega mildlvæga staði. Skrif ítalskra blaða um þessar mundir — og ummæli þýskra blaða um þessi skrif, — hafa sumstaðar þótt benda til, að Itahr áformuðu þátttöku í styrjöldinni, er hentugt tækifæri byðist. Þrátt fyrir ummæli þessi er af ýmsum dregið í efa, að Mússólíni hætti sér út í neinar glæfralegar fyrirætlanir, því að þótt hann gæti vafalaust komið ár sinni vel fyrir borð í bih, á hann á hættu að missa alt i Afríku, og takist Bretum og Frökkum að stöðva siglingar til ítaliu og frá Miðjarðarhafi, er þeim vóði búinn fyrr eða síðar. GÆTTU TOWWI7 MNÍVAir- lilPIÍÍ :::;::::::::>:;::: :! ;:;:::::;:::;:;:::::;::::::::::::^:::::>:: :. :;::::.:; :.: : ..: :: :. , .......::.;:::;:;. :; :::::: ^:^^:^:—^ llllipi:. ::¦¦:. . . \ ¦;..;¦., , !-:,'•'>:¦' ' .¦::., ¦¦;, ''P.Í||| "''W^y: ¦¦ V. ',::¦/,,y.A.-: -y :{.^ .; ;;•;¦;;.;:P|||||| : :. .:. ;•¦;.-- ...::•:,. .-: ;i:i:I||l:l||;||||||l|;||||||||Í||i :l*i*fl ÞEI — ÞEI! — Slík götuauglýsing sem þessi hefir verið fest um alt England. I auglýsingunni stendur: Þetta getur orðið afleiðing þess að segja nokkur orð í hugsunarleysi. I síðustu styrjöld biðu margir bana af þessari ástæðu. Gættu tungu þinn- ar, Talaðu ekki um skipaferðir og hermannaflutninga. Grænland hernamið innan skamms! Tekur Canada það undir vernd sína? Einkaskeyti frá Unitded Press. London í morgun. Frá Washington berast þær fréttir, að stöðugur orðrómur gangi um það, að Canada muni mjög bráðlega hernema Græn- land, en engin staðfesting hefir þó fengist opinberlega á orð- rómi þessum. United Press hefir leitað um- sagnar breska sendiráðsins i Washington um þetta mál, og hefir fengið þar þau svör, að þetta sé ekki ósennilegt, en hins- vegar hafi sendiráðinu ekkert verið um það tilkynt. Þessi orðrómur um væntan- legt hernám Grænlands hefir stöðugt aukist frá' þvi í síðustu viku, er Boosevelt forseti ræddi sérstaklega um málefni Græn- lands í viðtali við blaðamenn, og lét þá i ljós þá skoðun sina, að hann teldi, að Grænland til- heyrði frekar Ameriku en Ev- rópu, en þessi yfirlýsing forset- ans þótti eindregið benda i þá átt, að Monroe-kenningin myndi einnig verða látin ná til Græn- lands, þannig að amerísku stór- veldin, og þá einkum Bandarík- in myndu ekki þola það, að Ev- rópuþjóðir beittu þar álirifum sínum á þann hátt að amerisk- um rikjum stafaði hætta af. Hefir mikið verið ritað um þessa ræðu forsetans í blöðum Bandaríkjanna að undanförnu, og jafnvel komið fram hávær- ar kröfur um það, að Bandarík- in tækju Grænland undir vernd sína. Stjórnarvöldin hafa þó ekk- ert lagt til þessara mála annað en það, sem að ofan greinir, en flest þykir nú benda til þess að Canada muni innan skamms gera nauðsynlegar ráðstafanir til þess að tryggja það, að Grænland verði ekki gert að þýsku áhrifasvæði. -------------- miimwi ------------- íslendingum í Dan- mörku líður vel. Bákisstjórnin sendi á föstu- daginn 2. þ. m. símskeyti um tvær leiðir til Sveins Björnsson- ar sendiherra i Kaupmannahöfn, þar sem hún óskaði þess, að sendiherra gerði ráðstafanir til þess, ef unt væri, að þeir Islend- ingar, er dveldu i Danmörku, einkum Um stundarsakir, gætu, ef þeir vildu, komist heim til ís- lands. 1 dag barst svo ríkis- stjórninni símskeyti, sem sent var af stað í gær, þess efnis, að hann hefði fengið skeyti ríkis- stjórnarinnar, og myndi reyna, eftir þvi sem unt væri, að verða við óskum ríkisstjórnarinnar í þessu efni. Um leið lét hann þess getið í niðurlagi skeytis sins, að öllum íslendingum, sem dveldu i Kaupmannahöf n, liði vel. Frú Anna Borg Beumert sendi i gær skeyti til f jölskyldu sinnar og gat þess að henni og f jöl- skyldu hennar liði vel. — Er á- stæðulaust fyrir fólk að óttast Um þá aðstandendur sína, sem í Danmörku dvelja, eins og sakir standa, enda mun alt gert sem unt er frá hendi íslenskra stjóm- arvalda til þess að greiða úr fyr- ir þessu fólki, svo sem að ofan greinir.

x

Vísir

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vísir
https://timarit.is/publication/54

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.