Morgunblaðið - 08.01.1916, Blaðsíða 2
2
MORGUNBLAÐIÐ
Kurr milli Svía og Breta
Sviar gjalda líku líkt.
Brezku yfirvöldin hafa gerzt all-
fjölþreifin nú að síðustu um pakka-
póst, sem á að fara til Svíþjóðar frá
Ameríku eða frá Svíþjóð til Ameríku.
Hafa þeir kyrsett pakkapóst úr þrem
skipum, »Hellig 01av«, »Stokkholm*
og »Oscar II.« Hafa þeir þannig
tafið mjög póstflutninginn og auk
þess gert mikið upptækt vegna þess
að togleður var i pökkunum.
Þetta hefir vakið ákaflega mikla
gremju í Svíþjóð og á Norðurlönd-
um yfileitt. »Stockholms Dagblad*
segir þegar fregnin kom um það
að pósturinn hefði verið tekinn úr
»Stockholm«, að þessi nýi yfirgang-
ur Breta verði að eins til þess að
auka þá réttmætu gremju, sem orð-
ið hafi í Svíþjóð, þegar Bretar tóku
jólapóstinn úr »Hellig 01av«.
Sænska stjórnin mótmælti þegar
kröftuglega þessum aðförum Breta
og lét hart mæta hörðu. Ákvað
hún að stöðva þegar allan pakkapóst
sem sendur er yfir Svíþjóð milli
Englands ’og Rússlands. Sænsku
blöðin voru alveg á sama máli og
stjórnin um það að þetta væri rétt,
enda þótt þau litu nokkuð misjafnt
á málið.
Hægri blöðin tóku það frara, að
Svíar hefðu fyrir löngu átt að svara
yfirgangi Breta svona rækilega. Þykir
þeim stjórnin hafa verið altof þolin-
móð. Minna þau í því efni á tafir
þær og óþægindi, sem Bretar hafi
valdið siglingum Svía, og benda á
það sem dæmi, að eitt gufuskipafé-
lag eigi þá sem stendur 5 gufuskip
kyrsett í brezkum höfnum.
Þau blöðin, sem draga taum banda-
manna, taka og í svipaðan streng
og segja að það sé ekki nema eðli-
legt að sænska stjórnin vilji ekki
þola yfirgang. Segja þau að Bretar
ættu í sína eigin þágu að gæta þess,
að eftirlit sitt gangi eigi lengra en
góðu hófi gegni, en það sé síður en
svo að þeir hafi gert það, þvi að þeir
komi fram við Svía eins og þeir
ættu þar við sína verstu óvini.
Framkoma sænsku stjórnarinnar í
þessu máli ætti að minna Breta á
það, að spilla eigi málstað sínum í
Svíþjóð með framkomu sinni.
Önnur blöð geta þess að þar sem
Svíþjóð sé nú eitt af hinum fáu ríkj-
um, sem geti gætt þess að eigi sé
traðkað grundvallaratriðum alþjóða-
laganna, þá sé það skylda stjórnarinnar
að koma svo fram sem hún hafi gert í
þessu máli. Segja þau það og von
sína að Bandarikin muni leggjast á
sveif með Svíum i þessu efni.
»Nya dagligt Allehande* segir það
mjög þýðingarmikið að öll blöðin
séu einhuga í þessu máli. Segir
það að Rússar og Bretar muni hafa
búist við því að Svíar mundu jafn-
an slaka til vegna skiftra skoðana
innbyrðis. En blaðið biður menn
gæta þess, að það sé engin ástæða
til þess að Bretar muni eigi leita
tækifæris til þess að ná sér niðri á
... ||=I[=ir■?
Tvintti
fívtfur og svaríur
af ölíum vanalegum síœréum
kom með Gullfossi til verzlunar
Árna Eiríkssonar
Austurstræti 6.
SE'EE": IL==-^1I^
Svíum fyrir þetta. Og í sambandi
við það sé það ekki rétt að láta þá
fregn sem vind um eyrun þjóta, að
Rússar séu að draga saman lið i
Finnlandi. Það sé að vísu ósenni-
legt að Rússar muni setja Svium
tvo kosti. En hernaðarpólitik Rússa
er ákveðin í samráði við hina aðra
bandamenn. Og það er margt sem
bendir til þess að Rússum og Bret-
um muni finnast það nauðsynlegt
að auka bráðlega viðskifti sín yfir
Sviþjóð miklu meira en Sviar geta
þolað; og þegar þar að kemur, þá
þurfa Sviar að vera enn þá ein-
drægnari heldur en þeir hafa verið
í þessu máli.
Yfirpóstmeistarinn í Svíþjóð hefir
gefið nokkrar upplýsingar um það
hverjar afleiðingar það muni hafa
að þeir stöðva nú allan pakkapóst
milli Bretlands og Rússlands. Hann
segir að pósturinn hafi að undan-
förnu verið svo mikill að mörg hundr-
uð þúsund pakkar hafi verið sendir
á mánuði hverjum milli landanna.
Fyrsta daginn voru þannig t. d. kyr-
settir 5500 pakkar í Gautaborg einni
og mikið var væntanlegt þangað
næstu daga.
Málið horfði að vísu dálitið öðru
visi við er það kom upp úr kafinu
að mikið var af togleðri í pakkapósti
þeim, sem kom frá Ameríku og átti
að fara til Sviþjóðar. En Svíar halda
því fast fram af tveim ástæðum, að
það breyti ekki málinu hið minsta.
Hin fyrri ástæðan er sú, að í al-
þjóðalögum er svo tilskilið að póstur
sé friðhelgur og þótt þess sé ekki
sérstaklega getið um pakkapóst, þá
hljóti það þó að gilda um hann jafnt
sem annan póst. Hin ástæðan er
sú, að firma það í Gautaborg, sem
togleðrið átti að fara til og Bretar
segja að sé kunnugt að því að selja
vcrur til óvina sinna, hafði gefið ský-
lausa yfirlýsingu um það, að tog-
leðrið skyldi ekki fara út úr landinu
aftur, ekki einu sinni til Noregs eða
Danmerkur. í Svíþjóð er nú til-
finnanlegur hörgull á togleðri. En
Þjóðverjar hafa sjálfir nóg af tog-
leðri, eða að minsta kosti staðhæfa
þeir að svo sé og búa þeir það til
sjálfir. Það er því engin minsta
ástæða til þess að ætla að togleðrið
hafi átt að fara til Þýzkalands. Auk
þess hefir seljandinn í Ameríku aldrei
gefið Bretum loforð um að selja
þeim einum, svo sem margir aðrir
hafa gert. Og á fylgibréfunum var
nákvæmlega skýrt frá þvi hvað í
pökkunum væri.
En þótt svo væri nú að Bretar
.hefðu stöðvað póstinn með »Hellig
Olav* og »Oscar 11« vegna þess að
í honum var togleður, þá réttlætti
það þó ekki hitt, að þeir tóku póst-
inn úr »Stockholm«, sem var á leið
frá Svíþjóð til Ameriku. Þvi að í
þeim pósti gat eigi verið um neitt
togleður að ræða, vegna þess að
Svíar eiga ekkerí togleður.
Þannig líta Svíar þá á málið og
verður fróðlegt að vita hverjar lyktir
á því verða. Þarf sizt að efast um
það, að Svíar muni halda sinu máli
til streitu hvað sem Bretar gera.
Annars er svo að sjá sem til stærri
tíðinda kunni að draga milli Svía og
bandamanna og er skýrt frá því í
annari grein hér í blaðinu.
ESSXS DA0BOP[1N.
Afmælí í dag:
Guðrún Lárusdóttir húsfrú.
Sigríður Jóhannesdóatir verzlk.
Yigdís Arnadóttir húsfrú.
Magnús Einarsson verzlm.
Sólarupprás kl. 10.17 f. h.
Sólarlag — 2.51 e. h.
Háflóð i dag kl. 7.40 e. h.
og kl. 8 slSd.
12. vika vetrar hefst.
Veðrið í gær.
Vm. logn, hiti 2.0.
íf. n.a. gola, frost 0.2.
Ak. n. andvari, frost 1.5.
Sf. a. st. gola, hiti 0.3.
Þh. F. n.n.a. st. gola, hiti 6.6.
Góð fisksala. Apríl seldi afla sinn1
í Fleetwood í fyrradag fyrir 2969 sterl-
ingspund 6ða um 53.000 kr. Mun
það vera hæsta verð, sem nokkur is-
lenzkur botnvörpungur hefir fengið'
fyrir afla sinn í Bretlandi.
Skautasvell er nú ágætt á Tjörn-
inni. Þar er og hlutafól. ísbjörninn
að taka ís í íshús sitt við suðurendft
Tjarnarinnar.
Þórarinn Kristjánsson verkfræð-
ingur hefir ráðið sig sem eftirlitsmann
með hafnargerðinni frá 1. ágúst þ. á.
og enn fremur sem verkfræðing fyrir
bæinn frá næsta ári. Þórarinn er nú
aðstoðarmaður hjá Kirk hafnarverk-
fræðingi, í þjónustu Monbergs.
Kosning átti fram að fara á bæjar-
stjórnarfundi í fyrrakvöld. Atti þar
að kjósa forseta og varaforseta tll
næsta árs. En þvl var frestaö þangað
til bæjarstjórnarkosningar eru um garS
gengnar.
Geir fór hóðan í fyrrakvöid seint
áleiðis til Vestmannaeyja til þess að
leita að vólbátnum, sem menn eru
hræddir um að hafi farist, ef ske kynni
að hann væri ofansjávar.
Gnllfoss var fullfermdur af vörum
hingað. Skipið liggur nú við hafnar-
bryggjuna og affermir þar.
Mentaskólinn. Tveir nemendur
hafa nýlega sagt sig úr skólanum vegna
einhvers ósamkomulags við einhvern
kennaranna.
Mai er nú á leið til Bretlands hlað-
inn fiski.
Talsímaskráin fyrir árið 1916 er
ekki komin enn þá. Hvernig stendur
á því?
Spjöld eru nýkomin út (útgef. B-
Magnússon & Co.) af fyrstu stjórn
Eimskipafólagsins. Eru þar myndir af
skipunum, landnámi Ingólfs, öndvegis-
súlunum o. fl. Yfirleitt eru spjöld
þessi fremur snotur og munu eflaust
seljast, einkum til sveita. En leitt er
það, að ekki skuli hafa tekist að hafft
nöfn allra stjórnarmeðlima rótt rituð.
Á spjöldunum stendur O. Johnsson
og E. Claesen < stað Johnson og
Claessen.
Jarðarför frú Jörgine Sveinbjörns-
son fór fram í gær að viðstöddu fjöl'
menni. Húskveðjuna flutti síra Jé-
hann Þorkelsson, sem og flutti líkræS-
una í dómkirkjunni. Inn í kirkjuna
var líkið borið af 6 skyldmennuiu
hinnar látnu, þeim Einari Indriðasy111;
Pótri og Jóni Halldórssonum, Þorgrl011
Gudmundssen, Tómasi Hallgrímss.
Vilh. Knudsen. Úr kirkjunnivar ki0t
an borin af yfirróttardómurunum
þremur og lögfræðingunum Egge^
Claessen, Sveini Björnssyni og ,
Gíslasyni. Fjöldi blómsveiga skreyttl
kistuna. Flögg voru víða dregin 1 na
stöng í tilefni af greftruninni.