Morgunblaðið - 01.08.1928, Blaðsíða 2
2
MORGUNBLAÐIÐ
)) tem & ©LSElNlI
Nvkominn:
Oruyére-ostur,
„Créme de Gruyére aux Fleurs du Jura‘
ðósum með 6 stk.
Laukur í pokum.
Tít*«$to«e
FOOTWEAR COMPANY
Gúmmívinnuskór
með
hvíium aóla.
Gúmmístígvjel
r/neð
egta hvitum sóla.
Aðalumboðsmaður á íslandi.
Ó. Benjaminsson
Pósthússtræti 7 — Reykjavík.
Birgðir í Kaupmannahöfn hjá
Bernhard Kjœr
Gothersgade 49, Möntergaarden
Köbenhavn K.
Símnefni: Holmstrom.
Skemlifðr Fáks
á suimudagtnn.
Skemtifarir þær, er Hestamanna
fjelagið Fákur hefir gengist fyrir
undanfarandi sumur, hafa verið í
minnum hafðar vegna þess hvað
þær hafa hepnast vel. Það er líka
eitthvað þjóðlegt við það, að fjöldi
fólks slær sjer saman í hóp, þar
sem allir eru á gæðingum og ríð'a
fylktu liði sveitahorna á milli.
Menn komast altaf í vissa hrifn-
ingu er þeir koma á bak góðum
Jiestum, en sú hrifning margfald-
ast eftir því sem fleiri eru saman.
Nú verður næsta skemtiför á
sunnudaginn kemur, og verður för
inni hagað þannig í stuttu máli:
Þeir, sem taka vilja þátt í för-
inni, eiga að mæta við harnaskól-
ann Tjarnarmegin, kl. 9^/2 á
sunnudagsmorguninn, en lagt verð
ur á stað kl. 10.
Verður þá fyrst haldið suður Frí
kirkjuveg, yfir Tjarnarbrúna, út
Tjarnargötu og Aðalstræti, þá upp
Austurstræti og Bankastræti, og
síðan inn Laugaveg að Markalæk,
sem er rjett fyrir vestan Elliðaár.
Er svo ráð fyrir gert, að Hafn-
íirðingar þeir, sem kynnu að vilja
vera með í samreiðinni, mæti Reyk-
víkingum þar. Frá Markalæk verð-
ur haldið yfir Elliðaár, upp gamla
reiðveginn, sem liggur fram hjá
Árhæ, Baldurshaga og Geithálsi og
loks yfir að Selfjallsskála hjá
gömlu Lækjarbotnum. Þar verður
staðar numið, og þar verður
skemtun haldin.
Haldið verður aftur heim kl. 7,
og þá farið niður hjá Silungapolli,
með Hólmshrauni, fram hjá Gvend
arbrunnum, yfir á nýja reiðveginn
fyrir sunnan Elliðavatn, og síð'an
sem leið liggur fram hjá Vatns-
enda, Breiðholti og Skeiðvellinum
við Elliðaár. Þar kveðja Hafnfirð-
ingar hópinn og ríða yfir Digra-
nesháls suður. En Reykvíkingar
fara niður Laugaveg á Lækjartorg
og heldur þaðan hver heim til sín
svo sem verið hefir áður.
Þeim, sem þekkja þessa leið,
kemur saman um, að þetta sje
hinn skemtilegasti vegur, til-
breytingaríkur og útsýni af hon-
um fagurt, umhverfis eru ásar,
hólar, grösugir hvammar, lækir, ár
og stöðuvötn, en í meiri fjarska
blá fjöll og tignarleg.
Gömlu Lækjarbotna þekkja flest
ir Reykvílcingar og er því lítið um
skemtistað'inn að segja, en sá er
kostur við slíkar ferðir, að haga-
beit sje nóg fyrir gæðingana á
meðan staðið er við. Grösugir
hvammar eru skamt frá skemti-
staðnum, og þar verða hestarnir
geymdir. Jafnframt sem þarna er
stór skáli, þá er þar og besti dans-
pallur, rólur og hin ákjósanlegasta
flöt fyrir allskonar útileika, skjól
fyrir flest öilum áttum.
Ferðamenn eru beðnir að gæta
þess vandíega áður en Iagt er á
stað, að hestar sjeu vel járnaðir
og best er að hver merki sinn hest
og reiðver svo að síður sje hætt
við vafningum og misgripum í á-
fanga.
Veitingar verða nægar í Sel-
fjallsskála og sjer hinn góðkunni
gestgjafi Guðmundur á Lögbergi
um þær. Geta, þeir sem vilja,
fengið þar heitan mat, svo að þeir
þurfa ekki að hafa nesti með sjer.
Myndasmiður verður með í för-
inni og teknar myndir af hópnum
víðs vegar. Verða þær mjmdir
falar seinna, þeim er kaupa vilja,
og verða eflaust margir til þess
að kaupa þær og láta þær síðan
rifja upp fyrir sjer skemtilegar
endurminningar.
Áskoniu
til íslenskra kvenna
Samkv. áskorun Kvenrjettinda-
fjelags íslands til allra kvenfje-
laga Reykjavíkur og Barnavina-
fjelagsins, hafa þau öll að einu
undanskildu, kosið' fulltrúa í sam-
eiginlega nefnd, til að ræða um
samvinnu þeirra á milli, í því
skyni að koma í framkvæmd hug-
myndinni um almertna ekknastyrki
eða styrki, greidda af opinberu fje
til einstæðra mæðra. Höfum vjer
undirritaðar verið kosnar fulltrúar
í nefnd þessá, auk þess njótum
vjer samvinnu konu úr fjelagi því,
er ekki gat komið því við að senda
fulltrúa, og væntum vjer að það
sendi löglegan fulltrúa með haust-
inu, þegar fundir hefjast. Hafa því
öll kvenfjelög Reylcjavíkur, sam-
einað sig um þetta mál og eru þau
skipuð konum úr öllum flokkum.
Eins og mönnum er kunnugt,
má heita að hjer á landi sjeu eng-
ir almennir' ekknastyrkir til. Slysa
tryggingarfjelögin ná að'eins til
vissra stjetta, og getur styrkur sá
sem þau veita, ekki talist annað en
hjálp í bili. Eftirlaun ekkna starfs
manna og embættismanna eru lág
og ófullnægjandi, má þar sjerstak-
lega nefna eftirlaun prestsekkna.
Hefir Alþingi sjálft viðurkent það
i verkinu, með því að veita fjölda
mörgum ekkjum aukastyrki.
Það má heita sameiginlegt mál
fyrir allar eignálausar konur hjer
af öllum stjettum, sem verða ekkj-
ur og eiga fyrir ungum börnum að
sjá, að þær verða annaðhvort að
flýja á náðir' ættingja eða að leita
til sveitarinnar. Getur hún þá flutt
þær nauðugar í ókunnug hjeruð,
á hrepp mannsins, þar sem þær
eru yfirleitt ver settar til að' hafa
ofan af fyrir sjer, en í dvalarsveit
þeirra, og er börnunum þá alla-
jafna skift niður. Má nærri geta
hvað það er fyrir móðirina að
missa í einu mann sinn, heimili
sitt og börn sín. Gera menn sjer
ekki alment ljóst, að þetta skuli
eiga sjer stað enn í dag.
Þegar stórkostleg slys ber að
höndum, eins og mannskaðana í
vetur, er oft efnt til samskota, sem
geta verið til mikillar hjálpar í
bili, en ná skamt og koma mis-
jafnt niður. Hin mikla samiið með
ekkjunum í vetur, varð til þess að
menn fóru að hugsa um kjör
ekkna yfirleitt og að nauðsyn
bæri til þess að finna einhver ráð'
til að hjálpa þeim á annan hátt,
sem væri til frambúðar og kæmi
jafnar niður.
Væntum vjer því að kröfum
vorum um almenna ekknastyrki
verði vel tekið.
Vjer lítum svo á, að ekkert starf
sem leyst er af hendi fyrir þjóð-
fjelagið, sje þýðingarmeira en
starf móðurinnar, sem annast lík-
amlega og andlega heilbrigði barn
anna og undirstöðuna undir alla
fræðslu þeirra. Teljum vjer að
enginn geti komið börnunum í
góðrar móðúr stað og að þjóðfje-
laginu beri að styrkja hana til að
halda heimilinu saman og ala upp
bern sín, sje hún hjálparþurfa og
hafi mist aðstoð föður barnanna.
Væri sá styrkur viðurkenning á
starfi henngr fyrir þjóðfjelagið og
hefði ekki í för með sjer neinn
rjettindamissi eða teldist fátækra-
styrkur.
Kostnaðinum við þetta teljum
vjer að skifta mætti milli 4 aðila:
einstaklinganna, með sjerstökum
skatti eða iðgjöldum, ríkissjóðs,
sveita- og bæjarsjóða og atvinnu-
veganna. Er það augljóst, að slíkt
fyrirkomulag1 mundi spara sveitar-
sjóðum mikið af fje því sem nú er
varið til fátækraframfæris. Mun-
um vjer síðar gera nánari grein
fyrir því, hvernig vjer hugsum
oss að kostnaði þessum yrði skift.
Treystum vjer því, að allar ís-
lenskar konur muni skilja nauðsyn
þessa' máls og muni hver einasta
þeirra vilja ljá því lið, eftir því
sem hún getur. Geta konur stuðl-
að að framgangi þess á tvennan
hátt: 1. Með því að' safna sem
bestum gögnum um hagi einstæðra
kvenna, svo hægt sje að gera sjer
nákvæma grein fyrir kostnaði og
fyrirkomulagi styrks þessa, 2. með
því að vekja áhuga almennings
fyrir málinu og skapa þar svo
sterkan þjóðarvilja, að hann beri
það fram til sigurs. Væntum vjer,
að þær muni fúslega svara fyrir-
spurnum þeim, er “vjer munum
síðar senda út um landið.
Reykjavík í júní 1928.
1 trausti góðrar samvinnu.
i
í Mæðrastyrksnefndinni:
Fh. Kvenrjettindafjelags íslands,
Bandalags kvenna, Barnavinafje-
lagsins, Fjelags íslenskra hjúkr-
unarkvenna, Hins íslenska kven-
fjelags, Hvítabandsins, eldri deild-
ar, Hvítabandsins, yngri deildar,
Kristilegs fjelags ungra kvenna,
Kvenfjelagsins Hringurinn, Lestr-
arfjelags kvenna, Ljósmæðrafje-
lags Islands, Thorvaldsensfjelags-
ins, Trúboðsfjelags kvenna, Verka-
kvennafjelagsins Framsókn.
r
1 Framkvæmdanefnd:
Laufey Valdimarsdóttir', p.t.
form. Aðalbjörg Sigurðardóttir,
Guðrún Lárusdóttir, Inga Lárus-
dóttir, Laufey Vilhjálmsdóttir.
Fulltrúar:
Áslaug Ágústsdóttir, Bentína
Hallgrímsson, Bríet Bjarnhjeðins-
dóttir, Elísabet Björnsdóttir,
Gerda Hanson, Guðlaug Árnadótt-
ir, Guðrún Ásmundsdóttir, Hólm-
fríður Árnadóttir, Ingibjörg H.
Bjarnason, Ingibjörg ísaksdóttir,
jónína Jónatansdóttir, Kristín
Guðmundsdóttir, Kristín V. Jac-
obson, Sigríður Eiríksdóttir, Sig-
ríður Sighvatsdóttir, Valgerður
Freysteinsdóttir, Þórdís Carlquist.
---------------------
]K. R. ætlar að fara skemtiför
upp í Maradal á sunnudaginn
kemur. Verður farið í bifreiðum
að Kolviðarhóli og þaðan gengið
í dalinn. Er það talinn röslrur
stundargangur. Er búist við að
leggja á stað hjeðan kl. 8 að
morgni og fara frá Hólnum aftur
kl. iy2. Farseðlar fást í verslun
Haralds Árnasonar og hjá Guðm.
Ólafssyni, Vesturgötu 24.
í borunarholunni við Laugarnar
er enn álíka hiti og sama vatns-
magn rennur úr henni og áður.
EIMSKIPAFJELAG
ISLANDS ima
„Brúarfoss”
fer hjeöan til Leith
og Kaupmannahafn-
ar föstudag 3. ágúst
kl. 6 síðdegis.
Farþegar sæki far-
seöla í dag.
Besta
otnsvertan.
Heildsölubirgðir
hjá
Daníel
Halldórssyni,
Sími 2280.
A 1 1 i r
að Álafossi á morgun.
B» S. Rm
hefir fastar ferðir með
fyrsta flokks bifreiðum.
Studebaker — Fiat og
Buick.
Sætið 2 krónur.
Afgreiðslusímar
715, 716.
Bifreiðastöð Reykjavikur.
Kœra húsmóðirl
Vegna þess að þjer mun-
uð þurfa hjálpar við hús-
móðurstörfin, þá leyfi jeg
mjer að bjóða yður að-
stoð mina.
Fröken Brasso.
Brasso ber sem gull
af eiri af öðrum
fægilegi.
allra nýasta tíska
í stóru úrvali
nýkomnir í
BraunsVerslun.