Morgunblaðið - 22.01.1958, Page 10

10
MORCUixnr 4 Ðlh
Miðvikudagur 22. jan. 1958

Otg.: H.í. Arvakur, Reykjavík.
Framkvæmdastjóri: Sigfus Jónsson.
Aðaintstjorar: Valtýr Stefánsson (ábm.)
Bjarni Benediktssoa.
Ritstjórar: Sigurður Bjarnason frá Vigur.
Einar Asmundsson.
Lesbók: Arni Ola, simi 33045
Auglýsingar: Arni Garðar Knstmsson.
Ritstjórn: Aðaistræti 6.
Auglýsingar og afgreiðsla: Aðalstræti 6. Sími 22480.
Askriftargjalri kr. 30.00 á mánuði innaniands.
í lausasölu kr. 1.50 emtakið.
LINURNAR SKÝRAST
RARÁTTAN fyrir bæjar-
og sveitarstjórnarkosn-
ingarnar er að ná há-
marki sínu. Línur þessarar bar-
áttu eru að þessu sinni skýrari
en oftast áður. Átökin um val
bæjar- og sveitarstjórna snúast
ekki eingöngu um framkvæmd
mála hinna einstöku byggðar-
laga, heldur einnig um stefnu
þeirrar ríkisstjórnar, sem með
völd fer í landinu. Sætir það
vissulega engri furðu. Stjórnar-
stefnan hefur örlagarík áhrif á
líf og starf hvers einasta manns,
ekki sízt þegar hún er fólgin í
stöðugt vaxandi höftum á fram-
tak einstaklingsins og vaxandi
dýrtíð og verðbólgu í landinu.
Kjósendum í kaupstöðum og
kauptúnum landsins gefst nú
tækifæri til þess að taka afstöðu
til þeirrar ráðabreytni Framsókn
ar og Alþýðuflokksins að leiða
kommúnista til sætis í ríkisstjórn.
Þessum hróplegu svikurn
við lýðræði og þingræði munu
kjósendur bæja og kauptúna
svara á sunnudaginn kemur.
í augum yfirgnæfandi meiri-
hluta íslenzkra manna eru
kommúnistar ósamstarfshæfir
flugumenn erlends ofbeldis-
flokks, sem framið liefur
hvern glæpinn á fætur öðrum
gagnvart mannhelgi og þjóð-
frelsi.
Svikum svarað með
vantrausti.
Vinstri stjórnin lofaði fyrst og
fremst þrennu eftir að hún var
setzt á laggirnar.
1 fyrsta 'lagi að reka herinn úr
landinu.
t öðru lagi að stöðva vöxt dýr-
tíðarinnar, lækka skatta og
tryggja kaupmátt launa.
t þriðja lagi að færa út land-
helgina.
Hvernig hafa þessi loforð ver-
ið efnd?
Þannig í fyrsta lagi að herinn
situr og vinstri stjórnin lætur
borga sér dollara fyrir.
1 öðru lagi þannig, að dýrtið-.
in heldur áfram að magnast og
kaupmáttur launa að rýrna. —
Lagðar hafa verið á stórfelldir
nýir tollar og skattar og engin
ný úrræði hafa fundizt af hálfu
hinna nýju valdhafa, sem lofað
höfðu „nýjum leiðum“, sem öllu
skyldu bjarga, án þess að nokk-
ur þyrfti nokkru að förna.
1 þriðja lagi hefur vinstri
stjórnin efnt loforðið um víkk-
un landhelginnar með því' að
gera nákvæmlega ekki neitt í
málinu. Hins vegar er upplýst að
innan stjórnarinnar er rifizt um
það í fullkomnu úrræðileysi.
Þannig hefur vinstri stjórnin
svikið öll sín loforð.
Baráttan um Reykjavík.
Um allt land er baráttan í þess-
um kosningum hörð. En kosning-
in í Reykjavík vekur eins og jáfn
an áður mesta athygli. Sjálf-
stæðismenn hafa stjórnað höfuð-
borginni í skjóli trausts fylgis
fólksins og meirihluta í bæjar-
stjórn. Þeim meirihluta reyna
hinir sundurleitu glundroðaflokk
ar nú að eyða. En Reykvíkingar
vita, að bæjarfélagi þeirra hef-
ur verið vel stjórnað af víðsýn-
um og dugandi mönnum undan-
farin ár. Fólkið finnur að hvergi
er aðstaðan í lífsbaráttunni betri
hér á landi en í Reykjavík und-
ir stjórn Sjálfstæðismanna. Það
vill þess vegna ekki skipta á
samhentri forystu þeirra og úr-
ræðalausum vinstri glundroða,
enda þótt Framsókn, kratar og
kommúnistar hafi hlaupið sam-
an í ríkisstjórn.
Einmitt samstarf þessara
flokka um stjórn landsins og
árangur þess sýnir almenn-
ingi hversu gersamlega ófær-
ir þeir eru um að taka að sér
stjórn höfuðborgarinnar. Svik
og úrræðaleysi stjórnarflokk-
anna munu koma þeim í koll
í bæjarstjórnarkosningum. —
Það mun koma í ljós á sunnu-
daginn kemur.
NIÐURLÆGING
VINSTRI STJÓRNARINNAR
AÐ hefur nú verið upp-
lýst, að stjórn hinna
svokölluðu vinstri flokka
á Islandi hefur á sl. ári þegið
efnahagsaðstoð bæði frá Banda-
ríkjunum og kommúnistaríkjun-
um, í stuttu máli sagt bæði úr
vestri og austri.
Frá Bandaríkjunum hefur
vinstri stjórnin fengið efnahags-
aðstoð úr sjóði, sem forseti þeirra
hefur til sérstakrar ráðstöfunar
til eflingar vörnum Bandaríkj-
anna. Fyrir austan járntjald mun
stjórnin hafa fengið lán til skipa-
kaupa.
Sjávarútvegsmálaráðherra
upplýsti að vísu á Alþingi sl.
haust, að þau lán, sem fengizt
hefðu til byggingar nokkurra 250
tonna skipa í Austur-Þýzkalandi
væru til örskamms tíma, eins eða
tveggja ára. Væri fróðlegt að fá
nánari upplýsingar frá íslenzkum
stjórnarvöldum um þá lántöku.
Á það má ennfremur minna
að blað kommúnista hefur kvað
eftir annað sagt frá því sl. ár
að kostur væri stórláns frá Rúss-
um til framkvæmda hér á landi.
Vel má vera að ríkisstjórn sé nú
búin að ákveða að þiggja það
lán. En vitað er að kratar og
Framsókn hafa verið á báðum
áttum í því máli. Kommúnistar
hafa hins vegar lagt hart að þeim
um að taka hið rússneska lán
og gera íslendinga þarmeð enn-
þá háðari Rússum og hinu
kommúníska hagkerfi.
Allur almenningur á íslandi
gerir sér glögga grein fyrir
eymd og niðurlægingu vinstri
stjórnarinnar. Hún lofar að
láta hið ameríska varnarlið
hverfa tafarlaust úr landi. En
í staðinn fyrir það semur hún
um áframhaldandi dvöl þess
um ótiltekinn tíma og fær
efnahagsaðstoð úr sjóði, sem
sérstaklega er ætlaður til þess
að styrkja varnir Bandaríkj-
anna.
Jafnliliða tekur þessi sama
vinstri stjórn svo lán hjá Iepp-
ríkjum Rússa!
Svona djúp er niðurlæging
vinstri stjórnarinnar.
Líkan af Vickers V.C. 10.
Ný brexk farþegahoía — Sameinast
Finnair
TILKYNNT var í London fyrir
helgina, að Vickers-Armstrong
flugvélaverksmiðjurnar mundu á
næstunni hefja framleiðslu nýrr-
ar gerðar farþegaþotu, Vickers
V.C. 10. Samtímis voru undirrit-
aðir samningar flugvélaverk-
smiðjunnar og BOAC (British
Overseas Airways Corporation)
um smíði 35 slíkra flugvéla fyr-
ir félagið — og verið er að semja
um smíði 20 að auki.
Á annað hundrað
farþega
Þessi nýja flugvél mun líkjast
brezku Comet og frönsku Cara-
velle að miklu leyti. Búklagið er
svipað Comet, en þrýstilofts-
hreyflunum er komið fyrir utan
á afturhluta búksins, eins og á
Caraveíle. Hreyflarnir verða
hins vegar fjórir, vængirnir aft-
ar en á öðrum slíkum flugvélum
— og stélið verður með öðru
sniði en tíðkast hefur á farþega-
flugvélum, eins og myndin sýnir
— en slíkt fyrirkomulag er nauð
synlegt vegna þess hve vængirnir
eru aftarlega. Innréttingu verður
þannig háttað, að farþegarúm
verður á tveim hæðum, en þó
mun aftari hluti neðri hæðar- i
innar verða mestmegnis notaður I
fyrir farangur og vörur. Getur
flugvélin flutt á annað hundrað
farþega.
Þurfa að selja 60—70
flugvélar
Vickers V.C. 10 verður ekki
tekin í notkun fyrr en árið 1963,
nokkrum árum á eftir bandarísku
þotunum Douglas DC-8 og Boe-
ing 707. Þar sem allar þessar flug
vélar verða notaðar á lengri flug-
leiðum svo sem yfir Atlantshafið
verður Vickers að hafa einhverja
yfirburði yfir bandarísku þot-
urnar, sem komnar verða á mark
aðinn nokkrum árum áður, sagði
framkvæmdastjóri brezku flug-
vélaverksmiðjanna, er hann til-
kynnti uni nýsmíðina. Vickers
mun geta athafnað sig á mun
styttri flugbrautum en aðrar þot-
ur af svipaðri stærð — og einnig
verða flugeiginleikar hennar
betri vegna þess, að hreyflunum
verður ekki fest í vængina. Fram-
kvæmdastjórinn sagði frá því, að
framleiðsla flugvélarinnar mundi
ekki bera sig fyrr en gerðar hefðu
verið 60—70 pantanir á henni, —
en enn er BOAC eina félagið,
sem undirritað hefur kaupsamn-
ing.
Gátu ekki staðið í skilum
Allt þykir benda til þess, að
Finnar gerist aðilar að flugfélag-
inu SAS. Sem kunnugt er standa
Norðurlandaþjóðirnar þrjár, Sví-
ar, Norðmenn og Danir að SAS
og er talinn mikill ávinningur
fyrir báða aðila, SAS og Finna,
að finnska flugfélagið Finnair
sameinist SAS. Um þessar mund-
ir ræðast fulltr. Finnair og SAS
við og hafa báðir lýst yfir mikl-
um áhuga á því að úr sameining-
unni geti orðið. Finnair hefur
verið rekið með góðum hagnaði,
enda þótt það hafi átt í harðri
samkeppni við SAS á ýmsum
flugleiðum, sérstaklega á milli
Finnlands og V-Evrópu. Finnair
átti í pöntun hjá Frökkum nokkr-
ar þotur af gerðinni Caravelle,
en sakir efnahagsörðugleika
Finna hefur ekki fengizt yfir-
færzla í Fínnlandi fyrir afborg-
unum af flugvélunum. SAS á
einnig nokkrar flugvélar af þess-
ari gerð í pöntun — og töldu for-
ráðamenn Finna illa horfa fyrir
félaginu, ef ekki gæti orðið úr
flugvélakaupum þess enSAShæfi
hins vegar ferðir í samkeppni við
Finnair með þessum nýju þotum.
Það mun aðallega hafa verið sak
ir þessa, að samningaumleitanir
hófust.
Innanlandsflug
óbreytt
Ef úr verður að flugfélögin
sameinist, munu áætlunarferðir
félaganna á utanlandsferðum
verða samrýmdar — og flugvél-
ar Finnair fljúga þá undir merki
SAS. Innanlandsflug Finnair
mun hins vegar haldast í sömu
skorðum og það er nú. Bæði flug-
félögin hafa haft sams konar gerð
ir flugvéla í notkun og mun sam-
eining því ekki hafa neina erfið-
leika í för með sér hvað viðhald
og annað snertir í því sambandi.
Stúlknn vor með ge'snvirkt nel
Heimili hennar afgirt með gaddavir
HAAG — Fjögurra ára stúlka,
sem legið hefur í sjúkrahúsi og
notið læknisaðgerða nieð radium
(geislavirkt efni) var send heim
til sín af misgáningi fyrir helgina.
Var hún með oddinn af radium
nálinni í nefinu — og nægði það
íil þess, að hún „smitaði" ofn og
helming garðsins umliverfis heim
ili hennar geislavirkni áður en
mistökin urðu Ijós.
Voru húsið og garðurinn þegar
afgirt með gaddavírsgirðingu og
fjölskyldan var flutt til sjúkra-
húss í einangrun til rannsóknar.
Málavextir voru þeir, að við
aðgerð í sjúkrahúsinu hafði rad-
ium-nál verið stungið í nef stúlk-
unnar, en oddur nálarinnar hafði
brotnað í nefinu án þess að því
væri veitt athygli. Stúlkan var
enn veik, þegar hún var flutt
heim — og foreldrar hennar
skiptu á umbúðum á nefi hennar
— og köstuðu þeim gömlu í ofn-
inn. Askan úr ofninum var síðan
grafin í garðinum. Á þann hátt
urðu ofninn og garðurinn lífs-
hættulega geislavirkir — og hef-
ur strangur lögregluvörður staðið
um gaddavírsgirðinguna og allt
umhverfis er letrað: Nálgizt ekki,
lífshætta.
Það er og upplýst, að allir nem-
endur, 80 að tölu, í smábarna-
skóla þeim, er litla stúlkan hefur
gengið í, gangast nú undir rann-
sókn og hefur skólanum vérið
lokað á meðan. Ekki hafa stjórn-
arvöldin viljað gefa blöðum upp
nafn eða heimilisfang hinnar
geislavirku fjölskyldu.
um „Ptnuir“-slysið
LUBECK, 20. jan. — Sjórétturinn
í Lúbeck, sem rannsakað hefur
orsakirnar til hins mikla sjóslyss,
þegar skólaskipið „Pamir“ fórst
og 80 manns drukknuðu, hefur
komizt að þeirri niðurstöðu, að
meginorsökin hafi verið röng
meðferð seglanna, tilfærsla á
kornfarminum og röskun á jafn-
vægi skipsins þegar sjórinn tók
að flæða inn á þilfarið.
í niðurstöðu sinni lætur rétt-
urinn hjá líða að taka afstöðu
til spurningarinnar um það, hvort
seglskip sé lengur nauðsynlegt til
að kenna sjómannsefnum. Hins
vegar bendir hann á nauðsyn
þess að reglurnar um siglingar
slíkra skipa verði endurbættar.
Formaður skólaskipsnefndarinn-
ar hefur lýst yfir því, að óráðið
sé, hvort seglskipin verði tekin
úr notkun.