Morgunblaðið - 21.02.1958, Side 11

Föstudagur 21. febrúar 1958
MOKCTINBLAÐIÐ
11
i
Xunglskinsmynd af Akureyri tekin kl. 3 að nóttu nú fyrir skömmu. (Ljósm. vig.)
AKUREYRARBRÉF
Gleðivakinn Geysir — Riki Vetrar
konungs — „Dagur" sendir krötum
kveðju i anda ,samvinnu og samhjálpar
UM þessar mundir er Karlakórinn
Geysir hér í bæ 35 ára gamall.
Efnir hann í því tilefni til af-
mælishljómleika næstkomandi
fimmtudag og föstudag. Margir
munu hugsa með tilhlökkun til
þeirra skemmtana. Geysir hefir
frá upphafi veitt Akureyringum
og raunar fleiri landsmönnum
marga gleðinnar stund. Það mun
ekki hvað sízt hafa verið hann,
sem gaf gárunugunum tækifæri
til þess að uppnefna Akureyri og
kaila hann „Gaulverjabæ“. Enda
er það skoðun margra enn í dag
að allir Akureyringar séu i ein-
hverjum kór, karlakór, kantötu-
kór, kirkjukór eða kvennakór og
hvar sem þeir koma saman á
gleðifund hljóti þeir að geta tekið
lagið.
Þetta er nú kannske fullmikið
sagt, en víst er um það að Akur-
eyringar eru einkar söngeiskir
og þurfa jafnvel ekki að hafa tar
á glasi til þess að taka lagið. Það
er heldur enginn efi að Karlakór
inn Geysir á stærstan þátt í þess-
ari söngást bæjarbúa.
Gleðin aðalsmerkið
Það er sagt að tónlistin sé
göfugst allra lista. Sérfræðingar
á því sviði munu eflaust halda
því fram að hin sígildari verk
túlki dýpsta göfgi. Ekki hef ég
vit til að dæma það. Geysir hefir
túlkað mörg verk mismunandi að
listagildi, en öll göfug. Aðals-
merki Geysis hefir mér alltaf
fundizt vera gleðin og lífsfjörið,
sem ávallt hefir fylgt honum
hvar sem hann hefir farið. Og
víst hlýtur það að vera göfugt
að gleðja og hrífa samborgara
sína upp úr dapurleik hversdags-
lífsins hér norður við Dumbshaf.
Geysi má því með sanni nefna
gleðivaka Akureyringa. í 35 ár
hefir hann hrifið þá og seitt rr.eð
dillandi söng. Og enn syngur
hann fullum hálsi.
Karlinn með á nótunum
Að sjálfsögðu hafa margir mæt
ir menn myndað og mótað 35 ára
sögu Geysis. Þó hygg ég að á
engan sé hallað þótt fullyrt sé að
Ingimundur Árnason eigi þar
stærstan þátt. Það má heita að
hann hafi verið óslitið söngstjóri
Geysis frá upphafi að undantekn
um örfáum síðustu árunum. Og
enn er „karlinn með á nótunum“.
Enn stjórnar hann af sínum al-
kunna krafti og lífsfjöri. Undan-
farin ár hefir sonur hans Árni
Ingimundarson æft og stjórnað
kórnum. Hann er prýðilega fær
söngstjóri. En samt er það ein-
hvern veginn svo að Akureyr-
ingar geta ekki áttað sig almenni
lega á því að Geysir sé Ingimund
arlaus.
En nú fáum við enn einu sinni
að sjá þá feðga báða stjórna sínu
stóra og skemmtilega hljóðfæri.
Til þess munum við hlakka um
leið og við sendum þeim og af-
mælisbarninu hugheilar árnaðar
óskir á þessum tímamótum.
Vetur konungur ríkir
Hvar sem tveir menn mætast
á. förnum vegi hér norðanlands
um þesssar mundir snúast sam-
ræðurnar um fannfergið og endi
á ótíðinni. Það mun ekki í fjölda
ára hafa lagzt jafnsamfelld snjó-
breiða yfir Norður- og Austur-
land og legið jafnlengi og nú.
Við Norðlendingar kunnum að
sjálfsögðu ekki almennlega við
Erlingur Davíðsson ritstjóri
Dags: — Með kveðju frá
Giv.c-.iv'.
okkur nema við fáum að sjá fram
an í Vetur konung og þreifa á
hans hvíta hjúp. En það er um
hann eins og marga góða gesti,
við kunnum því vel að sjá framan
í hann en hitt leiðist okkur ef
hann situr of lengi við og það
jafnvel svo fast að við getum
ekki hreyft okkur út af heimilum
okkar.
Breyttir tímar
Þjóðarbúskapur okkar hefir
tekið risabreytingum á tiltölu-
lega fáum árum. Tæknin hefir
aukizt og samgöngur batnað. Og
við erum orðin öllum þessum
breytingum svo vön og miðum
alla okkkar afkomu svo mjög við
þær að við áttum okkur ekki
fyllilega á því þegar Vetur gamli
slær sinni heljarkrumlu á athafn
ir okkar og lamar þær eða jafn-
vel stöðvar. Áður fyrr var það
ekkert tiltökumál þótt vetrarrík-
ið gerði okkur ókleift að komast
svo mikið sem bæjarleið svo mán
uðum skipti. Hvert einstakt
heimili bjó sig undir að slíkt gæti
komið fyrir. Nú þolum við ekki
samgöngubann svo vikum eða
mánuðum skipti og við teljum að
við höfum'brynjað okkur gegn
slíku. Svo kemur það einn góðan
veðurdag í ljós að allt stöðvast
eða svo til. Það er alveg sama
þótt þúsundum hestafla sé beitt
til þess að ryðja leið gegnum
ófærðina, því „ofan gefur snjó á
snjó“ og fyllir jafnóðum aftur
það sem rutt hefir verið.
Vantar varahluti
Að sönnu hjálpar hin mikla
vélvæðing mikið, sem hófst með
nýsköpun atvinnuveganna við
lok síðasta stríðs. En það hefir
komið í ljós að þeirri nýsköpun,
sem þá er hafin af svo miklum
stjórnar á íslandi er ekki einu
áfram af nægum krafti. Þess eru
mörg dæmi að nú á þessum sið-
ustu og verstu tímum vinstri
stjórnar á íslandi er ekki einu
sinni hægt á fá varahluti í þau
stórvirku tæki sem til eru í land-
inu og við Norðlendingar
þurfum hvað mest á að halda um
pessar mundir. Um ný tæki þýöir
heldur ekki að tala. Það er t.d.
athyglisvert að Akureyrarbær á
ekki eina einustu jarðýtu. Hefir
þó tvívegis verið sótt um þessi
áhöld. En núverandi ríkisstjórn
hefir tekizt svo „meistaralega“
að halda á gjaldeyrismálum þjóð
arinnar að engin leið er til þess
að bærinn geti eignazt slíkt tæki
í náinni framtiö.
Vísa á Keflavíkurflugvöll
Og hvert halda menn svo að
ríkisstjórnin með kommúnista
í sæti viðskiptamálaráðherra
hafi vísað Akureyringum til
þess að ráða bót á þessu
ófremdarástandi? Hún vísaði
á Keflavikurflugvöll og tæki
varnarliðsins þar. Xalið var
að þar gætu Akureyringar
fengið vandann leystan. Verk-
fræðingur bæjarins brá sér
þangað suður og leitaði á vit
verndara okkar, en þar var
enga vél að fá, sem hagkvæm
gæti talizt fyrir þau verkefni,
sem hér þurfti að leysa. Þann
ig er eitt og allt sem snýr að
þessari óheillaríkisstjórn. Það
er synjun á synjun ofan þegar
leitað er eftir brýnustu þörf-
um þjóðarinnar. Er það furða
þótt hún sé kölluð volæðis-,
vandræða-, vinstri stjórn?
Dagur fertugur
Hér á dögunum átti vikublaðið
Dagur, málgagn Framsóknar-
manna á Norðurlandi fertugs-
afmæli. Að vonum var gefið út
stórt blað í þessu tilefni. Var
blaðið m.a. fullt af árnaðarósk-
um frá ýmsum forystumönnum
Framsóknarflokksins og sátu þar
forsætisráðherra og ritstjóri Tím
ans í öndvegi. Auðvitað var hlað
ið lofi á lof ofan á þetta afmæiis-
barn.
Kveðja til fóstbróður
En þegar lofgreinunum er
leppt verður manni litið á af-
.nælisföt ritstjórans sjálfs. í for-
ystugrein blaðsins býst hann sín-
um hátíðaklæðum og segir:
„Dagur fjörutíu ára“. Fyrst er
lítillega rætt um afbælisbarnið
að vonum. Síðan eru stjórnmála-
flokkarnir í landinu teknir til
umræðu. Þar eru Sjálfstæðis-
menn auðvitað hinir verstu fjand
menn þjóðfélagsins, arftakar
Hitlers og annarra einræðisherra,
tækifærissinnaðir braskarar og
annað í þeim dúr. En svo er rætt
um fóstbróðir Framsóknar, Al-
þýðuflokkinn. Og hann fær sínu
„kæru kveðju frá Gregory". Um
hann segir „Til vinstri er svo
Alþýðuflokkurinn, sem virðist á
hröðu undanhaldi og niðurleið
__i(
Þessa kveðju fær flokkurinn
frá fertugum fóstbróður. En
menn mun reka minni til þess
að Alþýðuflokkurinn hlaut „á
sitt nafn“ 18,3% atkvæða við síð-
ustu Alþingiskosningar, en Fram
sóknarflokkurinn aðeins 15,6%.
Að sjálfsögðu vita allir að þett«
byggðist á stærsra kosninga-
svindli í sögu þjóðarinnar. En sé
miðað við þessar tölur liggur við
að spyrja: Á hvaða leið ?r Fram-
sóknarflokkurinn? Hann hlaut
þó 21,9% atkvæða í Alþingiskosn
ingunum 1953.
^^uinmúnistar vaxandi
verkalýðsflokkur
Og enn heldur ritstjóri Dags -
áfram og ræðir um Alþýðubanda
lagið:
„Ef þróunin heldur í þessa átt,
sem margt bendir til, verður Al-
þýðubandalagið ábyrgur og vax-
andi verkalýðsflokkur,-----
Þá vita menn það. Þetta lýsir
mætavel hugsunarhætti Fram-
sóknarmanna. Eftir að hafa svar-
izt í fóstbræðralag við Alþýðu-
flokkinn fyrir aðeins tveimur ár
um og ruglað við hann reytum
sínum og gert tilraun til þess að
kollvarpa lýðræðisskipulagi því
sem hér ríkir í landi, víla þeir
ekki fyrir sér að falla nú að
fótum kommúnista og tilbiðja þá
eins og gullkálf, en sparka í fóst-
bróðurinn sem þeir telja á „hröðu
undanhaldi og niðurleið".
Það er líka fróðlegt að athuga
niðurlagsorð forystugreinarinn-
ar:
„Hinar hófsamlegu leiðir sam-
vinnu og samhjálpar, með sterka
siðferðisskyldu og réttlætiskennd
einstaklinganna, munu reynast
farsælastar og í þeim anda vill
Dagur vinna af fremsta megni“.
Hafa menn séð öllu skýrar
„anda“ Framsóknarflokksins til
fóstbróður síns. Skyldu það vera
„hinar hófsamlegu leiðir sam-
vinnu og samhjálpar“, sem fella
nú Framsókn gömlu að fótum
gullkálfsins frá Kreml?
□----------------------□
Slangaveiðifél.
Suðurnesja slofnað
KEFL AVÍKURFLU G VELLI, 19.
febrúar. — í gær var stofnað í
Keflavík Stangaveiðifélag Suður
nesja. Voru stofriendur um 60.
I stjórn voru kjörnir Sigurður
Erlendsson formaður og með-
stjórnendur: Sigtryggur GuS-
mundsson, Karl Óskarsson og
Haukur Þórðarson. Varamenn
Sæmundur Jónsson, Friðrik Ey-
fjörð og Bogi Þorsteinsson.
Tilgangur félagsins er að afla
veiðiréttinda í ám og vötnuia
fyrir félagsmenn. — B. Þ.
□---------------------n
Frá snjóalögunum á Akureyri