Morgunblaðið - 21.02.1959, Blaðsíða 13

Laugardagur 21. febr. 1959
MORCUNBLAÐIÐ
13
Sigurður H allbjörnsson
bóndi Brúarhrauni — minning
Fæddur 4. maí 1894.
Dáinn 8. febrúar 195°
Augum ég leiði
ásinn hvíta,
kólgukafinn
á köldum vetri,
bjartan, heiðan
á blíðu sumri,
ægifagran
í eldi sólar.
Átthagabönd
enginn slítur.
Æskunnar óðul
aldrei gleymast.
f>ó í gullsölum
gæfa veitist,
þráir hjartað
heimabyggðir.
Sigurður HallbjÖrnsson.
★
Þessi erindi, úr kvæðinu „Snæ-
fellsnes", eru óður Sigurðar Hall-
björnssonar til æskustöðva og átt
haga. Og vildi margur kveðið
hafa, svo og margt annað, er
hraut af vörum hans og í stuðla
féll. Vafalaust gat S^gurður orð-
ið hlutgengur sern kvæðamaður
og setið skáldabekk, en hann var
dulur að eðlisfari og flíkaði því
lítt kveðskap sínum. Er það illa
farið, því að svo margt góðra
kvæða og vísna geymdi hann í
huga og sinni.
Jörðin Brúarhraun er á sunn-
anverðu SnæfeHsnesi og nær að
bökkum Hítarár, en hún skiptir
löndum Mýrasýslu og Snæfells-
ness, svo sem kunnugt er. Á Brú-
arhrauni fæddist Sigurður og ól
þar allan sinn aldur. Þar sleit
hann sínum barnsskóm, þar óx
hann úr grasi og þar mættu hon-
um viðfangs- og vandaefni þau,
er í hans hlut kom að leysa, sem
fulltíða manns. En vandaefnin
voru mörg og báru sum hver að
með nokkuð óvenjulegum hætti.
En þó að þau atriði verði ekki
rakin hér, ber þó að geta þess,
að mörgum hefðu þau ævikjör
verið, er lífið rétti Sigurði lítt
eða ekki bærileg. Allt mótlæti sitt
bar Sigurður með einstakri karl-
mennsku og jafnaðargeði og það
svo, að aldrei varð þess vart í
orði eða athöfn, að hann léti hin-
ar erfiðu aðstæður á sig fá. Ex
slík hugarró fáum gefin og sem
betur fer fæstum sú nauðsyn á,
er honum var.
Sigurður Hallbjörnsson var
Snæfellingur að ætt og uppruna.
Faðir hans, Hallbjörn Hallbjörns-
son, var frá Höfða í Eyjahreppi
og móðir hans, Guðrún Jónsdótt-
ir, frá Haukatungu í Kolbeins-
staðahreppi. En þau hjón bjuggu
seinast að Brúarhrauni og um
langan aldur. Af börnum þeirra
hjóna, er upp komust, var Sig-
urður yngstur. Þó fór svo, að hon-
um hlóðust á hendur bústörfin
að mestu, en að öllu forsjá fjöl-
skyldunnar heima og heiman.
Megum við gleggst vita, er til
þekktum, að sú forsjá hefur á
mörgum stundum verið vanda-
söm og þung byrði ungum til-
finningaríkum gáfumanni. Enda
varð raunin sú, að óumflýjanlega
fór Sigurður margs á mis í fé-
lagslegum efnum og átti þess of
sjaldan kost að blanda geði við
önnur ungmenni, séi til gxeði og
þroska.
Ekki fékk Sigurður aðra mennt
un en þá, er nauðsyr.leg þót.i til
fermingar. En maðurinn var næm
ur svo af bar og hafði frábært
minni. Því var það, að hann taldi
enga nauðsyn á að færa í letur
neitt af kveðskap sínum, en
þuldi á góðum stundum vinum
sínum. Því er svo komið, að flest
af því, er hann batt ljóðstöfum
er nú glatað.
Árið 1930 giftist Sigurður eft-
irlifandi konu sinni, Elinborgu
Þórðardóttur, Árnasonar bónda
að Hraunsmúla í sömu svet. Varð
þeim hjónum 10 barna auðið, sjö
sona og þriggja dætra. Börnin eru
hin mannvænlegustu og flest nú
uppkomin. Þó eru tveir drengir
enn innan fermingar .
Ekki getur hjá því farið að
langan starfsdag hafa þau hjónin
haft, við að koma á legg og til
manns þessum stóra barnahóp og
vafalaust oft lagzt þreytt til
hvíldar. En á samfylgd þeirra bar
aldrei neinn skugga. Traustxð
gagnkvæmt og tryggðin órofa,
meðan samvista naut. Því urðu
þetta hamingjuár báðum tveim.
Og oft gat Sigurður við mig þeirr
ar gæfu, er hann átti við að búa,
með hinni góðu konu sinni. Get
ég þess hér, því að jafnaði var
Sigurður ekki margmáll um sína
hagi.
Sigurður Hallbjörnsson gerði
ekki víðförult um dagana. í
Hnappadal vestur fæddist hann,
þar ólst hann upp og þar skilaði
hann sínu dagsverki. í einum og
sama reit skaut lífsmeiður hans
rótum, óx og bar ávexti. í þeim
sama reit stóð hann af sér veðrin
ströng, og hinni sömu mold og
ól hann, trúði hann fyrir sinni
tímanlegu velferð, og fól að
ávaxta sitt pund. Og Sigurður
varð ekki fyrir vonbrigðum í
sínu brauðstriti. Hann varð að
vísu ekki neinn auðmaður, en
ávallt bjargálnaTJg höfðingi heim
að sækja, gestrisinn og veitull í
bezta máta. Glaður var hann og
reifur í viðræðu og svo orðhepp-
inn að frábært var.
Sigurður tók lítinn þátt í fé-
lagsmálum bæði vegna hlédrægni
sinnar ~g eins hins, að hann átti
fáar stundir heimangengt, að
minnsta kosti framan af ævinni.
Hann fylgdist þó mjög vel með
öllum málum, bæði sjálfri þjóð-
málabaráttunni, og þá ekki síður
þeim viðburðum, er fyrir komu
I hinum stóra heimi og mörk hafa
se‘ á lönd og þjóðir.
Fer með skautum
feigðargustur,
— loft er allt
lævi blandið —,
Blika er í austri
blika í vestri,
— banablikur —
byrgja þær sólu.
Framh. á ðls. 14
i
Já, þetta er kvöldið sem hún vill líta sem allra bezt út.
Þetta er kvöldið .....
Eitt er víst — það mun verða dáðst að hári hennar í
kvöld og næstu mánuðina, því hún er með Toni heima-
permanent. Hún veit, að aðeins Toni gefur hárinu
þessa mjúku og eðlilegu liði, sem gera hárið svo með-
færilegt og skínandi fagurt.
er auðvelt, fljótvirkt og handhægt
notkun — og endist mánuðum saman.
Til hársnyrtingar og fegrunar,
hvort heldur er við sérstök tæki-
færi eða hversdags, þurfið þér
Toni — þekktasta heima-perm-
anent heimsins.
Munið CARESS nýja hárlagningarvökvann frá Toni
sem þér úðið yfir hárið og getið hagað greiðslunni eftir vild.
HEKLA AUSTURSTRÆTI 14. — SlMI 11687
VARÐARFAGIMAÐUR
Landsmálafélagið Vörður heldur skemmtun í Sjálfstæðishúsinu sunnudaginn 22. februar
kl. 9 e.h.
Dagskrá: 1. Forspjall. Bjatrni Gðmundsson, blaðafulltrúi
2. Þáttur úr leikritinu „Víxlar með afföllum“
eftir Agnar Þórðarson.
3. Gamanþáttur: Ómar Ragna.
4. Dans og leikir.
Aðgöngumiðar seldir í dag til kl. 4 í Sjálfstæðishúsinu (uppi). Verð kr. 25,00.
Húsið opnað kl. 8,30 Skemmtinefnd Varðar.