Morgunblaðið - 31.03.1963, Blaðsíða 15
Sunnudagur 31. marz 1963
MORCVTSBL 4 Ðltí
15
■tefnuna, þeir Birgir ísl. Gunn-
»rsson, Guðmundur H. Garðars-
son, Heimir Hannesson, Jóhannes
Sölvason og Stefnir Helgasoru
Að ráðstefnunni lokinni fóru
þátttakendur í 2ja daga ferð til
Berlínar,
BITSTJÓRAR: EIRGIR ÍSL. GUNNARSSON OG ÓLAFUR EGILSSON
Að taka Ireistlnguna
Irá alntenningi
UM fáa stjórnmálaviðburði á
sviði alþjóðamála hefur meira
verið rætt og ritað en Berlín-
armálið. í blöðum og á öðrum
vettvangi hafa birzt margar
greinar og fjöldi mynda af
ástandinu þar og þá ekki sizt
af hinum illræmda Berlínar-
múr. Það mætti því ætla, að
fólk gæti í stórum dráttum
gert sér í hugarlund, hvemig
ástandið er í borginni og
hvernlg þar er umhorfs.
Undirritaður telur sig hafa
fylgzt sæmilega með skrifum
og öðrum fregnum af ástand-
inu í Berlín og því hefði fátt
átt að koma honum á óvart.
Þó fór það svo, er undirritað-
ur var þar á ferð fyrir nokkr-
um dögum, að fáir atburðir
hafa haft eins mikil áhrif á
hann og að standa sjálfur
frammi fyrir hinum kalda
múr, sem skiptir borginni í
tvo hluta. Engin orð fá lýst
þeim áhrifum, sem það hefur
á mann að standa frammi
fyrir stærsta fangelsisgarði í
heimi og sjá í baksýn marg-
faldar gaddavírsgirðingar og
vopnaða verði. Sá einn getur
gert sér grein fyrir því, sem
reynir.
Meðfram múrnum vestan
meginn reika Berlínarbúar.
Sumir leggja blómsveiga á
minnismerki þeirra, sem hætt
hafa lífi sínu við að komast
yfir múrinn. Aðrir horfa tár-
votum augum yfir í heim-
kynni ættingja og vina austan
megin, reyna að veifa stöku
sinnum í von um, að bak við
gluggatjöldin leynist vinur.
Fólkið austan megin hefur
verið múrað inni. Jafnvel á
þökum húsanna, sem liggja að
múrnum austan megin hefur
verið komið fyrir rammgerð-
um gaddavírsgirðingum til að
koma í veg fyrir að menn
stökkvi fram af.
En Berlín er ekki aðeins í
tveimur lilutum. Henni er
skipt í tvo ólíka heima. Það
geta allir sannfærzt um, sem
fara á milli borgarhlutanna.
Undirritaður fór á laugar-
dagskvöldi úr iðandi lífi og
fjöri Ijósskreyttrar Vestur-
Berlínar í dimma, drungalega
og dauða Austur-Berlín. Þar
sást varla nokkur maður á
götu og aðeins einn og einn
bíll. Yfir þessum borgarhluta
hvíldi drungi og myrkur.
Þó mátti sjá, að þarna bjó
ungt fólk, sem þráði líf og f jör
eins og samborgarar þeirra
vestan meginn. Það mátti sjá
á tveim löngum biðröðum,
sem á vegi okkar urðu, er báð
ar voru skipaðar ungu fólki.
Önnur biðröðin var fyrir utan
kvikmyndahús. Hin var fyrir
utan danshús.
Þegar síðasti vopnaði her-
maðurinn hafði hleypt okkur
fram hjá sér og við gengum
aftur inn í Vestur-Berlín
vörpuðum við öndinni léttara.
Ekki svo að skilja, að okkur
hefði verið sýndur nokkur
fjandskapur né ókurteisi. Það
var aðeins andrúmsloftið í
þessari hálfmyrkvuðu borg,
sem fyllti okkur óró og kvíða.
Við gengum vítt um Aust-
ur-Berlín bæði um íbúðar-
hverfi og verzlunarhverfi. Á
göngu okkar eftir íbúðargötu,
en við enda hennar reis múr-
inn illræmdi, vorum við
skyndilega stöðvaðir af tveim
ur hermönnum, sem báru
byssu um öxl og leiddu við
hlið sér tvo stóra úlfhunda
með gapandi gin og blóðrauða
tungu. Hermennirnir sögðu
ekkert, en stilltu sér aðeins
upp fyrirv framan okkur með
krosslagðar hendur og okkur
skildist, að lengra ættum við
ekkert erindi.
Þeir hafa vafalaust haldið,
að hér væx-u á ferð óþarflega
hnýsnir, ungir, Austur-Berlín-
arbúar, sem e.t.v. vildu sjá af
hverju hún stafaði þessi ljósa-
dýrð, sem kastaðist upp á
himininn vestan megin.
Mér komu á þessari stundu
ósjálfrátt í hug orð, er einn af
forsprökkum kommúnista hér
á landi, Steinþór Guðmunds-
son, ritaði í Þjóðviljann á sl.
hausti eftir ferð sína um
Austur-Þýzkaland þar sem
hann m.a. sá múrinn: „En
fullyrt er, að yfirleitt hafi al-
menningur í DDR (Austur-
Þýzkalandi) orðið því feginn,
að freistingin var frá þeim
tekin og andi léttar en áður“.
— BÍG.
5 Islendingar ú
ráÖsteínu í Bonn
ÐAGANA 17. til 20. marz sl. var
haldin í Bonn, höfuðborg Vestur-
Þýzkalands, 3. ráðstefna ungra
Btjórnmálaleiðtoga Atlantshafs-
ríkjanna.
Fimm Islendingar sátu ráð-
„Varðar“-félagar að snæðingi á klúbbfundi nýlega.
Vaxandi starfsemi
,Var8ar' FUS á Akureyri
Abalfundi nýlokið — Jón ViÓar
Guðlaugsson endurkjörinn formaöur
SNEMMA í síðastliðnum
mánuði var haldinn aðal-
fundur „VARÐAR“, félags
ungra Sjálfstæðismanna á
Akureyri. Hefur félagið
verið í öruggum vexti nú
um nokkurt skeið og ýms-
ar nýjungar verið teknar
upp í félagsstarfinu, þ.á.m.
reglulegir klúbbfundir og
æskulýðssíða, sem félagið
annast í „íslendingi“, mál-
gagni Sjálfstæðismanna í
kjördæminu. — Formaður
„Varðar“ hefur verið Jón
Viðar Guðlaugsson og var
hann nú endurkjörinn.
Aðalfundurinn var haldinn
hinn 5. febrúar sl. og var hann
settur af formanni „Varðar".
Fundarstjóri var síðan ein-
róma kjörinn Leifur Tómas-
son og fundarritari Gísli H.
Guðlaugsson.
Blómleg starfsemi
Að svo búnu gaf formaður,
Jón Viðar Guðlaugsson,
skýrslu um starfsemina á
liðnu starfsári. Gat hann þess
m.a., að „Vörður“ hefði séð
um 7 bingó-kvöld, sem öll
hefðu verið mjög vel sótt og
skilað talsverðum hagnaði;
hefði félagið nýlega fest
kaup á bingó-spjöldum og
öðrum útbúnaði þar að lút-
andi, sem kostað hefði talsvert
fé. Þá hélt félagið 2 kvöld-
vökur með ýmsum skemmti-
atriðum, fyrst fyrir bæjar-
stjórnarkosningarnar sl. vor
og síðan eftir kosningarnar
fyrir starfsfólk á kjördegi.
Kosningar og fundahöld
Verulegur þáttur í félags-
starfinu var þátttaka í undir-
búningi bæjarstjórnarkosning-
anna og vinna á kjördegi, sem
óhætt er að segja' að félags-
menn hafi leyst af höndum
með ágætum. „Vörður“ sendi
8 fulltrúa á Fjórðungsþing
ungra • Sjálfstæðismanna og
stofnfund kjördæmisráðs
ungra Sjálfstæðismanna í
Norðurlandskjördæmi eystra,
en fundir þessir voru haldnir
Stjórnmálanámskeið
— æskulýðssíða
Stjórnmálanámskeið var
haldið dagana 15.—23. janúar
sl. og voru þátttakendur í því
33 talsins. Þar voru haldin
mörg og fróðleg erindi um
margvísleg efni og málfundir
með ólíkum umræðuefnum.
Tóku margir til máls og voru
umræður oft fjörugar. Meðal
nokkurra nýmæla, sem stjórn-
in hafði haft í undirbúningi
til eflingar starfsemi „Varð-
ar“, má nefna æskulýðssíðu í
„íslendingi", sem áformað er
að birtist reglulega einu sinni
Frá bingó-kvöldi á vegum „Varðar“; verðlaunin voru vandað
hjónarúm með dýnum.
í Ólafsfirði 8. september sl. í
þessu sambandi var farin hóp-
ferð til Ólafsfjarðar og tóku
þátt í henni 15 manns. Þess
má geta, að „Vörður“ greiddi
niður fargjald í hópferðina og
var það unnt vegna hagnaðar
af bingó-kvöldum félagsins.
— Ennfremur má minnast á
þátttöku félagsmanna í starf-
semi fulltrúaráðs Sjálfstæðis-
félaganna á Akureyri.
í mánuði. Hafði fyrsta síðan
. birzt fyrir aðalfundinn og
þótti bæði lífleg og vel upp
sett, enda hafði félagið fengið
til liðs við sig kunnáttumann
í þessum efnum, Hallgrím
'íryggvason. Er félaginu mik-
ill styrkur í því, að hafa
þannig aðgang að „íslend-
ingi“ og vænta félagsmenn
sér mikils af þessum nýja
þætti í starfinu.
Framh. á bls. 2
Verður nánar skýrt frá ráð-
■tefnunni síðar á síðunni.
Nýkjörin stjóm „Varðar", F.U.S. a Akureyri (talið frá vinstri ): Sveinn Jónsson, Birgir B. Svavarsson, Jón V. Guðlaugsson,
form., Siguróli Sigurðsson, Sveinn H. Jónsson og Gísli H. G uðlaugsson; á myndina vantar Guðmund Tulinius.