Morgunblaðið - 12.01.1965, Blaðsíða 22
MORGUNBLAÐIÐ
!>riðjudagur 12. januar 1965
90
Frakkarnir frá Lyon
gersigruðu ÍR-liðið
Hraði þeirra og samheldni
færði þeim 74 gegn 42 sigivr
yfir Islandsmeisturunum
SJALDAN eða aldrei hefur
eitt lið fallið jafn skyndilega
og óvænt úr hásæti siður nið-
ur í meðalmennsku við að
missa einn mann, eins og lið
ÍR í körfuknattleik gerði er
það sl. sunnudag mætti Frakk
landsmeisturunum í körfu-
knattleik í 2. umferð í keppn-
inni um Evrópubikarinn í
þeirri grein. Frakkarnir sigr
uðu með 74 stigum gegn 42 og
vo'ru frá upphafi til loka leiks
ins betra liðið — höfðu reynd-
ar yfirburði í hraða, hittni,
samleik og öllu því er til góðs
körfuknattleiks heyrir.
♦ LITLIR MÖGULEIKAR
Síðari leikur liðanna verður í
Villurban, útborg Lyon, á sunnu-
daginn kemur. Vart eru mögu-
leikar á því að ÍR-ingar komizt
í 3. umferð keppninnar, en þess
er að vænta að ÍR veiti Frökkun-
um betri og jafnari keppni þá en
raun varð á á sunnudaginn.
» DRIFFJÖÐURINA
VANTAÐI
Þorsteinn Hallgrímsson, fyr-
irliði ÍR og fyrirliði landsliðs-
ins í öllum 10 landsleikjum ís-
Iands, er með í Bandaríkjaför
körfuknattleiksmanna. Hann
er af öllum talinn bezti leik-
maður íslands í þeirri grein.
Hann hefur sem fyrirliði mót-
að ÍR-liðið, verið driffjöður
þess og aðalmaður, þannig að
liðið hefur ekki tapað leik
gegn íslenzku liði í 5 eða 6 ár.
Nú var hann fjarri og félagar
hans gengu óstuddir af hans
góðu forystu fram á völlinn
gegn liði sem óumdeilanlega
má telja betra en ÍR-liðið. En
nú átti enginn ÍR-inga leik,
sem jafnaðist á við það sem
hver og einn hefur áður sýnt.
Skipulag í Ieik, sem verið hef-
ur sterkasta vopn ÍR, var án
Þorsteins ekki til. Ringulreið,
fum, óðagot og allt það sem
góðum leik spillir, stakk allt
of oft upp kollinum. — Átti
þetta við bæði í vörn og sókn.
» LJÓSIR PUNKTAR
ÍR-liðið var gersamlega svip-
laust utan örfárra leikkafla, þar
sem Agnar Friðriksson, Birgir
Jakobsson og Guðmundur Þor-
steinsson sýndu einstaklingsafrek
í skotum og í vörn. Annars nutu
leikmenn sín alls ekki, voru eins
og stjórnlaus her á óskipulögðu
taflborði.
» LEIKURINN
Frakkarnir skoruðu fyrst, en
Agnar jafnaði, Frakkar tóku for- .
ystu en Agnar jafnaði aftur. Síð-
an tók Lamothe (nr. 9) forystu
fyrir Frakka og eftir það jókst
hún jafnt og þétt.
Oftast voru Frakkarnir fleiri til sóknar og varnar þar sem boltinn var.
Yfirleitt var gangur leiksins sá
að Frakkar skoruðu tvö stig fyrir
hvert eitt sem ÍR skoraði. í hálf-
leik stóðu 37-18, en síðari hálfleik
lauk með 37 gegn 24. Leik lauk
með 74-42.
Máttur hins franska liðs fólst
einkum í hraða og góðum heild-
arleik liðsins. Skipti litlu hver
var inn á hverju sinni — alltaf
hafði liðið töglin og hagldirnar,
alltaf var liðið jafn skjótrátt og
ákveðið í sínum leik. Hafði liðið
svo miklu betra auga fyrir skyndi
upphlaupum en lið ÍR, að enginn
jöfnuður er til þar um.
Sérstaklega var áberandi
hve illa ÍR-ingum tókst upp
við vítaköst. Mistu þeir flest
þeirra — og öll fyrst í leikn-
Akureyringar æfðu í óupphitaöri
vöruskemmu og ógna í 2. deild
um. Má af því ráða að liðið
hafi mætt mjög taugaóstyrkt
til leiks.
Einn maður, Rurant, fékk 5
víti og varð að yfirgefa völlinn.
Skeði það nokkrum mínútum fyr
ir leikslok. Alls fékk ÍR-liðið á
sig 15 villur og þar af Guðmund-
ur Þorsteinsson fjórar.
Dómarar í leiknum voru Harry
Errington frá London og J. Glas-
gow frá írlandi. Voru þeir heldur
slakir dómarar og lítt til for-
dæmis fallnir.
» FRANSKA LIÐIÐ
Franska liðið hefur á að skipa
5 landsliðsmönnum. Þeir skáru
sig að vísu nokkuð úr, en ekki
svo að áberandi væri. Landsliðs-
mennirnir voru hittnari af lengra
færi, en hinir sem með þeim
leika, hafa jafnvel meiri hraða
og eru ákveðnari undir körfu
andstæðinganna.
Stig Frakkanna skoruðu Cab-
alle 16, Lamothe 14, Grane fyrir-
liði, sem á 110 landsleiki að baki,
12, Burdy 10, F. C. Biasucci 9, P.
Durant 5 stig og þeir Roveillaux,
Perrerard og Castalier 2 hver. —
Síðustu tvö stigin skoruðu ÍR-
ingar hjá sjálfum sér í tilraun til
að verja körfuskot Frakkanna.
Stig ÍR skoruðu Agnar Friðriks
son 16. Birgir Jakobsson 14, Guð-
mundur Þorsteinsson 9, Viðar 2
og Hólsteinn Sigurðsson 1.
íslandsmótið í
körfuknattle"
30. janúar
ÍSLANDSMÓTIÐ i ko.fu-
knatt leik ’hefst 30. jan. n.k.
Þátttökutilkynninigar eiga að
berast til körfuknattleiksráðsins
fyrix 20. jan. n.k.
Góð byrjtfn IMorðanmanna, sem
eiga framtíðiira fyrir sér
í handknattleik
ÞRJÁR „umferðir'* fóru fram í
keppni 2. deildar handknattleiks-
manna um helgina. Nýtt lið
stakk sér á meðal hinna kunn-
ari, lið Akureyringa, og má með
sanni segja að það átti erindi í
þetta mót nú og í framtíðinni
verður það án efa skeinuhætt
hinum eldri og reyndari,
Akureyringar komu þegar
á óvart í sínum fyrsta leik
sem var gegn ÍR. Höfðu þeir
yfir í hálfleik 15—13 en urðu
undir lokin að láta í minni
pokann svo ÍR fór með sigur-
inn 25—19.
Sérstaka athygli í þessum
leik vöktu þeir Kjartan Guð-
jónsson (sem reyndar er einn-
ig ÍR-ingur, en stundar nám
í M.A.) Ólafur Ólafsson og
markvörður liðsins Jón Stein-
bergsson. Þeir báru nokkuð af,
en reyndar má það fullvíst
telja að liðið í heild verði
innna skamms í hópi kandi-
data til 1. deildar.
Akureyringar hafa verið svo
heppnir að fá til þjálfara Frí-
mann Gunnlaugsson reyndan
leikmann og forystumann úr
Reykjavík. Hann sagði á Háloga-
landi að stuttur tími hafi verið
til undirbúnings með liðið að
þessu sinni — húsnæði væri ekki
fyrir hendi nyrðra. Hins vegar
hefðu liðsmenn fengið lánaða
vöruskemmu, óupphitaða og með
steyptu gólfi, krítað á það vallar-
gólf af sömu stærð og er á Há-
logalandi og æft þar.
Svo fengu Akueyringar það
erfiða verkefni að leika 3 leiki
um s.l. helgi, gegn ÍR á laugar-
dagskvöld, gegn Þrótti e.h. á
sunnudag og gegn ÍBK á sunnu-
dagskvöld. Slikt er eðlilega of-
raun jafn óþjálfuðu liði, en sýnir
vilja þeirra Norðanmanna til að
vera með.
Og heim fara þeir hæst ánægð-
ir því þeir sigruðu Þrótt með 28
gegn 15. í þeim lok skoraði
Kjartan .Guðjónsson 11 mörk og
átti þó einungis 14 skot á mark.
Betri nýtni sýna fáir.
Gegn Keflavík á sunnudags-
kvöld kom þreyta Akureyringa í
ljós og þeir töpuðu eftir að hafa
haft forystu lengi vel með 21
gegn 24.
Heim fara því Akureyringar úr
fyrstu handknattleiksferð sinni
með 1 sigur og 2 töp og marka-
hlutfallið hágstæða 68—64. Það
verður án efa vel æft í vöru-
skemmunni óupphituðu og sterk-
ara mun liðið koma í næstu ferð
sinni á íslandsmótið.
í öðrum leikjum um helgina
urðu úrslit þessi í 2. deild:
Þróttur vann ÍBK með 26—20
Valur vann ÍR 27—19.
Kjartan Guðjónsson, tugþrautar maður bætti elleftu þrautinni við
er hann debuteraði, sem handkn attleiksmaður fyrir Akureyringa
um helgina. Hann skoraði í ein um leiknum 11 mörk.
myndir tók Svein Þorm.