Morgunblaðið - 24.09.1965, Page 12

12
MORGUNBLAÐIÐ
Föstudagur 24. sept. 1965
Þ'essi mynd var tekin skömmu fyrir kosningarnar í V.-
Þýzkalandi og sýnir sigurvcgarann, Ludwig Erhard halda
ræðu á framboðsfundi.
ÚR ÝMSUM ÁTTUM
Ein af þyrlum Bandaríkjahers í S.-Víetnam af gerðinni HU-18, hrapaði fyrir skömmu, er hún
nálgaðist flugvöllinn í Dak-To. Var stærri þyrla, af gerðinni H-37, fengin til að flytja þá fyrr-
nefndu til flugvallarins. H-37 þyrlunni tókst að lyfta hinni eina mannhæð frá jörðu, en þá
hrapaði hún ofan á hana. Myndin sýnir þyrlurnar eftir slysin. Engan mann sakaði alvarlega
af völdum þeirra.
Geimfararnir, Gordon Cooper (t.v.) og Charles Conrad, sem voru átta sólarhringa í geimferð
{ geimfarinu „Gemini 5“, komu fyrir skömmu í heimsókn til Aþenu. Á myndinni sjást þeir aka
um götur borgarinnar.
Lady Bird Johnson, forsetafrú Bandaríkjanna, tekur á móti
frú Chiang Kai-shek, forsetafrú Formósu, fyrir utan Hvíta
húsið fyrir skömmu.
Nokkrum dögum áður en Kínverjar settu Indverjum úrslita-
kosti og hótuðu innrás i Sikkim, kom^drottning þessa smá-
ríkis til London ásamt þremur börnum konungs frá fyrra
hjónabandi. Var drottningin að fylgja stjúpbömum sinum í
heimavistarskóla í Englandi. Vegna hinna válegu tíðinda,
sem bárust frá landi drottningar hélt hún fund með frétta-
mönnum. Kvaðst hún telja ólíklegt, að Kínverjar gerðu al-
vöru úr hótun sinni. Drottningin í Sikkim, sem nú nefnist
Hopla, er bandarísk og hét Hope Cook áður en hún giftist
Sikkimkonungi. Hún er 25 ára.
Um helgin afhjúpaði Elísabet Bretadrottning minningarstein um Sir Winston Churchill í
Westminster Abbey í London. Var afhjúpun steinsins liður í hátíðahöldum í tilefni þess að
25 ár eru liðin frá því að orustan um Bretland var háð. Myndin var tekin í Iok athafnarinnar.
Með drottningu eru m.a. prófasturinn af Westminster (í miðið) og Philip prins.