Morgunblaðið - 24.12.1965, Blaðsíða 12

12
MORGUNBLAÐIÐ
!
Föstudagur 24, des. 1965

Útgefandi:
Framk væmdast j óri:
Ritstjórar:
Ritstj órnarf ulltrúi:
Auglýsingar:
Ritstjórn:
Auglýsingar og afgreiðsla:
Áskriftargjald kr. 95.00
I lausasölu kr.
Hf. Árvakur, Reykjavík.
Sigfús Jónsson.
Sigurður Bjarnason frá Vigur.
Matthías Johannessen.
Eyjólfur Konráð Jónsson.
Þorbjörn Guðmundsson.
Árni Garðar Kristinsson.
Aðalstræti 6.
Aðalstræti 6. Simi 22480.
á mánuði innanlands.
5.00 eintakið.
Sú gleði er bezt
„Trú hinu bezta. Gerðu gott við alla.
Sú gleði’ er bezt, að hjálpa þeim sem kalla,
og reisa þá, sem þjást og flatir falla“.
Þannig kvað Matthías Jochumsson, hið mikla
trúar- og kraftaskáld- í þessum orðum skáldsins felst
í raun og sannleika kjarni boðskapar kristinnar trú-
ar. Mennirnir eiga að trúa á mátt hins góða og gera
hver öðrum gott. Hin sanna gleði er í því fólgin að
hjálpa þeim, sem í nauðum eru staddir og þarfnast
hjálpar.
-K
Enda þótt mennirnir séu misjafnlega trúaðir
eins og það er kallað, lifir þessi boðskapur þó í hjarta
hvers óspillts einstaklings. Helgisögnin frá Betlehem,
sem er grundvöllur kristins jólahalds á sinn ríka þátt
í að glæða hana, gæða hana lífsmagni, sem aldrei
þverr. Boðskapur jólanna, hins fórnandi kærleika
hljómar og skín gegnum aldirnar, gegnum þoku.efa
og vantrúar.
*
Mannkynið lifir í dag stórfelldar breytingar og
byltingar í skjóli tækni og vísinda. Mannlegt hyggju-
vit og snilligáfa vinnur hvert stórafrekið á fætur
öðru. Óravíddir himingeimsins eru sigraðar, nýir
heimar opnast. En hvað stoðar það manninum ef
hann bíður tjón á sálu sinni? Hvers virði eru afrek
vísinda og tækni ef maðurinn megnar ekki að þroska
anda sinn í svipuðu hlutfalli og þekkingu sína, og
vald sitt yfir sjálfum náttúruöflunum?
*
Kjarni málsins er sá, að auðgun andans, efling
þroskans og vaxandi máttur kærleikans til náungans
verður að haldast í hendur við þróun tækni og vís-
inda. Það er frumskilyrði þess að mannkynið geti
haldið áfram að bæta og fegra líf sitt.
Það er hlutverk kristinnar trúar og siðferðis-
vitundar að hjálpa mannkyninu til skilnings á þess-
ijm mikilvægu staðreyndum. Þess vegna getum vér
ekki án hennar verið- Hún er jafn nauðsynleg í dag,
á tímum velmegunar og allsnægtar og á dimmum og
döprum dögum allsleysis og niðurlægingar.
*
Jólaboðskapurinn kemur með birtu og frið í
sálina, boðar virðingu fyrir mannlegum tilfinningum
og örlögum og hjálpræði til handa bágstöddum.
„Trú hinu bezta. Gerðu gott við alla“. Það er í senn
boðorð kærleikans og siguróður ljóssins yfir myrkr-
inu, ekki aðeins myrkrinu við hið yzta haf, heldur
myrkrinu og tortryggninni í sál mannsins.
Sá sem lifir eftir þessu boðorði skapar í senn
sjálfum sér og öðrum með því sanna lífshamingju,
innri fögnuð og bjarta gleði.
-K -
Morgunblaðið óskar öllum lesendum sínum, sjó-
mönnum á hafi úti, flugmönnum á langferðaleiðum,
allri hinni íslenzku þjóð gleðilegrar og friðsællar
jólahátíðar.
Nýjársinnkaup í Moskvu.
Rússar halda sína
júlahátíö' um áramot
UM þær mundir, sem allur
hinn kristni heimur hefur
sina jólahátið eru íbúar Sovét
ríkjanna í óða önin að búa siff
undir þeirra „jólasið", sem sé
nýjárshátíðina. Þeir halda
ekki jól .að kristinna manna
sið — utan þeir sem halda
enn tryggð við sína grísk-
kaþólsku trú en þeirra jóla-
hátið er samkvæmt grísk-
kaþólsku timatali 7. janúar.
En allur þorri Sovétbúa
heldur áramótin hátíðleg með
miklum glaumi og gleði,
meiri en víðast annars staðar.
Þeir dúka hlaðin veizluborð,
dansa umhverfis' grenitré og
vodkað rennur í stríðum
straumum. Á heimilunum eru
haidnar miklar og fjölmennar
veizlur, sem bera fjárhag
hvers meðal borgara ofurliði.
Á veitingastöðunum eru einn-
ig haldnar áramótaveizlur,
sem standa yfir alla nýjárs-
nóttina og forseti ríkisins flyt-
ur áramótakveðjur til lands-
búa í útvarpi og sjónvarpi.
Nýjársinnkaupin hefjast um
það bil tíu dögum fyrir há-
tíðina og verzlanirnar eru
opnar lengur en venjulega.
Biðraðirnar lengjast með degi
hverjum, en í Moskvu standa
húsmæðurnar ekki í biðröð
í von um að ná í lúxusvarnin.g
til nýjársgjafa, heldur fyrst og
fremst til þess að ná í sjald-
séðar matartegu-ndir og um-
fram allt nógan mat. Hver og
einn reynir að ná sér í sem
ríkuiegast og skemmtilegast
veizluborð. Þær hafa sparað
peninga mánuðum saman, ef
til vill fara þær með allt að
því mánaðarlaun mannsins í
matinn einan, segjum hundrað
rúblur, sem eru algeng laun
miðstéttarmanns. Ekkert má
vanta á nýjársborðið hvað svo
sem það kostar — heldur að
lifa á brauði og karftöflum í
janúar.
Fregnir frá Moskvu herma,
að í ár virðist vöruúrval í
verzlunum vera sýnu meira en
undanfarin ár — og gæði
varningsins allmiklu betri en
fyrir aðeins einu ári. Hinsveg-
ar veldur nokkrum vandræð-
um, að hveiti er af skorn-
um skammti, vegna slæmrar
hveitiuppskeru. En þó getur
meðalfjölskylda reiknað með
því að fá tvö til þrjú kíló af
hveiti, feem nægir í sæmilegan
bakstur — þótt flestar vildu
hafa meira við. Og þá er þess
. einnig að gæta, að í verzlun-
um er bæði meira og betra
brauð en nokkru sinni fyrr.
En mörgum þykir súrt í bfoti,
hve lítið er um hinar þjóðlegu
munaðarvörur svo sem kavíar
krábba og lax. Mestöll fram-
leiðslan er flutt úr landi eða
seld þeim aðilum innan Sovét-
ríkjanna, sem hafa ráð á er-
lendum gjaldeyri eða hafa
einhvers konar sérréttindi.
Nýjárið er mesta hátíð
Sovétmanna, jafnvel meiri en
X. maí og 7. nóvember. Einnig
hefur hún á sér skemmtilegan
og sérstakan blæ, því að marg-
ir gamlir rússneskir siðir hafa
smám saman verið tengdir
henni „Pabbi Frost“ — sem á
rússnesku heitir Djed Moroz
— og „Snjóflyksan" Snegor-
otjka sækja heimilin heim.
Það er dansað í kringum
grenitréð, leiknir gamlir leik-
ir og sungnar þjóðvísur. Til
þess að auka enn á hátíðina
eru haldnir basarar — fyrir
þessi áramót verða a.m.k. tíu
basarar í Moskvu.
Eins og við undirbúning
nýjárshátíðarinnar. Þeir þurfa
meðal annars að verða sér úti
um grenitréð, sem er ekki
alltaf svo auðvelt í borgunum,
þar sem eftirspurnin er miklu
meiri en framboðið. 1 ár hafa
yfirvöldin lofað að hafa til
sölu 350.000 grenitré í Moskvu
og hófst salan á þeim 20. des-
ember sl. Þau eru að mestu
seld í ríkisverzlununum, en
einstöku framtakssamur ná-
ungi, sem kann að hafa góð
sambönd, hefur þau einnig til
sölu. Þá eru til sölu í ríkis-
verzlunum gervijólatré, sem
eru nokkru dýrari, en endast
að sjálfsögðu lengur. Á nýjárs
kvöld er grenitréð skreytt.
Börnin koma síðan í heimsókn
hvert til anriars Og dansa í
kringum það. Djed Moroz
kemur og útbýtir gjöfunum
og hvetur um leið hvern ein-
stakan ungan Sovétborgara til
þess að vera hlýðinn og góður
á komandi ári. Algengustu
gjafir, sem börnin fá eru sæt-
indi, ávextir eða leikföng.
Þegar börnin hafa fengið
nýjársgjáfirnar, er lagt á
borð. Álgengt er að nokkrar
fjölskyldur komi saman til að
eta og drekka, svo framarlega
sem húsnæði er fyrir hendi,
—en Rússar búa yfirleitt afar
þröngt. En enginn háls má
vera þurr, þegar gamla árið
andar út í Sovétríkjunum.
Maturinn er fjölbreyttur, gæs,
kalkún skinka, pylsur, saitað- .
ur fiskur, ýmiss konar salöt,
ágúrkur og nýbakaðar nýjárs-
kökur og pirogar. Klukkan
hálf tólf lyfta menn glösum
og skála fyrir. gamla árinu og
haida því áfram, þar til klukk
an í Frelsisturninum á Kremls
múrnum hefur slegið sitt síð-
asta högg kl. 12 — þá lyfta
menn kampavínsglösunum og
skála fyrir því nýja. Síðan er
aftur sezt að snæðingi — og
nú hefst máltíðin fyrir alvöru
og getur staðið yfir í margar
Framhald á bls. 8