Morgunblaðið - 12.09.1986, Page 3
MORGUNBLAÐIÐ, PÖSTUDAGUR 12. SEPTEMBER 1986
3
Innlent efni á vetrardagskrá sjónvarpsins:
Kvöldstundir með Berg-
mann, Laxness og Lessing
Þessi mynd af Hrafni Gunnlaugssyni að leggja orð i belg hjá þeim Halldóri Laxness og Ingmar Berg-
mann var tekin í veislu á Bessastöðum í sumar, er Listahátíð stóð sem hæst.
— Einnig leikritið Líf
til einhvers og kvik-
myndirnar Húsið og
Brekkukotsannáll
AF INNLENDU efni á dagskrá
sjónvarpsins í vetur má nefna
tvær kvikmyndir, Húsið og
Brekkukotsannál, en sú síðar-
nefnda verður nú endursýnd og
ræðir Hrafn Gunnlaugsson af þvi
tilefni við Halldór Laxness i þætti
í röðinni Kvöldstund með lista-
manni.
1 þeirri þáttaröð verða einnig
tveir þættir þar sem Hrafn ræðir
við hinn heimsfræga sænska leik-
stjóra Ingmar Bergmann og einn
þar sem Birgir Sigurðsson talar
við breska rithöfundinn Doris
Lessing.
Hrafn Gunnlaugsson er yfirmaður
innlendrar dagskrárgerðar á sjón-
varpinu og sagði hann, aðspurður
um tilhögun vetrardagskrárinnar,
að í öðrum „Kvöldstundum" yrði
m.a. boðið upp á samtöl Steinunnar
Sigurðardóttur við Guðberg Bergs-
son, Bubba Morthens við Megas,
Jónasar R. Jónssonar við Magnús
Kjartansson, Kristínar Ólafsdóttur
við Sigrúnu Hjálmtýsdóttur, Diddú,
og Jakobs Magnússcnar við Kristin
Hallsson. En þeir síðastnefndu munu
samkvæmt öruggum heimildum
taka lagið saman í þættinum.
Þá verður í haust frumsýnt Ieikrit-
ið Líf til einhvers, eftir Nínu Björk
Amadóttur, sem Kristín Jóhannes-
dóttir leikstýrir.
í tilefni af því að 30. september
nk. verða liðin 20 ár frá því að út-
sendingar sjónvarpsins hófust,
verður sérstök afmælisdagskrá það
kvöld. Verður þá m.a. endursýnd
mynd er vakti miklar umræður á
sínum tíma, Fiskur undir steini eftir
Þorstein Jónsson. Skaupstofan er
samheiti á ijórum skemmtiþáttum,
sem verið er að vinna að nú og verða
í umsjá sömu aðila og stóðu að
síðasta áramótaskaupi, Sigurðar
Siguijónssonar, Arnar Ámasonar
o.fl.
Tveir nýir innlendir fastaþættir
he§a göngu sína í sjónvarpinu í lok
október. Fjallar annar um listir og
menningu, verður sendur út á sunnu-
dagskvöldum og ber heitið Geisli.
Hinn verður á dagskrá á miðviku-
dagskvöldum í beinni útsendingu,
heitir í takt við tímann og tekur við
af þættinum Dagskrá næstu viku,
auk þess sem fleira verður væntan-
lega tekið fyrir en dagskráin. Ómar
Ragnarsson verður með sex nýja
Stikluþætti og 16. september nk.
verður þáttur um franska skipið
Pourquoi Pas?, sem fórst við Islands-
strendur, í umsjón Ómars.
Hrafn sagði að óvenju mikið yrði
af innlendu heimildaefiii á dagskrá
sjónvarpsins í vetur. Fræðsluþáttur
um jarðhita hefur verið gerður í
samvinnu við Orkustofnun og Ari
Trausti Guðmundsson hefur umsjón
með þáttum um Krísuvík og Jökulsá
á Fjöllum. Einn þáttur mun fjalla
um fötlun og annar um íslenska silf-
ursmíði. Um miðjan október verður
sýndur þátturinn I hljóðvarpanum,
þar sem starfsemi hljóðvarps verður
kynnt. Þá verður endursýnd röð
þátta um sjötta skilningarvitið og
viðhorf Islendinga til þeirra mála,
sem Jökull heitinn Jakobsson gerði
og voru sýndir á fyrstu árum sjón-
varpsins.
Matthías Viðar Sæmundsson,
bókmenntafræðingur, íjallar um
nokkur 19. aldar skáld íslensk í
nokkrum þáttum í vetur og af öðru
er varðar íslenska tungu má nefna
að teknir hafa verið upp allmargir
þættir, sem bera heitið Myndhverf
orðtök og Ijalla um íslenskt mál.
Þeir eru fimm mínútur að lengd
hver og verða sýndir reglulega á
undan tónlistarþættinum Poppkomi.
Annar tónlistarþáttur, Smellir, flyst
yfir á laugardaga fyrir kvöldfréttir
og verður fastur liður í dagskránni.
Þess má líka geta að sjónvarpið á
enn ósýndan seinni hluta tónleika
Dave Brubeck frá Listahátíð í sum-
ar. Þar taka Brubeck og félagar
m.a. lagið „Take five“ og þykir
væntanlega mörgum jazzáhuga-
manninum fengur að eiga þann
glaðning inni í skammdeginu.
Ymsar nýjungar verða á ferðinni
í barna- og unglingaefni í sjónvarp-
inu með haustinu. Sýnt verður
leikritið Elías og öminn, eftir Guð-
rúnu Helgu Söderholm, en þetta
verkefni var boðið út og síðan feng-
ið í hendur ísfilm. Leikstjóri er
Þórhallur Sigurðsson. Þá sagði
Hrafn Gunnlaugsson að bamatíman-
um Stundinni okkar yrði nú skipt í
tvennt; „Litla“ og „Stóra Stund",
með það fyrir augum að sú síðar-
nefnda höfði meira til hópsins tíu
ára og eldri, eða þeirra sem „eigin-
lega em hvorki böm né unglingar".
Að lokum má geta þess að til stend-
ur að sjónvarpið geri þáttaröð um
íslensku jólasveinana í samvinnu við
erlenda aðila og mun Egill Eðvarðs-
son stýra því verki.
Trúarlegt efni mun einnig skipa
sinn sess í vetrardagskránni. Vígslu
Hallgrímskirkju, þ. 26. október nk.,
verður sjónvarpað í beinni útsend-
ingu og síðan verður endursýnd
kvikmynd Jökuls Jakobssonar um
Hallgrím Pétursson, Sálin í útlegð
er. Þá verður sýnd guðsþjónusta þar
sem fyrrverandi biskup íslands,
herra Sigurbjöm Einarsson, predik-
ar. Jólafnessa sjónvarpsins verður
síðan að öllum líkindum tekin upp í
Skálholtskirkju.
Prófkjör Sjálfstæðisflokksins á Vestfjörðum:
Ekki búist við baráttu
um tvö efstu sætin
— Sérframboð 1983 hefur náð fram tilgangi
sínum segir Sigiirlaug Bjarnadóttir
FRESTUR til að skila inn framboðum í prófkjör Sjálfstæðisflokksins
á Vestfjörðum rennur út laugardaginn 13. september næstkomandi.
Kjömefnd kemur saman klukkan
tvö þann dag, fer yfir þau framboð
sem komið hafa inn og fjallar um
nánari vinnureglur í sambandi við
prófkjörið. Kjömefnd hefur rétt til
að bæta fólki við ef of fá framboð
þykja koma fram. Prófkjörið sjálft
verður haldið 11.-12. október nk.
Morgunblaðið hafði samband við
nokkra þá aðila sem heyrst hafa
nefndir í þessu sambandi og innti
þá eftir því hvort þeir stefndu á að
taka þátt í prófkjörinu. Flestum bar
saman um að ekki yrði barátta um
tvö efstu sætin.
Matthías Bjamason, samgöngu-
málaráðherra og efsti maður á lista
Sjálfstæðisflokksins á Vestfjörðum,
sagðist ekki vera búinn að senda inn
umsókn ennþá. „Ég tek þessu ró-
lega, vil fyrst segja kjömefndinni frá
ákvörðun minni áður en ég tjái mig
um þetta í fjölmiðlum."
Þorvaldur Garðar Kristjánsson,
þingmaður Sjálfstæðisflokksins og
annar maður á lista á Vestfjörðum,
sagðist ætla að gefa kost á sér. „Ég
fer í prófkjör".
Sömu sögu má segja um Einar
K. Guðfinnsson, fyrsta varaþing-
mann sjálfstaBðismanna á Vestfjörð-
um. „Ég ætla i prófkjör, það er alveg
ljóst. Eg stefni fyrst og fremst að
því að halda því sæti sem ég er í nú.“
„Já, það er búið að ganga frá
þessu og umsókninni verður skilað
inn á réttum tíma,“ sagði Ólafur
Kristjánsson, skólastjóri á Bolung-
arvík.
Hallgrímur Sveinsson, skólastjóri
á Þingeyri og bóndi á Hrafnseyri,
sagðist einnig ætla að gefa kost á
sér. „Eg hef ekki tekið opinbera
afstöðu í stjómmálum áður en verið
stuðningsmaður Þorvalds Garðars
um langt skeið. Ég ætla nú að láta
reyna á það hvort að maður eigi
eitthvað erindi í þetta en stefni ekki
á neitt sérstakt sæti.“
„Já, ég verð með í prófkjörinu,”
sagði Guðmundur H. Ingólfsson,
skrifstofumaður hjá Rækjuverk-
smiðjunni í Hnífsdal. „Ég lít fyrst
og fremst á þetta sem svo, að verið
sé að kjósa í sætin fyrir neðan það
fyrsta og annað. Þeir sem þar sitja
verða líklega þar áfram. Mitt fram-
boð er ekki tii höfuðs einum eða
neinum sem nú er á lista. Ég hef
verið þátttakandi í pólitísku starfi
Sjálfstæðisflokksins hér á svæðinu
í 15 ár og vill vera með. Það er
meginástæðan fyrir mínu framboði.
„Ég fer frarn," sagði Hildigunnur
Högnadóttir, verslunarkona á
ísafirði. „Mér fínnst þátttökuleysi
kvenna áberandi hér í kjördæminu
og má segja að ein af ástæðunum
fyrir framboði mínu sé vilji til að
ráða bót á því.“
„Nei, ég ætla mér ekki að taka
þátt í prófkjörinu," sagði Sigurlaug
Bjarnadóttir. „Ég fagna þó því að
afturhaldsöflin meðal vestfirskra
sjálfstæðismanna hafi séð sitt
óvænna og að haldið verður próf-
kjör. Sérframboðið 1983, sem ekki
var til komið vegna minnar persónu
heldur megnrar óánægju stór hóps
sjálfstæðisfólks, hefur náð fram til-
gangi sínum. Ég vona að prófkjörið
fari hófsamlega og drengilega
fram."
STÓRMARKAÐUR Lóuhólum 2—6, sími 74100
Nautahamborgarar
m/brauði
kr. 19,00 stk.
Nýreykt Londonlamb
kr. 298,00 kg.
Kjúklingar
kr. 195,00 kg.
Nýreykt Hangikjöt
frampartur
kr. 198,00 kg.
Bakon Bauti m/brauði 19,00 stk.
Taðreykt kindabjúgu 198.00 kg.
Hvai Buff 1 58,00 kg.
Kryddlegin Lambalæri 269,00 kg.
Nýreykt Hangikjöt læri 298,00 kg.
Reyktur/grafinn Lax 798,00 kg.
Lambakjöt af nýslátruðu
VISA
Opið til kl. 20.00 I kvöld,
en til kl. 16.00 laugardag. il