Morgunblaðið - 03.06.1988, Blaðsíða 16

16 B
MORGUNBLAÐIÐ, FÖSTUDAGUR 3.'JÚNÍ 1988
Fréttir af Hacker
og Sir Humphrey
Munið þið eftir Jim Hacker? Síð-
ast þegar við sáum hann var
hann orðinn forsætisráðherra
Bretlands og sennilega hefur
enginn stjórnmálamaður verið
vinsælli. Ekki einu sinni Thatcher.
Nokkuð er um liðið frá því
hann skemmti okkur hér á landi
en Hacker birtist reglulega á
skjánum í næstum fimmtíu lönd-
um þ.m.t. Kina. Það nýjasta frá
honum að frétta er að sjónvarps-
Guðaðá
skjáinn
menn í Bandaríkjunum hafa í
undirbúningi að gera sína eigin
bandarisku útgáfu þáttanna Já,
ráðherra. Þeir eiga að heita „All
in Favor" eða Þeir sem sam-
þykkja (í beinni þýðingu) en einn
af höfundum þeirra er Jack Ka-
plan sem var ræðuhöfundur
Jimmy Carters á sínum tíma. „Ég
held að Bandaríkjamenn, eins og
Bretar, séu lítt upplýstir um hinn
raunverulega gang stjórnsýsl-
unnar," segir Jonathan Lynn sem
ásamt Anthony Jay skapaði
þættina Já, ráðherra a i upphafi
níunda áratugarins og seinna Já,
forsætisráðherra.
Verðlaunum hefur verið hlaðið
á þá tvo og aðalleikara þáttana
og bók sem byggir á þáttunum
og heitir „The Complete Yes,
Minister“ hefur dvalið á metsölu-
listum í Bretlandi í næstum þrjú
Jonathan Lynn annar af höfund-
um gamanþáttanna bresku.
ár. Tvö bindiaf „dagbókum" Hac-
kers hafa selst eins og heitar
lummur.
Þættirnir eru minna um stjórn-
mál en eiginlega stjórnsýslu.
Hinn geðþekki en tækifærissinn-
aði og oft ráðvillti stjórmálamað-
ur Hacker („Ég varð að komast
að því hvort þessi lygi væri
sönn“) hefur kannski áhrif en
hann hefur engin völd. Völdin eru
í höndum embættismannanna
sem andstæðingur Hackers, Sir
Humphrey Appleby, er fulltrúi
fyrir. Skylda hans er að halda
stjórnmálamönnum utan við
tjórnsýslu.
Þættirnir eru firnagóð lýsing á
þvi hvernig best má lama stjórn-
sýslukerfið. „Fróður maður sagði
einu sinni að breska stjórnkerfið
hefði mótor garðsláttuvélar en
bremsur úr Rolls-Royce," segir
Lynn.
f bandarísku þáttunum verður
einblint á samskipti þingsins og
Hvita hússins. „Það sem gerði
Já.ráðherra svo móttækilega fyr-
ir almenning voru ekki stjórnmál
heldur stjórnsýsla og bandarísku
þættirnir munu leggja áherslu á
hana. Hún hefur ekkert að gera
með kosningar. Stjórnsýslan
verður alltaf sú sama hverjir sem
kosnir eru," segir Lynn. „Banda-
ríska stjórnarskráin var gerð til
að deila niður valdinu og setja
hömlur á stjórnvöld; margir hafa
völd til að segja nei og koma i
veg fyrir að mál verði fram-
kvæmd en næstum enginn hefur
völd til að frafnkvæma hlutina."
Lynn og Jay lesa allar æfiminn-
ingar stjórnmála- og embættis-
manna sem gefnar eru út og
þeir eiga sér marga heimildar-
menn innan breska stjórnkerfis-
ins. Þeir skipta Hacker og Sir
Humphrey á milli sín. „Ég er
verndarengill Hackers," segir
Lynn, „en Tony stendur vörð um
Sir Humphrey." Hacker er snill-
ingur í að svara ekki spurningum
(ein aðferðin er að svara með
annari spurningu) og Sir Hump-
hrey veit hvernig lesa á milli
línanna: Ef eitthað er í athugun
þýðir það að skýrslan er týnd.
Ef eitthvað er tekið sérstaklega
fyrir, er verið að leita að henni.
Er nema von að Thatcher segi
(svolítið Humphreyísk): „Hin ná-
kvæma lýsing þáttanna á því sem
gerist innan valdastofnanna hafa
veitt mér margar ánægjustund-
irnar." -ai.
Bíoin í borginni
BÍÓBORGIN
Veldi sóiarinnar ★ ★ ★
Framsækin og metnaðarfull, en
Spielberg kannski fullhátíðlegur á
hæstu nótunum. Konfekt fyrir aug-
að — síður eyrað — og hinn ungi
Christian Bale er eftirminnilegur í
erfiðu aðalhlutverki. Mynd fyrir
vandláta. — sv.
Sjónvarpsfréttir ★ ★ ★ s/2
Einstaklega skemmtileg og mein-
fyndin rómantísk gamanmynd um
fólk í sjónvarpsfréttum þar sem
meiru máli skiptir að velja rétt bindi
við jakkafötin en skrifa góða frétt.
Holly Hunter, William Hurt og Al-
bert Brooks fara á kostum og James
L. Brooks leikstýrir af smekkvísi,
skynsemi og hugsun sem er sannar-
lega dýrmæt í því skelþunna
skemmtanafári sem imbinn heldur
sífellt að fólki. — ai.
Fullt tungl ★ ★ ★
Töfrandi rómantísk gamanmynd frá
Norman Jewison með Cher í aðal-
hlutverkinu. Myndin fjallar um Ást-
ina með stórum staf og Cher er
ómótstæðileg. — ai.
Þrir menn og barn ★ ★ ★
Þrír piparsveinar taka að sér sex
mánaða gamla stúlku ( þessari
bráðskemmtilegu og indælu gam-
anmynd sem byggð er á frönsku
myndinni „Trois hommes et un
couffín". Tom Selleck er senuþjóf-
urinn. — ai.
HÁSKÓLABÍÓ
Sumarskólinn ★ V2
Carl Reiner hefur verið skemmti-
legri og frjórri en í þessari sumar-
mynd um leikfimikennara sem verð-
ur að kenna enska málfræði á sum-
amámskeiði. Fátt fyndið en margt
kjánalegt. — ai.
STJÖRNUBÍÓ
Dauðadansinn ★ ★ V2
Norman Mailer hefur grimmt gam-
an af að fílma sína eigin skáldsögu
með Ryan O’Neal í kynlífs- og
morðmálum í þungskýaðri sveit-
inni. Sannarlega kjaftshögg á
amerískan hversdagleika. — ai.
Illur grunur ★ ★ ★
Hæggeng á köflum og rokkar á
milli drama, spennu og ástarsögu,
en kostir hennar sem spennumynd-
ar hafa vinninginn. — sv.
BÍÓHÖLLIN
Baby Boom ★ ★ ★
Ágæt siðfræði inn við beinið, þó er
eins og allir viðkomandi séu með
glýju í augum yfír bandaríska
gróðadraumnum. En ádeilan á
mannlega þáttinn nær í gegn, ekki
síst fyrir sannfærandi kraft stór-
leikkonunnar Diane Keaton, og
Sam Shepherd stendur orðið fyrir
hinn sanna bandaríska bústóípa.
— sv.
Aftur til baka ★ V2
Döngunarlítill draugagangur þar
sem handritshöfundar koma öllu í
algjörar ógöngur. Heldur veikburða
leikhópur kann fátt til bjargar.
— sv.
Fyrir borð ★ ★ V2
Létt, brosleg en vantar sterkari
brodd. Hawn er ætíð skemmtileg á
að horfa, en mætti að ósekju vera
kröfuharðari á handritin. — sv.
Hættuleg fegurð ★ ★ ★
Formúlan gengur fímavel upp, ekki
síst fyrir tilstuðlan Whoopi Gold-
bergs sem á hér sinn langbesta
gamanleik. — sv.
Þrír menn og barn
Sjá Bíóborgin
Spaceballs ★ ★ ★
Mel Brooks gerir grín að stjömu-
stríðs- og öðmm geimvísindamynd-
um, framhaldsmyndum, leikfanga-
gerð og sölubrögðum í Hollywood
á sinn frábærlega geðveikislega
máta. — ai.
REGNBOGINN
Hann er stúlkan mín ★
Brendan Behan orti „því hver er
hvað og hvað er hver" o.s.frv., en
hér em hvorki hann né Billy Wilder
á ferðinni. Lunkin hugmynd leysist
upp í geyspa. — sv.
Hetjur himingeimsins ★
Að slepptum hriplekum söguþræði,
síðustu mínútunum og Dolph Lund-
gren í hlutverki Garps, má hafa
gaman af Mattel-leikföngunum.
-L ai.
Gættu þín kona ★ V2
Mynd um konu sem kúguð er af
kynferðislega brengluðum manni.
Tekur á svolítið frumlegan hátt á
kunnuglegu efni og vill gera vel,
en er illa leikin og á margan hátt
hroðvirknislega gerð. — ai.
Síðasti keisarinn ★ ★ ★ V2
Epískt stórvirki. Efnið og kvik-
myndagerðin með ólíkindum
margslungin. Síðasti keisarinn er
næsta óaðfínnanleg að allri gerð
og hefur kvikmyndaárið 1988 með
glæsibrag. — sv.
Brennandi hjörtu ★ ★ V2
Einkar geðþekk, mannleg og ekta
gamanmynd frá frændum vorum
Dönum. — ai.
Hentu mömmu af lestinni ★ ★ ★
Fyrsta bíómyndin sem Danny De-
Vito leikstýrir kemur mjög
skemmtilega á óvart. Morð og meið-
ingar eftir uppskrift frá Hitchcock
fá hinn skondnasta svip og mamm-
an er dásamlegt furðufól. — ai.
Metsölubók ★ ★
Brian Dennehy og James Woods
eru ólíkir en góðir saman í þessari
Wambaugh-legu félagamynd.
Vondi gæinn á líka að vera góði
gæinn en það gengur ekki upp í
þessu tilfelli. Victoria Tennant er
algjörlega út á þekju. — ai.
LAUGARÁSBÍÓ
Aftur til L.A. ★ ★
Cheech Marin sýnir á sér glænýja
hlið vímulausra elskulegheita í þess-
ari að mörgu leyti ágætu gaman-
mynd um ólöglega innflytjendur í
Mexíkó. Marin er þokkalegur leik-
ari og það má hafa gaman af mynd-
inni hans. — ai.
Hárlakk ★ ★ V2
Óvenju háttvís Waters í dansmynd
frá sjöunda áratugnum. Eftirsjá og
meinfyndni dæmafáss kvikmynda-
gerðarmanns, sem nú verður að
líkindum farið að taka alvarlega.
— sv.
Kenny
Harla óvenjuleg mynd um ungan,
glaðlegan og gáfaðan strák sem á
vantar neðri hluta líkamans. En
hann lætur ekki stjómast af þess-
ari miklu fötlun og er því hvatning
okkur hinum að ráða framúr ólíkt
léttari vandamálum. Einstök mynd
sem er að sjálfsögðu hafin yfír
stjömuflokkun. — sv.
Rosary-morðin ★ ★
Hæggeng, nostursamleg sakamála-
mynd sem nýtur góðs af hlýjum
undirleik Donalds Sutherlands, sem
hér er víðsfjarri sinni gamalkunnu
skálksímynd. — sv.
MYIMDBÖND Á MARKAÐNUM
Saebjöm Valdimarsson
INNERSPACE ★ ★★
Hér er ein sem kemur manni í
gott skap. Dennis Quaid leikur
geimfara sem fær það óvenjulega
verkefni að vera settur í smækk-
ara, síðan á að sprauta kauða inní
blóðrásina á kanínu. Vitaskuld allt
fyrir vísindin. En nú fer öðru vísi
en ætlað var því Quaid lendir óvart
í líkama á móðursjúkum mann-
• garmi! Ekki meira um það en uppá-
komurnar í þessari mynd eru með
því sprenghlægilegasta sem sést
hefur langa lengi. Þökk só út-
smognu handriti, líflegri leikstjórn,
góðum leik þar sem Short kitlar
heldur betur hláturtaugarnar í hlut-
verki gungunnar. Bókaður smellur.
THE POPE OF GREEN-
WICH VILLAGE ★ ★Vz
Undurfurðuleg skopmynd af
mislukkuðum frændum í Little Italy
borgarhverfinu í New York, sem
vilja fyrir alla muni komast í Mafí-
una. En eru seinheppnastir
skussa. Rourke og Roberts sniðnir
í hlutverkin og Geraldine Page í
toppformi að venju.
BIG SHOTS^^
Þessi óvenjulega mynd um tvo
drengsnáða sem fara í hlutverk
fullorðinna hörkutóla ( slömm-
hverfum Chicago, kemur virkilega
á óvart. „Óttaleg vitleysa", segja
sjálfsagt margir, en meginmálið
er að hún er bráðfyndin og á það
ekki síst að þakka þeldökka strákn-
um sem er óborganlegur og
glúrnu, fáránlegu handriti.
NIGHT OF
THE CREEPS ★★
Heldur ótótleg og einföld ungl-
ingamyndaútgáfa af hrollvekjum
Romeros. En það hefur tekist að
ná B-myndasjarma hryllings- og
vísindaskáldsögumynda sjötta og
sjöunda áratugsins. Leikurinn
skemmtilega hallærislegur.
OTTO 2~k ★V2
Ottó, þetta stórundarlega,
Frísneska fyrirbrigði á vænan hóp
aðdáenda hérlendis og hlýtur það
að segja nokkuð um hæfileika
þessa farsaleikara.Mynd sem
kemur fýlupúkum í enn verra skap,
(ef það er hægt). Aðrir kveikja á
móttöku fyrir (oft) hressilegri aula-
fyndni.
EUREKA ★★★
Kynngimögnuð skoðun á tálsýn
auðs og valda, drifin áfram af
kraftmiklum leik, þar sem Hack-
man rís hæst og hugmyndaríkri
leikstjórn. Forvitnilegur hópur
skapgerðarleikara í öllum auka-
hlutverkum. Metnaðarfullar mynd-
ir sem þessar eru því miður næsta
fágætar en gera valið á mynd-
bandamarkaðnum fágaðra og for-
vitnilegra.
DIRTY DANCING ★★★
Ég spái að þessi óvænti afþrey-
ingarsmellur síðasta árs eigi eftir
að tröllríða myndbandstækjum
landsmanna næstu mánuðina.
Eldhress tónlist og dansinn stiginn
af nautn. Swayze fremstur í flokki
ágætra leikara.
NO MERCY ★★★
Engin náð í New Orleans þar
sem þessi spennandi og grófi þrill-
er gerist aö mestu leiti. Gere
kemst þokkalega frá hlutverki
Chicago-löggu sem heldurtil borg-
arinnar í hefndarhug og lendir í ill-
um útistöðum við litríkan undir-
heimalýð, Akadíumenn, kuklara.
En Jeroen Krabbe stelur senunni
sem mikilúðlegur höfuðpaur morð-
varga hinnar seiðandi Suðurríkja-
borgar.
RENT-A-COP ★★
Löggumynd sem líður fyrir hall-
ærislegan ofleik Minelli og ves-
ældarlegan Reynolds. „Öðru vísi
mér áður brá ..."
JUMPIN JACK FLASH ★ ★
Hór er Goldberg komin á háska-
lega braut, lætur misvitra framleiö-
endur ata sér útí farsaleik sem
byggður er á einkar ófyndnu hand-
riti.
ROXANNE ★★★
Cyrano de Bergerac á léttu nót-
unum, eða einsog Steve Martin
getur einn afgreitt hann. Vel skrif-
að, hnyttið handrit, Martin fer á
kostum, eins Rossovich í hlutverki
þöngulhaussins og Hannah er hin
æsilegasta. Ánægjuleg afþreying.
BEVERLY HILLS COP II
★ ★
Nánast endurgerð fyrri myndar-
innar, aðeins örlitlar breytingar á
leikurum í aukahlutverkum, tæpast
mælanlegar á handriti né töku-
stöðum. En áhorfendur eru greini-
lega ekki búnir að fá nóg af Alex
Foley. Fyrir aðdáendur Eddie
Murphy.
CRITICAL CONDITION ★
Titillinn á ekki síður við stöðu
leikferils Pryors sem vonandi hrap-
ar ekki neðar. Innantóm og fárán-
lega alvörublönduð erkiþvæla. Pry-
or og fleiri góðir menn reyna björg-
unaraðgerðir án árangurs.
RAISING ARIZONA ★★★
Cohen-bræður (Blood Simple)
fara óhikað ótroðnar leiðir og út-
koman er frumleg, bráðfyndin
uppákoma um lánleysingja í þjóð-
fólaginu sem taka það til bragðs
að ræna kornabarni þegar önnur
úrræði bresta! Hunter (Broadcast
News) og Cage eru óborganleg í
aðalhlutverkum. Ósvikin skemmt-
un.
SKELETON COAST ★
Allt að því dýrlega lélegur
óskapnaður um aflóga gamal-
menni í hetjuhlutverkum.
MALONE ★★
Þokkaleg afþreying, byggð á
sígildum söguþræði. Reynolds
nokkuð líflegur en góður hópur
leikara í aukahlutverkum mun
betri. Nokkuð hröð atburðarás og
vel unnin átakaatriði.
ISHTAR ★★1/2
Ein kunnari mistök síðari ára í
sögu kvikmyndanna. Heildarmynd-
in gengur alls ekki upp, en með
jákvæðu hugarfari má hafa gaman
af mörgum, einstökum köflum
myndarinnar; New York-þættin-
um, Hoffman í túlkshlutverkinu og
Grodin og blinda kameldýrið eru
bráðfyndin.